Aziza Sodiq | Blog

Qaydlar uchun: @azizasodiqnotes

Boylik qanday yaratilganini tushuning

Pul topish sen qiladigan narsa emas, balki sen oʻrganadigan koʻnikma.

Naval aytadi: «agar men hamma pullarimni yoʻqotsam, meni ingliz tilida gapiradigan xohlagan bitta davlatga tashlab ketsa, men 5-10 yil ichida yana boyib keta olaman, chunki pul topish koʻnikmasini shakllantirganman»

Pul va boylik oʻrtasidagi farq nima?

Pul bu - boylikni va vaqtni nimalarga sarflash, ijtimoiy kapital.

Oʻzi ham pul turadigan, uxlaganingda ham pul olib keladigan narsa boylik. Masalan, korxona, dasturiy taʼminotlar, uy, blog.

Boy boʻlish uchun maslahatlar

Boy boʻlish nimani qilishni, kim bilan va qayerda qilishni bilish demak.

Bir vaqtlar Henry Fordni boy qilgan texnologiya mashina edi. Biror narsa ishladimi, endi u texnologiya emas. Jamiyat har doim yangi narsani xohlaydi. Boy boʻlmoqchimisan, unda omma bilmagan narsalarni aniqla va yarat.

Xos bilimlarni oʻrgan. Turli xil bilimlarning jamlanmasi xos bilim. Bu seni boshqalardan ajratib turadi. U maktab/universitetda emas, tajriba, qiziquvchanlik orqali shakllanadi. Specific knowledgeʼga ega insonlar qadrlanadi, qiymat bera oladi. Masalan, psixologiyani bilgan merketolog bilan menejmentni bilgan tadbirkor boshqalarga qaraganda ustunlikka ega.

Boshqalarga taqlid qilma. Kimdir bilan musobaqa qilayotganingda, sen u qilgan ishlarni takrorlayotgan boʻlasan. Oʻzligingcha qilsang, hech kim sen bilan raqobatlasha olmaydi. Kim Joe Rogan yoki Scott Adams bilan raqobatlasha oladi? Be authentic!

Perpetual learner (doimiy oʻrganuvchi) boʻl. Oldin pul topish uchun 9 yil maktabda oʻqish, diplom olish, 30 yil bir kasbda ishlash kerak edi. Tendensiya oʻzgardi, hozir yangi sohani 9-12 oyda oʻrgansa boʻladi.

P.s: The Almanack of Naval Ravikant kitobining birinchi boʻlimidan xulosalar

@azizasodiq

🌙 Ramazon muborak boʻlsin!

17-fevfal

Ertalab doʻstimdan video xabar keldi, «yoshligimiz» deb yozilgan. Videoni ochdim, ilets imtihoni topshirishga ketayotgan paytimiz ekan. Koʻz oldimdan imtihonga tayyorlangan butun jarayon oʻtdi.

Oʻtgan yili shu kuni imtihon topshirishga borganmiz. Hammasini yaxshi qildik, biz kutgan ballni olamiz deganmiz. 2 haftadan soʻng 1-mart kuni javobi chiqqan, oʻshanda men «Lolazor» podcastini koʻrib oʻtirgandim. Sms keldi, overall 6.5... Ichimdan bir nimalar oʻtdi, bir-birimizga telefon qilib, ballarimizni aytdik. Ularda ham shunday ball.

Birga yigʻladik, norozi edik, chunki bor kuchimiz bilan tayyorlangandik. Har kuni kechqurun voice chatda speaking qilardik, soat 22:00 da uxlab, 3:00da uygʻonardik. Agar qilmasak, jazo sifatida 5 000 soʻmdan jarima toʻlardik.

Bu ball ham yomon emasligini bilardik, lekin bizga kengroq imkoniyatlar berolmasdi.

Bu narsa haqida uzoq oʻyladim. Oʻzimga bitta xulosa qildim: men xayrlisini soʻragan ekanman, lekin uni anglay oladigan darajada ber demagan ekanman. Oʻsha paytda norozi boʻlib, Unga isyon qilganman.

Hozir 6.5 olganimga shukr qilaman. Agar shunday boʻlmaganida men shukr qilishni bilmasdim. Hozir faqat xayrlisini va uni anglay oladigan darajani soʻrayman. Hayotimda nima sodir boʻlsa, shunchaki shukr qilaman, nasib qilmagan ekan, xayrlisi shu ekan deyman. Hech narsaga siqilmayman.

Karta raqam tashlash qoidasi

Ha, yurtdoshlar, karta raqam tashlashning ham qoidasi bor.

Karta raqamni uch xil holatda tashlaydi:
1. Rasm yuboradi, noqulay va xavfli.

2. 5858 5858 5858 5858
Falonchiyev Pistonchi - copy qilolmaysiz, faqat oxirgi 4 ta raqami copy boʻladi.

3. 5858585858585858
Falonchiyev Pistonchi - copy qilolasiz, lekin sal noqulayroq.

Undan koʻra karta raqamni joy tashlamasdan yozib 5858585858585858 uni belgilab, mono shaklida joʻnatsangiz, pul oʻtkazuvchi inson ustiga bossa, copy boʻladi. Bu variant osonroq, ham qulay.

Toʻgʻri variant: 5858585858585858
Falonchiyev Pistonchi✅

@azizasodiq

Men uchiga chiqqan dangasa, vaqtini behuda sarflovchi nodon insonman.

Men qiyin ishni iloji boricha orqaga surishga harakat qiluvchi nodon insonman.

Men rejalar tuzib, nimalar qilishi kerakligini yozib olib harakatni bir-ikki kun qilib tashlab qoʻyadigan nodon insonman.

Men oʻzimga vaʼdalar berib unutadigan, ertangi kunga yuklab bugunni bekorga oʻtkazadigan nodon insonman.

Men vaqt yetmaydi deb shikoyat qilib, lekin bor vaqtimni ijtimoiy tarmoqlardagi boʻlmagʻur videolarni koʻrishga sarflaydigan nodon insonman.

Men oʻzimning hayotimdan ham koʻra instagramdagi Gʻishmatning hayotiga qiziqadigan nodon insonman.

Men natija boʻlmaganda taqdirni ayblaydigan, lekin dangasaligimni tan ololmaydigan nodon insonman.

Men ish qilsam, dastlabki urinishdayoq qiyin koʻrinsa, «qoʻlimdan kelmaydi» deb chekinadigan nodon insonman.

Men vazifalarimni qilayotganda miyam ogʻrib qolishidan qoʻrqib, chatgptga tayyorlatadigan nodon insonman.

Men ilhom va motivatsiya kutib oʻtiradigan, lekin intizom, masʼuliyat bilan harakat qilolmaydigan nodon insonman.

Men dabdabali toʻy qilaman deb, hattoki sogʻligʻimdan ham kechishga tayyor nodon insonman.

Men boʻlajak turmush oʻrtogʻimdan bir nechta xislatlar kutadigan, lekin oʻzim hech narsaga ega boʻlmagan nodon insonman.

Men boshqalar maqtasa, xursand boʻladigan, tanqid qilsa, koʻtara olmaydigan nodon insonman.

Men faqat orzu qilish bilan band boʻlib, ularni amalga oshirish uchun harakat qilmaydigan nodon insonman.

Men «til oʻrganishim kerak» deb yurgan, lekin har doim qulay fursatni kutib yuradigan nodon insonman.

Men ertalab uygʻonishim bilan ijtimoiy tarmoqlarga kiradigan nodon insonman.

Men oʻzim erisholmagan maqsadlarimni farzandim xohlamasa ham undan kutadigan nodon insonman.

Lekin men bularning hammasini oʻzgartira oladigan insonman..

2-fevral, 23:17

@azizasodiq

Qiz bolamisan, unda bularga amal qil

- Biror narsang yerga tushib ketsa, oyoq kiyimingni toʻgʻrilamoqchi boʻlsang, egilib emas, oʻtirib qil.

- Zinadan chiqayotganingda/tushayotganingda orqangda erkak kishi boʻlmasin, birinchi ularni oʻtkazib keyin oʻzing tush.

- Mashinada/liftda 3 ta erkak boʻlsa, toʻrtinchisi boʻlib chiqib olma.

- Koʻchada yurganingda dugonalaring bilan baland ovozda kulma/gaplashma.

- Koʻchadagi «hamma yigitlar» bilan qoʻl berib soʻrashaverma.

- Ijtimoiy tarmoqlardagi profilingga rasmlaringni qoʻyma.

- Xushmuomala boʻl, lekin chegaralaringdan oʻtishiga yoʻl qoʻyma.

- Yigitlar bilan gaplashma, bitta-ikkita «shirin soʻzi»ga uchib butun hayotingni barbod qilma, yigit kishi gaplashsa, «yigitchilik» deydi, lekin qiz bola gaplashsa...

-

P.s: Hozircha shular, yana boʻlsa aytaman

@azizasodiq

Normal holat

- Ilm talabida koʻngilxushlik qilish uchun bazmlarga bormasliging, tengdoshlaringdan ajralib qolishing - normal holat.

- Har kuni bir xil kiyimda yurishing - normal holat.

- Doʻkondan biror narsa olganingda sotuvchidan yoki taksichidan 1000 soʻm qaytimini soʻrashing - normal holat.

- Biror narsani oʻrganayotganingda xatolar qilishing - normal holat.

- Sumkang/mashinangda musurni ham olib yurishing - normal holat.

- «Hashamatli toʻy» qilish uchun ishlatadigan pulingni sayohatga sarflashing- normal holat.

- Rus tilida gapirgan insonga oʻzbek tilida javob qaytarishing - normal holat.

- Biror narsani bilmasligingni tan olib, uni soʻrashdan uyalmasliging - normal holat.

- Insonlarga «yoʻq» deb javob berishing - normal holat.

-

@azizasodiq

Tanishuv

Ismimni bilasiz.
Oʻzbekistondanman)
Shaxsiyat turi: ENTJ

Nima uchun Aziza Sodiq? deb soʻrashadi. Sodiq dadamlarning ismi shuning uchun shunday.

Toshkent davlat sharqshunoslik universitetida filologiya: koreys tili yoʻnalishida, Najot taʼlimda SMM Pro kursida oʻqiyman.


P.s: Shaxsiy hayotimni reklama qilmayman, fikrlarimni yozib boraman

What is the happiness for me?

Being healthy is happiness for me.

Living as I want is happiness for me.

Seeing joy in my Mum and relativesʼ eyes is happiness for me.

Emotions when I help someone are happiness for me.

Reading books that I want is happiness for me.

Doing my favourite activity is happiness for me.

Travelling is happiness for me.

Learning smth every day is happiness for me.

Accomplishing my goals is happiness for me.

Feeling my hard work pay off is happiness for me.

Feeling peaceful in my heart is happiness for me.

Walking in nature is happiness for me.

Learning from mistakes is happiness for me.

Feeling appreciated is happiness for me.

Feeling grateful what I have is happiness for me.

Seeing progress in myself is happiness for me.

...

What is the happiness for you?

@azizasodiq

Odam erkinlikda baxtli

— Pul erkinlik beradi, pul boʻlsa, xohlagan narsalaringni qila olasan

— Sayohat qilish kerak, dunyoqarash kengayadi. Bu narsa atrofingdagilarga ham taʼsir qilmasdan qolmaydi

— Migratsiya - mamlakatning rivojlanishi uchun juda katta turtki

— Chet elga sayohat qilish xuddi vaqt mashinasida sayr qilishga oʻxshaydi

— Talab imkoniyatdan oldin yuradi, bu esa rivojlanishga olib keladi

— «Oʻzbekistonga kelgan mehmonlarimiz hayron qolishadi» degan gap aslida salbiy

— Oʻzbekistonning imidjini "promote" qilish kerak, marketing qilish kerak

— Donʼt sink, think

— «Qiyin-ku» deb koʻpchilik tashlab ketadigan narsani sen uddalasang 99% odamdan oʻtib ketasan

— Ichingdan chiqqan kadrlar eng zoʻr kadrlar boʻladi

— Muvaffaqiyat faqat kompaniya asoschisiga tegishli emas

— Xatolarga kim aybdorligini emas, sabablarini qidirish kerak

— Muvaffaqiyatli insonlarning muvaffaqiyatli boʻlishlariga asosiy sabablardan biri bu - ijtimoiy kapital

Ijtimoiy kapital - ishingizni tez hal qilib beradigan insonlar (birga oʻsgan doʻstlar, mahalladoshlar, kursdoshlar)

«Zafar Hoshimov bilan boʻlgan suhbatdan xulosalar»

#note

@azizasodiq

Telegramdagi hamma yozishgan insonlariga bayram tabrigini oʻzi yozmay «forward» qilgan, barcha maqsadlarini yangi yildan keyin qilaman deb saqlab oʻtirgan "yangi yilchilar", "dushanbachilar"dan tashqari hammaga xayrli kun ;)

@azizasodiq

Xotira...

Baʼzilarga juda ajoyib, baʼzilarga eng yomon narsa

Sen bilan umrbod qoladi, yaxshisi ham yomoni ham

Unutishni istasang ham, unutolmaysan, oʻchirib tashlolmaysan.

Shirin damlarni, tuygʻularni uygʻotadi, koʻnglingga oʻzgacha bir ogʻriq yoki shirinlik olib keladi.

Baʼzida oʻtmishingga qarab hayotingni koʻzdan kechirasan, aynan oʻsha xotira seni oʻtkazib yuborilgan imkoniyatlar, senga qilingan adolatsizliklar, nohaqliklar, yomonliklar haqida oʻylantiradi, lekin aynan oʻsha xotira senga kelajak uchun kuch bagʻishlaydi

Yoʻqotgan insonlaring bilan seni bogʻlab turadi, ularning kulgisini, mehrini, soʻzlarini, xarakterlarini yodingga soladi

Hayotda erishgan har bir muvaffaqiyatingni, muvaffaqiyatsizliklaringni, eng quvongan, eng tashvishga tushgan damlaringni eslatadi

Aynan oʻsha yutuqlaring, yiqilgan lahzalaringni yana qayta his qilishga yordam beradi

Kuldiradi, yigʻlatadi.

Xotira - hayotning eng yaxshi damlari va eng ogʻir sinovlarini saqlovchi sandiq

@azizasodiq

2024-yil men uchun qanday boʻldi?

Bu yildan juda koʻnglim toʻlmasa ham, lekin qoniqdim, qolgan yillarga nisbatan samaraliroq boʻldi.

Oʻzim uchun odatlar shakllantirdim:

1. Ertalab har kuni nonushta qiladigan boʻldim, hozir nonushtasiz uydan chiqmayman.

2. Gazli, shakarli ichimliklar, fast-fudlardan voz kechdim.

3. Bir oyda bir marta men uchun yangi boʻlgan, oldin sinab koʻrmagan/bormagan joy/narsani sinab koʻrish. Tabiatan hamma narsaga qiziquvchan odam boʻlganim, bir xillikdan zerikkanim uchun bu narsa zoʻr yechim boʻldi.

4. «Typing speed» yaʼni klaviaturada tez yozish koʻnikmasini rivojlantirish uchun har kuni 15 minutdan shugʻullanishni boshladim.

5. Hissiy intizomni (emotional disipline) shakllantira oldim, tortishuvli, stressli vaziyatlarda darhol javob qaytarish/emotsiya bildirish oʻrniga avval tahlil qilib foydasiz boʻlsa, shunchaki eʼtibor bermaslikni odat qildim.

Qanday xulosalar qildim?

1.Til bilish bilim emas, shunchaki bilim olish uchun vosita ekan

2. Uydagilar moliyaviy taʼminlab turgan vaqtda qoʻshimcha kasb oʻrganib yoki sohangiz boʻyicha ishga kirib maksimal darajada moliyaviy erkin boʻlish kerak ekan

3. Inson hamma sohadan xabardor boʻlsa, har xil kitoblar oʻqisa, networkingi kuchli boʻlsa, uning dunyoqarashi ham, imkoniyat darajasi ham oshib boraverarkan.

@azizasodiq

Strategiya, taktika

Strategiya - toʻgʻri ishlarni qilish
Taktika - ishlarni toʻgʻri qilish

— Brendni taniqli qilish - strategiya
— Ijtimoiy tarmoqlarda rekalama berish, influencerlar bilan ishlash, chegirmalar, mahsulot sifatini yaxshilash - taktika

— Kitobxonlikni targʻib qilish strategiya
— Kutubxonalar qurish, eskilarini modernizatsiya qilish, kitobli oʻyinlar oʻtkazish, kitobxonlik musobaqalari h.k - taktika

— Jamoa samaradorligini oshirish - strategiya
— Ular uchun treninglar tashkil qilish, ragʻbatlantiruvchi tizim joriy qilish - taktika

Strategiya - «Nima qilish kerak?» degan savolga javob boʻladi
Taktika - «Uni qanday qilish kerak?» degan savolga javob boʻladi

Taktikasiz strategiya - yoqilgʻisiz mashina
Strategiyasiz taktika - mashinasiz yoqilgʻi

Eshitdim, tahlil qildim, yozdim.

#darsdanxulosa

@azizasodiq

Masʼuliyat tarqoqligi

Oʻtgan bir oy davomida atrofimni kuzatib shuni angladimki, koʻp insonlar masʼuliyatni olishdan, biror ishni erkin tarzda boshlashdan qoʻrqisharkan.

«Diffusion of responsibility» yaʼni masʼuliyat tarqoqligi degan narsa bor, bu psixologik hodisa boʻlib, atrofda odamlar koʻp boʻlsa, muayyan vaziyat uchun javobgarlikni bir-biriga yuklab qoʻyishi.

Bu narsa ayniqsa jamoa boʻlib ishlayotganda yaqqol seziladi.

Qachon sodir boʻladi?

1. Guruhdagilarda «bu ishni, albatta, kimdir qiladi» degan fikr paydo boʻlganda
2. Vazifa jamoa aʼzolariga taqsimlab berilmasa
3. Guruhda 1-2ta faol ishlayotgan boʻlsa

Agar jamoa aʼzolari masʼuliyatni bir kishiga yuklab qoʻysa, lider zoʻr boʻlsa ham, natija qoniqarsiz boʻladi.

Yaqinda bir holat boʻldi, jamoa boʻlib ishladik, vazifani boʻlib ishlamasak, belgilangan vaqtda tugata olmasdik, shuning uchun topshiriqlarni taqsimlab berdim, lekin jamoa ishga masʼuliyatsizlik bilan qaradi, vazifani bajarishda shunchaki kimdandir yordam kelishini kutib oʻtirdi, lekin tushunishga harakat qilmadi va izlanmadi, masʼuliyatni menga tashlab qoʻydi. Natijada, ish sifatsiz bajarildi, bitta mening harakatim bilan hech narsa qila olmadik.

Jamoaviy ishning muvaffaqiyati nafaqat liderga, balki har bir jamoa aʼzosining xatti-harakatlariga bogʻliq. Sardor qanchalik tashabbus koʻrsatmasin, masʼuliyatni oʻz zimmasiga olmasin, agar jamoa masʼuliyatni his qilmasa, natija baribir qoniqarsiz boʻlaveradi.

Bu narsa jamiyatda ham xuddi shunday ishlaydi.

Shunday ekan har bir inson masʼuliyatni his qilishi va uni qabul qilishni oʻrganishi kerak, chunki oʻsish birinchi navbatda masʼuliyatni his qilishdan boshlanadi.

@azizasodiq

«Savdogarlar ustozi» kitobidan (1-qismi)

- Agar oʻz fikriga, taʼsiriga ega vijdonli kishilar kam boʻlsa, mamlakat ogʻizdagina mustaqil boʻladi.

- Agar moliyaviy mustaqillikka harakat qilinmasa, jang sanʼati oʻrganilmasa, har tomonlama ilm olinmasa, har bir ogʻzi shaloqning va har bir suyuqoyoqning soʻzi hikmat, hayoti ibrat boʻlib qoladi.

- Yodlaringizdan chiqmasin, xaridor har doim haq. Ish vaqtida diqqat-eʼtiborlaring xalqni rozi qilish va qanday qilib ularga sifatli xizmat qilishda boʻlsin. Shundagina oʻndan toʻqqiz baraka sizniki boʻladi.

- Hech qachon birovning ilojsizligidan yo xalqning noilojligidan foydalanib dunyo orttirmang!

- Maqsadlaringiz aniq boʻlsin. Noaniq maqsad sari yursangiz, natija ham noaniq boʻladi. Yuraveraylik-chi oldimizdan bir nima chiqib qolar qabilidagi ishning natijasi haqiqatan bir nima, ammo nomaʼlum nimadir boʻladi. Maqsadingiz sultonlarni shoshirib qoʻyishi, insoniyatga foyda keltirishi kerak.

- Musulmonlar juda tartibli va vaqtiga yaxshi egalik qiladigan boʻladi. Aytilgan joyga vaqtida keladi. Hatto oldinroq kelib, kutib ham turadi. Vaʼdaboz emas musulmon. Ishqilib, bizdan keyingi avlodlar ham vaqtni isrof qilmaslik va qadrlashda boshqalarga doimo oʻrnak boʻlsin. Aks holda vaqtini qadrlaydigan ajnabiylarga yoʻl boʻshatib beradi.

- Ey musulmon tijoratchi, foiz borasida juda xushyor boʻlishing, foiz olmasliging va bermasliging, foiz aralashgan joyda turmasliging va bu xususda gʻoyatda ehtiyot bilan yoʻl tutishing lozim shunda Muhammad (s.a.v)ning uyilgan qovoqlari va ogʻir tanbehlariga roʻbaroʻ boʻlmaysan

- Kimning qancha pul ishlab topishiga qarab, uning pul ishlash qobiliyatiga baho berish mumkin

- Yaxshilikdan suyunib, yomonlikdan kuyunib ketma, chunki ortiqcha xursandchilik boʻlmagʻur gʻururga, ortiqcha gʻam esa omadsizlikka sabab boʻlarkan

- Lafz insonning tirikligidir, belafz insonning oʻlikdan farqi yoʻq

- Chiroyli soʻrash - ilmning yarmi

- Mijoz har doim haq, (nohaq boʻlsa ham), ularga «yoʻq» degan soʻzni ishlatmaslik kerak

- Har bir musulmon, albatta, jang sanʼatlarida mohir boʻlishi shart. Jismonan baquvvat, boy, aqli raso bir musulmon tadbirsiz, kuchsiz minglab musulmonlardan aʼlodir

#note

@azizasodiq