Surxondaryo viloyati hokimligi

Surxondaryo viloyatida tadbirkorlik muhitini yaxshilash, investitsiyaviy jozibadorlikni oshirish va yangi ish o‘rinlari yaratish maqsadida izchil islohotlar amalga oshirilmoqda.

Shu maqsadda viloyat hokimi Ulug‘bek Qosimov Angor tumanida qurilish materiallari va ulgurji savdo kompleksida bo‘lib, Denov va Jarqo‘rg‘on tumanlarida tashkil etilgan "Yoshlar sanoat va tadbirkorlik zonalari"da tadbirkorlarni jalb qilish hamda Sherobod tumanida M-39 avtomagistrali bo‘yida savdo va xizmat ko‘rsatish nuqtalarini qurilishi bo‘yicha mas’ullarning axborotlarini tingladi.

Shuningdek, ta’lim va sog‘liqni saqlash sohalarida amalga oshirilayotgan ishlar tahlil qilinib, bu borada kelgusidagi vazifalar belgilab olindi.

Yig‘ilish yakunida yosh tadbirkorlarni qo‘llab-quvvatlash, investitsiyaviy muhitni yanada yaxshilash va yangi ish o‘rinlari yaratish bo‘yicha aniq vazifalar belgilandi hamda mas’ullarga zarur ko‘rsatmalar berildi.

Surxondaryo.uz | Telegram | Facebook | Instagram | YouTube | X

Tadbirkorlik muhitini yaxshilash, yangi ish o‘rinlari yaratish va aholi farovonligini oshirish maqsadida Boysun tumanida bir qator investitsiyaviy loyihalar amalga oshirilmoqda.

Surxondaryo viloyati hokimi Ulug‘bek Qosimov tumanga tashrifi chog‘ida "Mkqs-biznes" MCHJ tomonidan M-39 xalqaro avtomagistrali yoqasida qiymati 6 milliard so‘m bo‘lgan xizmat ko‘rsatish majmuasi qurilishi, oziq-ovqat va chorva bozorlarini rekonstruksiya qilish hamda doimiy faoliyat yurituvchi savdo komplekslariga aylantirish ishlari bilan tanishdi.

Shuningdek, "New med klinika" MCHJ tomonidan tashkil etilgan davolash, diagnostika va laboratoriya xizmatlari ko‘rsatuvchi tibbiyot markazi faoliyati o‘rganildi. Tadbirkorlikni rivojlantirish va aholi bandligini ta’minlash maqsadida asalarichilik, kartoshkachilik kooperatsiyalari, umumiy ovqatlanish shoxobchasi, bedanachilik va boshqa qator loyihalar taqdim etildi.

Viloyat rahbari Boysun tumanida savdo va xizmat ko‘rsatish sohasidagi katta imkoniyatlardan to‘liq foydalanish zarurligini ta’kidlab, mavjud loyihalarni sifatli va o‘z muddatida amalga oshirish, yangi tashabbuslarni qo‘llab-quvvatlash hamda yoshlar uchun barqaror ish o‘rinlari yaratish yuzasidan topshiriqlar berdi.

Tashrif yakunida tuman hokimligida amalga oshirilayotgan iqtisodiy loyihalar muhokama qilinib, mutasaddilar hisoboti tinglandi.

Surxondaryo.uz | Telegram | Facebook | Instagram | YouTube | X

Prezidentimizning Surxondaryo viloyatini ijtimoiy-iqtisodiy rivojlantirishga oid qaroriga muvofiq, savdo va xizmat ko‘rsatishni rivojlantirish, yangi loyihalarni amalga oshirish orqali ish o‘rinlari yaratish hamda aholi turmush darajasini yaxshilash chora-tadbirlari belgilab berilgan.

Shu asosda Surxondaryo viloyati hokimi Ulug‘bek Qosimov Muzrabot tumanida belgilangan chora-tadbirlar hamda o‘tgan haftadagi tashrif davomida berilgan vazifalar ijrosi bilan tanishdi.

Xususan, Muzrabot markazidagi dehqon bozori atrofidagi yo‘lni asfaltlash, bozorning "Oriyat" mahallasda joylashgan "R-5" filialini rekonstruksiya qilish va uni doimiy faoliyat ko‘rsatuvchi bozorga aylantirish ishlari o‘rganildi. Shuningdek, "Muzrabot zang bozori" chorva mollari bozorini zamonaviy qiyofaga keltirish loyihasi taqdimot qilindi.

Yo‘llarni ta’mirlash va bozorlarni rekonstruksiya qilish ishlarini tezlashtirish, bir kunlik bozorlarda sotuvchi va xaridorlar uchun qulay sharoit yaratish, ularni doimiy ishlaydigan savdo komplekslariga aylantirish va yangi ish o‘rinlari yaratish bo‘yicha vazifalar belgilandi.

Shuningdek, "Do‘stlik" mahallasida 500 metrli kollektorni zamonaviy drenaj usulida yopish va 24/7 rejimida faoliyat yurituvchi turizm ko‘chasini tashkil etish ishlari ko‘zdan kechirildi. Ushbu ko‘chada 35 ta savdo va xizmat ko‘rsatish nuqtasi tashkil etilib, 70 ta ish o‘rni yaratilishi rejalashtirilgan. Hozirda kollektorni quvurlar yordamida yopish ishlari olib borilmoqda.

Tashrif yakunida viloyat rahbari "Navro‘z" mahallasida quriladigan mahalla guzari va savdo shoxobchasi uchun tamal toshini qo‘ydi. Shuningdek, mutasaddilarga tumandagi barcha loyihalarni sifatli va o‘z muddatida yakunlash, yaratilgan ish o‘rinlarining barqarorligini ta’minlash bo‘yicha topshiriqlar berildi.

Surxondaryo.uz | Telegram | Facebook | Instagram | YouTube | X

UzA | Boysunda yangi ko‘prik ishga tushdi

Surxondaryo viloyatining Boysun tumanidagi Sho‘rsoy va Mustaqillik mahallasini bog‘laydigan yangi ko‘prik foydalanishga topshirildi.

Sho‘rsoy soyi ustida qad rostlagan ko‘prikning uzunligi 22 metr, eni 4 metr va balandligi 11 metrni tashkil etadi. Hashar yo‘li bilan bunyod etilgan ko‘prikni qurish uchun tuman hokimligi ustki temir platforma va temir tayanch ustunlarini yetkazib berdi. Qolgan ishlarni aholi hashar yo‘li bilan amalga oshirib, zamonaviy ko‘prikni barpo etdi.

Batafsil: https://uza.uz/posts/692805

Surxondaryo.uz | Telegram | Facebook | Instagram | YouTube | X

Italiyalik futbol mutaxassisi Daniel Andreotzi Surxondaryo viloyatiga tashrif buyurdi

Surxondaryo viloyatida futbol akademiyasini rivojlantirish va bolalar futbolini yangi bosqichga olib chiqish maqsadida Italiyaning "Roma" futbol klubi Cinecittà Bettini hududiy akademiyasi bosh direktori, Italiya futbol federatsiyasining hududiy bo‘limlarini rivojlanitirish mutaxassisi Daniel Andreotzi Termiz shahriga tashrif buyurdi.

Tashrif davomida xorijlik mutaxassis Surxondaryolik futbol murabbiylari va mutaxassislari bilan uchrashib, viloyatda futbolni rivojlantirish borasida fikr almashdi. Shuningdek, Surxondaryo viloyati futbol akademiyasida amalga oshirilayotgan loyihalar, jumladan, yangi futbol maydonlari, yotoqxona va oshxona binosi hamda 1 200 o‘rinli tribuna qurilish jarayonlari bilan yaqindan tanishdi.

Mutaxassis akademiyada olib borilayotgan ishlar jahon standartlariga to‘la javob berishini ta’kidladi. Shuningdek, bu yerda yaratilayotgan sharoitlar O‘zbekistondagi boshqa futbol akademiyalari uchun namuna bo‘lishi qayd etildi.

Surxondaryo.uz | Telegram | Facebook | Instagram | YouTube | X