Telegram-канал "🇺🇿Банкир кундалиги" — @bankirkundaligi

🇺🇿Банкир кундалиги

21 Jan, 09:01

00:30

Видео недоступно для предпросмотра

“Трастбанк”дан кўплаб имкониятларни берадиган картани қарши олинг!

“Трастбанк” янги “MasterCard World Elite” картасини жорий қилди. У билан сиз қуйидаги имкониятларга эга бўласиз:

➡️ Аэропортлардаги “Lounge Key” бизнес залларига БЕПУЛ кириш;
➡️ Максимал ҳимояланган хавфсизлик;
➡️ “Fast Track” хизматидан БЕПУЛ фойдаланиш;
➡️ 24/7 режимида ишлайдиган консерж хизмати;
➡️ Роумингда 3 ГБ бепул интернет;
➡️ Тиббий саёҳат суғуртаси;
➡️ Онлайн ва офлайн харидлар учун кешбек;
➡️ Барча операцияларни қулай мобил илова орқали бошқариш.

Ҳозироқ “Трастбанк” офисларига ташриф буюринг. Ёки расмий веб-сайт орқали онлайн ариза қолдиринг.

Батафсил маълумот ва онлайн ариза қолдириш

Саволларингиз бўлса, 1287 рақамига қўнғироқ қилинг.
Кўпроқ маълумот учун телеграмга аъзо бўлинг: @trustbankuz

👉 @bankirkundaligi 👈

13.6k 1 33 2

🇺🇿Банкир кундалиги

21 Jan, 07:26

Ҳафталик дайжест.
Банк тизими ҳафталик (13 - 19 январ 2025) янгиликлари.

☑️Асакабанк UzAuto Motors автомобиллари учун автокредит таклиф этди. Бошланғич тўлов 50%, муддати 24 ой, фоизи 16,5% ва ундан пастроқ дейилади банк хабарида.

☑️Халқбанки ўзининг иш ҳақи лойиҳаси мижозларига ва бюджет ташкилотлари ходимларига ҳужжатларсиз, кафилларсиз ва гаровларсиз 100 млн сўмгача микроқарз таклиф этди.

☑️Анорбанк бизнес учун онлайн расмийлаштириладиган, қайта тикланадиган кредит линиясини таклиф этди. Тўлов фақат фойдаланилган қисм учун ҳисобланади.

☑️Ўзсаноатқурилишбанк "Картадан-картага пул ўтказмаси" акцияси давом этаётганини маълум қилди. 5 млн сўмгача пул ўтказмалари бепул тақдим этилади.

☑️Туронбанк SWIFT тизимида техник ишлар олиб борилиши муносабати билан 2025 йил 17 январдан бошлаб банкнинг барча тузилмаларида ушбу тизим орқали амалиётлар тўхталишини маълум қилиб, узр сўради.

☑️Универсалбанк "Инвест 7,5" омонатини таклиф этди. Муддати 18 ой, фоизи 7,5%,минимал омонат миқдори 200$.

☑️МКБанк Бошқаруви раиси ўринбосари Ш.Ибрагимова Сирдарё вилоятида тадбиркор аёллар билан учрашув ўтказди.

☑️Ориент финанс банк "Яшил ипотека" кредити орқали уйни энергия тежамкор таъмирлашни таклиф этди. Муддати 7 йилгача, фоизи 20%, миқдори 140 млн сўмгача.

☑️Ҳаёт банк Тошкент шаҳар Яшнобод туманида янги банк хизматлари марказини очди.

☑️Тенге банк Тенге24 иловаси орқали 50 млн сўмгача микроқарз олиш мумкинлигини маълум қилди. Муддати 2 йилгача, фоизи 35,9%дан бошланади. Шунингдек, банк банкка келмасдан ЯТТ лар 300 млн сўмгача, ҳужжатларсиз бизнес учун кредит олишлари мумкинлигини ҳам маълум қилди.

☑️Гарант банк "KIDS CARD" картасини жорий йил 1 февралгача бепул расмийлаштиришни таклиф этди. Фарзандларингиз учун картани устига ўзини расмини тушириб, олиб берсангиз бўлади.

☑️Узум банк QR орқали тўловларни таклиф этди. Хусусан, метрода шу турдаги ҳар бир тўлов учун 1050 сўм кешбэк тақдим этилишини маълум қилди.

☑️Ҳамкорбанк ва A-Pay ҳамкорлигини кенгайтириб, электрон пуллар чиқариш доирасида қўшма лойиҳа бошлаётганини маълум қилди. Шунингдек банк бошланғич тадбиркорлар учун 300 млн сўмгача кредит таклиф этди. Фоизи 26%, муддати 3 ойдан 48 ойгача.

☑️Капиталбанк Германиянинг Helaba (Landesbank Hessen-Thüringen) банки билан 15 млн Евролик савдони кредитлаш бўйича келишув имзолади.

☑️Смартбанк ҳар қандай терминалда ишлайдиган карта тақдим этди. Картага бепул буюртма берилади ва бепул етказиб берилади.

☑️ИнфинБанк 2025 йил 16 январ мобил иловасида узилишлар бўлаётгани сабабли носозликларни бартараф этишга киришганини ва илова узлуксиз ишлаши билан дарҳол хабар берамиз деб, ҳалигача (5 кунда ҳам) хабар беришмади.

U.P.D.: Банк мобил иловасини ишга туширганини бугун 2025 йил 21 январ куни соат 12:00 да эълон қилди.

☑️ТБС Банк жамоат транспортида "Салом Кард" орқали тўлов қилганда кейинги ойнинг биринчи 10 кунида 5% кешбэк қайтарилишини маълум қилди.

☑️КДБ Банк Ўзбекистон АҚШнинг “Bank of New York Mellon"банки билан АҚШ долларидаги янги вакиллик ҳисобварағи очилганини маълум қилди.

☑️Бизнесни ривожлантириш банки ACCA халқаро ассоциацияси аккредитациясини олганини маълум қилди.

☑️Азия аллианс банк янги Cobalt автомобили олиш учун бошланғич тўловсиз автокредит таклиф этди. Фоизи 30%, муддати 60 ойгача.

☑️Октобанк "Ватан ҳимоячилари куни" билан табриклаш учун Африкалик ижодкорлар томонидан видеоролик олдирди.

☑️Ўзмиллийбанк Ria Money Transfer энди Миллий иловасида ҳам фойдаланишни жорий этганини маълум қилди.

☑️МКБанк ишга таклиф этди.

☑️Ҳафта давомида энг кўп ўқилган пост.

☑️Автокредитлар ва микроқарзлар рўйҳати.

☑️Камбағал оилаларга 120 млн сўмгача ипотека кредитлари ажратилиши ҳақида 👉Мана бу ерда👈 тўхталиб ўтдик.

☑️Қуёш панеллар учун кредитлар шартлари 👉Мана бу ерда.👈

☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.

Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.

👉 @bankirkundaligi 👈

Ўтган ҳафта хабарлари☝️🏻

15.5k 1 103

🇺🇿Банкир кундалиги

17 Jan, 18:14

ҲОКИМ ЁРДАМЧИСИ ЛАВОЗИМИ ЁПИЛАДИМИ? (ШАХСИЙ ФИКР)

Кўпчилик обуначилар савол юборишади: Ҳоким ёрдамчиси нега керак ёки бу лавозим ёпилиб кетадими деб?

Жавобимиз шундай!

Ўртоқлар бу лавозим ҳали бери ёпилмайди.

Сабаби улар зиммасига Маҳаллада ишсизларни даромадли меҳнат билан банд қилиш, тадбиркорликка жалб этиш, тадбиркорликни ривожлантириш, ўзини ўзи банд қилганларни ЯТТ ёки оилавий корхона сифатида иш бошлашига ёрдам бериш каби асосий вазифалар юклатилган. Ҳоким ёрдамчиларининг асосий вазифаларини 👉 мана бу ерда 👈 кўрсатиб ўтганмиз.

☑️Бундан ташқари қуйидагиларни ҳам қўшимча қилиш мумкин:

- Аҳоли хонадонлари даромадини ошириш, уларга лойиҳалар пакетини тақдим этиш, томорқасидан самарали фойдаланиш бўйича экин эктириш;

- Кредит ва субсидиялар ҳам улар иштирокисиз ажратиб бўлмайдиган тизим яратилган;

- Аҳолига ажратилган ерлар ҳам уларнинг назоратига ўтган, доимий хатлов қилиб, тўлиқ экилишини назорат қилиб боради;

- "Бир контур - бир маҳсулот" тамойили асосида ташкил этиладиётган лойиҳаларни молиялаштиришда иштирок этиш каби бир нечта вазифалар уларнинг зиммасида.

Шунча вазифани амалга оширишга масъул бўлган лавозимни ёпиш кимнинг хаёлига келади.

👉 @bankirkundaligi 👈

45.1k 1 497 99

🇺🇿Банкир кундалиги

17 Jan, 15:00

ОЛТИН ҚУЙМАЛАРНИ ҚАЕРДА СОТИШ МУМКИН?

Аҳолининг инвестиция ва жамғариш имкониятларини кенгайтириш, шунингдек, қимматбаҳо металлар муомаласини ривожлантириш мақсадида Ўзбекистон Республикаси Марказий банки ўлчовли олтин қуймаларни тижорат банклари орқали сотувга чиқармоқда.

Оғирлиги 5, 10, 20, 50 ва 100 грамм бўлган, 999,9 софликдаги олтиндан тайёрланган қуймалар махсус ҳимоя қадоқларида сотув учун тақдим этилади. Олтин қуймаларнинг қадоғи сертификат вазифасини бажаради ва ўз серия рақамига эга бўлади.

ОЛТИН ҚУЙМАЛАРНИ СОТИШ ВА СОТИБ ОЛИШ КУРСИ ҚАНЧА?

Бугун 2025 йил 17 январ ҳолатига олтин қуймаларни сотув нархлари қуйидаги расмда кўрсатилган.

Олтин қуймаларнинг сотиш ва қайтариб сотиб олиш нархлари олтиннинг жаҳон бозоридаги нархи ва Марказий банк томонидан белгиланган маржа ёки чегирма асосида шаклланади ва ҳар куни Марказий банкнинг веб-сайтида миллий валютада эълон қилиб борилади.

(Лекин Марказий банк сайтида олтин қуймаларни сотиб олиш нархлари эълон қилинмаган)

Маълумот учун: Маржа ва чегирма миқдорлари ўлчовли қуймаларнинг муомалага чиқарилиши ва муомалада бўлиши билан боғлиқ операцион харажатларни ҳисобга олган ҳолда белгиланади.

Қадоқлари бут олтин қуймалар сотув шахобчаларида тижорат банки томонидан ёмби эгасига тўловни дархол амалга ошириш орқали қайтариб сотиб олинади.

Қадоғи бузилган ҳолатда нима қилиш ҳақида 👉 мана бу ерда 👈 тўхталиб ўтилган.

Ўлчовли олтин қуймаларнинг сотиш ва қайтариб сотиб олиш шохобчалари рўйҳатини 👉мана бу ерда👈 кўриб чиқишингиз мумкин.

👉 @bankirkundaligi 👈

37k 1 145 1

🇺🇿Банкир кундалиги

17 Jan, 07:19

БУГУНДАН БОШЛАБ 100 ГРАММЛИ ОЛТИН ҚУЙМАЛАР СОТУВГА ЧИҚАРИЛАДИ

Ўзбекистон Республикаси Марказий банки аҳолининг инвестиция ва жамғариш имкониятларини янада ошириш ҳамда қимматбаҳо металлар муомаласини кенгайтириш мақсадида 2025 йилнинг 17 январидан бошлаб 5, 10, 20, 50 граммли ўлчовли олтин қуймаларга қўшимча равишда оғирлиги 100 грамм бўлган олтиндан тайёрланган ўлчовли қуймаларни тижорат банклари орқали сотувга чиқарилаётганини маълум қилди.

Қуймалар махсус ҳимоя қадоқларида сотув учун тақдим этилади. Олтин қуймаларнинг қадоғи сертификат вазифасини бажариб ўз серия рақамига эга бўлади (Яъни олтин қуйманинг қадоғини йўқотиб қўйманг). Олтин қуймаларнинг сотиш нархлари ҳар куни Марказий банкнинг расмий веб-сайтида миллий валютада эълон қилиб борилади.

☝🏻Қадоқлари бут олтин қуймалар сотув шохобчаларида қуйма эгасига тўловни амалга ошириш орқали қайтариб сотиб олинади.

Қадоғи бузилган ёки техник талабларга мос келмайдиган олтин қуймаларни қайтариб сотиб олиш уларни техник экпертизадан ўтказиш орқали амалга оширилади ва экспертиза ўтказилгандан сўнг тўлов тўлаб берилади.

Қадоғи бут ҳолатдаги олтин қуймаларни Ўзбекистон Республикаси ҳудудидан ташқарига олиб чиқишга рухсат берилади.

👉 @bankirkundaligi 👈

40.3k 4 219 9

🇺🇿Банкир кундалиги

16 Jan, 19:36

02:14

Видео недоступно для предпросмотра

Смотреть в Telegram

Ҳоким ёрдамчиси тадбиркорлик билан шуғулланмоқчи бўлган фуқарога ер майдони олиб бериш эвазига 30 минг АҚШ доллари пора билан қўлга тушгани "Овоза" қилинмоқда.

Тошкент шаҳар, Учтепа туман.

👉 @bankirkundaligi 👈

38.8k 1 325 9

🇺🇿Банкир кундалиги

16 Jan, 15:27

КРЕДИТ ОЛМАГАНГА 10% СУБСИДИЯ БЕРИЛАДИ, ВАҚТИДА ЁПГАННИНГ КРЕДИТ ФОИЗИНИ 4%И ҚАЙТАРИЛАДИ

Президентимиз томонидан бугунги йиғилишда пахта етиштириш ва қайта ишлашда қўшимча бозор механизмлари жорий қилиниши белгиланди.

Жорий йилдан бошлаб кластерлар пахтага талаби ва нарх таклифини биржага қўяди, фермерлар эса ўзига маъқулини танлаб, фьючерс шартномасини тузади.

⚡️Имтиёзли кредит олмай, ўзи пахта етиштирган фермерларга биржада сотган пахтасини 10 фоизи миқдорида субсидия берилади.

⚡️⚡️Имтиёзли кредитни йил якунигача тўлиқ қайтарган фермерларга кредитнинг 4 фоизи қайтариб берилади. Уларга кредит фоизи амалда 10 фоиздан 6 фоизга тушади.

Фермерларга юбориб қўямиз.

👉 @bankirkundaligi 👈

47.5k 2 587 15

🇺🇿Банкир кундалиги

16 Jan, 13:57

ПРЕЗИДЕНТ 2025 ЙИЛДАГИ АСОСИЙ ВАЗИФАЛАРГА ТЎХТАЛДИ

Ўтган йил якунида ҳокимларнинг ҳудудий режалари белгилаб олинди. Ҳар бир туман кесимида бажарилиши лозим бўлган индикаторлар тўплами ишлаб чиқилди.

Жумладан, бу йил 27 та туман ҳокими инвестицияни 200 миллион доллардан ошириш режасини олган. Масалан, сўнгги беш йилда Учкўприкда (Банкирликдан ўтган ҳоким) хорижий инвестиция 10 карра ошиб, 100 миллион долларга етди. Туман ҳокими 2025 йилда буни 200 миллион долларга етказишни ҳисоб-китоб қилган.

Лекин 10 та туман ҳокимининг режаси 40 миллион долларга ҳам етмаслиги кўрсатиб ўтилди. Булар Миришкор, Кўкдала, Боёвут, Бандихон, Узун, Шеробод, Бекобод, Тошкент, Риштон, Гурлан туманлари.

Мутасаддиларга ушбу туманларга янги лойиҳалар пакетини шакллантириб, камида 100 миллион долларлик режани тасдиқлаш топширилди.

☝🏻Эслатиб ўтамиз, бугун лавозимидан озод этилган Сирдарё вилояти ҳокими А.Махмудалиев ҳам 2018-2022 йилларда айнан Фарғона вилоятининг Учкўприк туманида ҳокимлик лавозимида фаолият юритган.

👉 @bankirkundaligi 👈

33.6k 1 74

🇺🇿Банкир кундалиги

16 Jan, 13:27

⚡️⚡️⚡️СИРДАРЁ ВИЛОЯТИ ҲОКИМИ ЛАВОЗИМИДАН ОЗОД ЭТИЛДИ

Айрим туман ҳокимлари инвестиция ва экспорт масаласини ўз ҳолига ташлаб қўйгани қайд этилди.

Ўтган йили Беруний, Қораўзак, Қўнғирот, Пешку, Янгиобод, Қамаши, Хонқа, Шовот туманларида инвестиция 15 миллион долларга ҳам етмади. Ромитан, Деҳқонобод, Миришкор, Чироқчи, Нарпай, Нуробод ва Гулистон туманлари, Оҳангарон шаҳрида экспорт камайган.

Ушбу 16 та туман ва шаҳар ҳокимларига ҳайфсан эълон қилинди.

Ҳудудида ивестицияларни жалб қилиш, қишлоқ хўжалигини ривожлантириш ва бошқа йўналишлардаги фаолиятда жиддий камчиликларга йўл қўйгани учун Сирдарё вилояти ҳокими Акмалжон Маҳмудалиев лавозимидан озод этилди.

Бош вазир бу йилги 42 миллиард доллар хорижий инвестиция бўйича ойма-ой режани тасдиқлайди, вилоят, шаҳар ва туман ҳокимлари, тармоқ раҳбарлари ҳафтада икки кун инвестиция билан шуғулланади.

Мутасаддилар тинмай ҳудудларга бориши, тадбиркорлар билан учрашиши, масаласини жойида ҳал қилиши шартлиги кўрсатиб ўтилди.

👉 @bankirkundaligi 👈

35k 2 250 7

🇺🇿Банкир кундалиги

16 Jan, 10:43

МАРКАЗИЙ БАНК ЎТГАН ОЙДА 1 ТА БАНК, 1 ТА ЛОМБАРД ВА 1 МИКРОМОЛИЯ ТАШКИЛОТИНИ ЖАРИМАГА ТОРТДИ

Марказий банкнинг Банк назорати қўмитаси ўтган йилнинг декабрь ойидаги йиғилишларида (6 марта) 37 та масалани кўриб чиқди ва тегишли қарорлар қабул қилди.

Банк назорати қўмитасининг тегишли қарорлари билан “NUR LOMBARD” масъулияти чекланган жамияти таъсисчиси томонидан ломбард фаолиятини тугатиш тўғрисида қарор қабул қилинганлиги сабабли ломбардлар реестридан чиқарилди.

Тижорат банклари, микромолия ташкилотлари ва тўлов ташкилотларида ўтказилган ўрганишлар натижасида аниқланган камчиликлар, жумладан, Марказий банкнинг кўрсатмалари ва пруденциал меъёрлари талабларига, шунингдек, валюта ва ташқи савдо оперaцияларини амалга оширишда қонунчилик талабларига риоя қилмаганлиги учун 9 та банк, 2 та ломбард ва 1 та микромолия ташкилоти чора ва санкциялар қўлланилиши тўғрисида огоҳлантирилди.

Шунингдек, амалдаги қонунчилик, Марказий банк томонидан ўтказилган ўрганиш ва инспекция текширувлари давомида аниқланган қоидабузарликлар учун 1 та банк, 1 та ломбард ва 1 та микромолия ташкилотига нисбатан жарима санкцияси қўлланилди.

P.S.: Қайси тижорат ташкилоти қандай айб учун жарима қўлланилгани очиқланмаган.

👉 @bankirkundaligi 👈

28k 1 11 9

🇺🇿Банкир кундалиги

15 Jan, 16:26

⚡️ЭРТАГА COBALT ГА ШАРТНОМА ОЧИЛАДИ

“UzAuto Motors” АЖ Chevrolet Cobalt GX-MIDNIGHT AT автомобиллари хариди учун аввалги контрактацияда тузилган шартномалар бўйича тўлови белгиланган муддатларда амалга оширилмаган ҳажмлар қайта контрактацияга қўйилишини маълум қилди.

Автомобилларни харид қилиш учун шартномалар эртага 16 январ куни соат 10:00 дан бошлаб savdo.uzavtosanoat.uz онлайн платформаси ва UzAvtoSavdo иловаси орқали тузилиши мумкин бўлади.

Телеграм-бот навбатни кузатиш хизматини ҳамда мавжуд автомобиллар ҳақида маълумотни тақдим этади.

Эслатиб ўтамиз, автомобил хариди учун тузилган шартномалар бўйича тўлов етти календар кун ичида амалга оширилиши лозим.

☝🏻Агар сизда саволлар бўлса, компания Call- маркази +998 78-141-7777 рақамига мурожаат қилинг.

(Шартномалар фақат қорайтирилган Cobalt лар учун очилади)

👉 @bankirkundaligi 👈

39.9k 2 499 18

🇺🇿Банкир кундалиги

15 Jan, 12:14

⚡️⚡️⚡️Банкиркундалиги канали ўз жамоаси сафини кенгайтирмоқчи.

☑️Мамлакатимиздаги банк-молия соҳасида энг фаол каналлардан бири ҳисобланган жамоада ўз фаолиятингизни юритишни истасангиз...

Номзодларга қўйилган талаблар 👉мана бу ерда👈 кўрсатилган.

👉 @bankirkundaligi 👈

33.5k 1 24 8

🇺🇿Банкир кундалиги

15 Jan, 10:50

«Йилнинг энг яхши фаолият юритган ТИЖОРАТ БАНКИ» танловининг якунланишига бир кун вақт қолди.

Танлов эртага, 2025 йил 16 январ куни соат 16:00 да якунланади.

👉 @bankirkundaligi 👈

36.7k 1 12 5

🇺🇿Банкир кундалиги

14 Jan, 17:39

Маҳаллада Ҳоким ёрдамчилари нима иш қилади, Маҳалла банкирлари нима иш қилади?

Куни кеча бўлиб ўтган йиғилишда ушбу масала аниқ кўрсатиб ўтилган.

Ҳоким ёрдамчилари ва маҳалла банкирларига юбориб қўямиз.

👉 @bankirkundaligi 👈

60.1k 6 2.5k 37

🇺🇿Банкир кундалиги

14 Jan, 13:41

#Бизга_ёзишмоқда

БАНКЛАРДА ҚОНУН БОРМИ?

Мен Фарғона вилоятида "ALLIANCE AGROTEXSERVIS" МЧЖ раҳбариман.

Биз МЧЖ номига Фарғона шаҳридаги Мадад Инвест банкдан кредит олганмиз. Бугунги кунда кредит маблағларини тўлаб бўлганмиз, қарздорлигимиз йўқ.

Шундай бўлсада банк масуллари Шахсий адоват килиб гаровга қўйилган мулкларни таъқиқдан чиқариш учун беришга хат қилиб бермай келмоқда.

Бу ҳолатга 2 ойдан ортиқ муддат бўлди, шуни каналингизда ёритиб берсангиз, тегишли маъсулларга етиб борган бўлармиди.

Банк бизга 2024 йил у куни бизга қарзи йўқлиги ҳақида хат берган. Иккинчи фирмамизда ҳам гаровда мулкларимиз бор, кредитни тўлиқ ёпилганлиги тўғрисида хат берган лекин мулкларимизни таъқиқдан чиқаришга хат беришмаяпти.

Эслатма. Ўзбекистон Республикаси Марказий банки бошқарувининг «Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисидаги низом»нинг 37-4-бандига кўра,

- Банк қарз олувчи томонидан шартномага асосан кредит (қарз) бўйича қарздорлик суммасини тўлаш мажбурияти тўлиқ бажарилган санадан бошлаб уч иш кунидан кечиктирмаган ҳолда мазкур қарз бўйича:

▪️гаровда турган мулкни тақиқдан чиқариш;

▪️гаров сифатида бўлган мол-мулкка нисбатан банкнинг ҳуқуқлари тўғрисидаги ёзувни гаров реестридан чиқариш чораларини кўриши шарт - деб белгилаб қўйилган.

P.S.: Банк истеъмолчилари ҳимоясига масъуллар, масалани ўрганиши учун мурожаатчи шахсий маълумотлари уларга тақдим этилади.

👉 @bankirkundaligi 👈

35.4k 5 87 60

🇺🇿Банкир кундалиги

14 Jan, 06:35

⚡️⚡️⚡️БУГУН ОДАТДАГИ ИШ КУНИ

14 январь — Ватан ҳимоячилари куни. Кимни қанча табрикласангиз табрикланг, лекин ишга боринг. Чунки бугун дам олиш куни эмас.

Бугун банклар ҳам бошқа ташкилотлар ҳам одатдагидек ишлайди.

👉 @bankirkundaligi 👈

36.6k 2 170 7

🇺🇿Банкир кундалиги

13 Jan, 20:31

Ҳафталик дайжест.
Банк тизими ҳафталик (23 декабр 2024 - 12 январ 2025) янгиликлари.

☑️Асакабанк тадбиркорлар учун "Автомодул" автокредитини таклиф этди. Миқдори 2 млрд сўмгача, муддати 4 йилгача, дастлабки тўлов 30%дан.

☑️Халқбанки "Фоизлар олдиндан" омонатини таклиф этди. Муддати 12 ой, фоизи 20%, энг кам миқдори 10 млн сўм. Омонатни онлайн ёки офлайн очиш мумкин.

☑️Анорбанк 27%дан бошланадиган 100 млн сўмгача гаровсиз ва кафилларсиз микроқарз таклиф этди. Кредитни ўз вақтида тўланса 10%гача кешбек берилади.

☑️Трастбанк 100 млн сўмгача микроқарз таклиф этди. 12 ой муддатга 28%, 60 ой муддатга 30%. Устоз ва шифокорларга 12 ой муддатга 26%, 60 ой муддатга 28%.

☑️Ўзсаноатқурилишбанк кичик бизнес учун "Салом СҚБ" акциясини таклиф этди. 2025 йил 31 январгача ҳисобрақам очган мижозларга 180 кун давомида дебет айланмалари бепул.

☑️Туронбанк "Турон олтин" омонатини таклиф этди. Муддати 18 ой, фоизи 7,5%, бошланғич бадал 100$. 50$ дан кам бўлмаган миқдорда қўшимча маблағ киритиш мумкин.

☑️Универсалбанк бизнес учун "Қулай" кредитини таклиф этди. Фоизи 32%, миқдори 600 млн сўм. Кредит нақд пулда ажратилади.

☑️МКБанк "UNA MOLIYA" микромолия ташкилоти ва “MKB FAKTORING GROUP” МЧЖларни ташкил этганини маълум қилди.

☑️Ориент финанс банк "Green" истеъмол кредитини таклиф этди. Миқдори 100 млн сўмгача, фоизи 19,5%, муддати 60 ой.

☑️Ипак йўли банки Угам дарёси ҳудудидан уй-жой сотиб олиш учун ипотека кредит таклиф этди. Фоизи 17,5%дан, бошланғич тўлов 25%дан, муддати 15 йилгача.

☑️Пойтахт банк экспорт фаолияти билан шуғулланувчилар юридик шахслар учун савдони ривожлантириш компанияси маблағлари ҳисобидан кредит таклиф этди. Муддати 2 йилгача, фоизи 4-6%.

☑️Ҳаёт банк 2024 йил 27 декабр ҳолатига устав капиталини 500 млрд сўмни ташкил этишини ва Марказий банк талабини бажарганини маълум қилди.

☑️Азия аллианс банк "UzAuto-50" автокредитини таклиф этди. Фоизи 5,89%дан бошлаб, муддати 48 ойгача.

☑️Тенге банк электромобиллар, янги, импорт ва ҳайдалган автомобиллар учун автокредитлар таклиф этди. Миқдори 400 млн сўмгача, муддати 5 йилгача.

☑️Ипотека-банк 60 ойгача муддатга автокредит таклиф этди. Фоизи 27,99%, миқдори 480 млн сўмгача.

☑️Гарант банк устав капиталини 500 млрд сўмгача ошириб, Марказий банк талабини бажарганини маълум қилди.

☑️Узум банк Узум картадан Uzcard ва Humo карталарига ойига 100 млн сўмгача комиссиясиз ўтказиш акцияси муддатини 2025 йил феврал ойи охиригача давом этишини маълум қилди.

☑️Давр банк расмий даромадга эга фуқаролар учун кафилларсиз ва гаровларсиз 100 млн сўмгача онлайн микроқарз таклиф этди. Фоизи 27-49%, муддати 60 ойгача. Шунингдек, эндиликда банкнинг Call- маркази 24/7 режимда ишлашини маълму қилди.

☑️Ҳамкорбанк "Яшил таъмир" ипотека кредитини таклиф этди. Миқдори 170 млн сўмгача, муддати 10 йилгача, фоизи 23%, бошланғич бадал талаб этилмайди.

☑️Қуйидаги банклар ишга таклиф этди:
▪️Ўзмиллийбанк;
▪️Бизнесни ривожлантириш банки;
▪️Асакабанк;
▪️Давр банк.

☑️Ҳафта давомида энг кўп ўқилган пост.

☑️Автокредитлар ва микроқарзлар рўйҳати.

☑️Камбағал оилаларга 120 млн сўмгача ипотека кредитлари ажратилиши ҳақида 👉Мана бу ерда👈 тўхталиб ўтдик.

☑️Қуёш панеллар учун кредитлар шартлари 👉Мана бу ерда.👈

☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.

Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.

👉 @bankirkundaligi 👈

Аввалги хабарлар☝️🏻

34.4k 2 234

🇺🇿Банкир кундалиги

13 Jan, 16:06

🏦 ANORBANK болажонлар учун Янги йил байрамини ташкил қилди

Янги йил муносабати билан ANORBANK ўзининг эзгу анъанасини давом эттирган ҳолда болаларга қувонч улашмоқда. Банк томонидан 800 нафар меҳрибонлик уйлари тарбияланувчилари ҳамда оилавий болалар уйлари фарзандлари учун хайрия тадбири ташкил этилди.

Байрамона шоу дастур ZO‘R телеканалининг Renessanse Hall студиясида ўтказилиб, у ернинг ҳар бир бурчагида байрамона муҳит ва мўжизаларга ишонч кайфияти ҳукм сурди.

Дастурнинг асосий қисмида "Сеҳрли сандиқча" спектакли намойиш этилди. Ушбу қизиқарли саҳна асари ёш томошабинларни саргузаштлар ва мўжизалар оламига олиб кирди ва уларда катта завқ уйғотиб, ёрқин таассуротлар қолдирди. Истеъдодли ижрочилар болаларга эзгулик ва мўжизалар доимо ғалаба қозонадиган ҳақиқий эртак тақдим этишди.

Спектаклдан ташқари, ANORBANK болажонларни яна кўплаб ажойиб дастурлар билан хурсанд қилди. Қизиқарли лазер шоуси, шунингдек, севимли ижрочилар ва эртак қаҳрамонлари иштирокидаги концерт дастури жажжи меҳмонларнинг кайфиятини янада чоғ қилди. Қорбобо билан учрашув эса, болалар учун энг эсда қоларли он бўлди. Қорбобо кичкинтойларни Янги йил билан табриклаб, уларнинг ҳар бирига узоқ кутилган совғаларни топширди. Болажонларнинг ёрқин табассуми ва қувончдан чақнаган кўзлари байрам ажойиб тарзда ўтганининг сўзсиз исботи бўлди.

👉 @bankirkundaligi 👈

30.5k 1 23 11

🇺🇿Банкир кундалиги

13 Jan, 14:37

⚡️Йил якунлари, катта танлов

«Банк.уз», «Банкиркундалиги» ва Расул Кушербаев блоглари* ҳамкорликда йил якунлари бўйича катта танлов ўтказмоқда.

☑️НОМИНАЦИЯ

▪️Йилнинг энг яхши фаолият юритган ТИЖОРАТ БАНКИ.

Танлов ғолибларига ташкилотчиларнинг эсдалик совғалари тантанали равишда топширилади ва ушбу каналларда эълон қилинади.

Овоз бериш ишлари 👉мана бу ерда👈 амалга оширилади.

Барча обуначиларимиздан ушбу овоз бериш жараёнида холис иштирок этишларини сўраймиз.

*Танлов фақатгина ушбу ташкилотчи учта канал обуначиларининг фикрини ифодалайди.

👉 @bankirkundaligi 👈

34.1k 2 33 29

🇺🇿Банкир кундалиги

13 Jan, 13:17

HUMO тўлов тизими Paynet томонидан сотиб олинди

“Миллий банклараро процессинг маркази” АЖнинг 100 фоиз давлат улушини хусусийлаштириш бўйича келишувга эришилди. Таклифларни топшириш босқичида 6 нафар номзод иштирок этишга таклиф қилинган.

Ушбу босқичда номзодларга хусусийлаштириш бўйича маслаҳатчиси – «Deloitte» халқаро компанияси томонидан тайёрланган молиявий, солиқ, ҳуқуқий ва экологик фаолияти бўйича комплекс таҳлилий ҳисоботлар билан танишиш, шунингдек, Жамиятнинг бошқарув органи билан учрашиш имкони берилди.

Белгиланган муддатда Маслаҳатчига Жамиятни сотиб олиш бўйича учта иштирокчидан таклифлар келиб тушди ва 65 миллион АҚШ доллари миқдорида энг юқори харид баҳосини таклиф қилган «Paynet» АЖ ким ошди савдосининг ғолиби, деб топилди.

Харидорнинг таклифи Маслаҳатчи ҳисоблаган индикатив нархлар интервали чегарасида жойлашган ва «KPMG» халқаро мустақил нархловчи томонидан нарх қўйилган баҳодан юқори ҳисобланади.

Маълумот учун: «Paynet» АЖ – Ўзбекистон молиявий технологиялар соҳасида 18 йилдан буён фаолият юритаётган энг йирик тўлов операторларидан биридир. Тизим 1500 тадан ортиқ товар ва хизматлар етказиб берувчилар учун тўлов имкониятини таъминлаб, ундан фойдаланувчиларнинг йиллик сони 20 миллиондан зиёддир.

👉 @bankirkundaligi 👈

31k 1 79 4

Монетизация Telegram сообществ

Продам большой проект по WB

Росатом Центральная Азия

🇺🇿Банкир кундалиги

Гео и язык канала

Категория

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

🇺🇿Банкир кундалиги

69 787

Популярное в канале

Язык сайта

Монетизация Telegram сообществ

Продам большой проект по WB

Росатом Центральная Азия

🇺🇿Банкир кундалиги

Гео и язык канала

Категория

69 787

Популярное в канале