Asatullayev's Notes

"Bilmayman" deyishlik uyat emas.

Men o'tayotgan tuman prokuraturasida yana bir nechta talabalar ham amaliyot o'tamoqda.

Men har xil bo'limlarda amaliyot qilyapman, ya'ni qayerda yordamchi kerak bo'lsa, o'sha yerda imkon qadar vazifalarni bajaryapman.

O'rnida aytganda menga amaliyot oddiy narsadek tuyuladi. Juda bir katta sensatsion narsa emas.

Orada tuman prokurori bilan ham suhbat bo'lib turadi. Sohaga oid savollar ham beriladi. Oldingi safar ham savol-javob bo'lganda men uchun bir holat dars bo'ldi.

Tuman prokurori tomonidan savollar berilganda sheriklarim qonunchilikda yo'q narsani aytib javob berishdi ( biz hazillashib "huquq ijodkorligi" deymiz davrada). Bu holat 2-3 marotaba takroriy bo'ldi.

Men shunchaki "Bilmayman, uzur. Bu savolga qonunchilikni qarab qo'yaman" deb qo'ya qoldim. Bu holat 2-3 marotaba takroriy bo'ldi.

Qisqasi, prokuror savoliga javob ololmadilar. Ammo aslida oddiy, lekin bir aytgan gaplari katta dars bo'ldi:

"Javobga shubhalansangiz, yaxshisi o'zingizdan to'qimang. Sezilib qoladi. Boshqa joyda uyatga qolasiz.

To'g'ridan to'g'ri "Bilmayman" ham demang. Sohada ozroq tilga usta bo'lish kerak.

"Bu masala murakkab, menga ozroq vaqt bering, javobini aytaman" deb aytgangiz sizga qo'l keladi. Bu uchun hech kim sizni yomonlamaydi. Chunki men ham hamma narsani bilmayman" deb aytdilar.

Aslini olganda ham sohamizda vaziyatdan chiqib ketish va muammolarga chap berish juda zarur. "Bilmayman" deyishni uyat emas, ammo chiroyli yo'l bilan aytishni bilish katta yordam beradi.

Bir kanalda ham ko'rdim: Muhammad Ibn Rahm aytadi: "Imom Molikning bir majlisda yuz marotaba "Bilmayman" deganini sanadim"

Kichik narsadek tuyuladi aslida, ammo qo'l keladigan yo'l. Bilmayman deyishlik uyat emas.

https://t.me/asatullayev_blog

Oʻzini bechorahol va mazlum, ilojsiz va shoʻrpeshona koʻrsatish orqali boshqalarning rahmini keltirib ish bitirishni qasd qilganlardan Xudo Oʻz madadini kesib qoʻyadi.

Aksincha, har qanday holda ham boshqalarga oʻligini tashlamaydiganlar, oʻz nafsini matonatga undaydigan, haqiqatga tik qaray oladiganlarga fayz va nusratini yogʻdiraveradi.

Kimning boshi musibat va falokatdan chiqmayotgan boʻlsa, odamlardan mehr va yordam kutishni bas qilsin.

____________________
Katta dars bo'ldi shu gaplar. O'ylab qarasak ham shunday emasmi? Tushkunlikka tushishga aynan shu odat ham hissa qo'shadi. Hech kimga o'zimizni kuchsiz, ilojsiz, umidsiz, nachor va insonlardan najot kutadigan holda ko'rsatmasligimiz lozim.

(c) Akrom Malik

Noto'g'ri mafkura

U yoki bu inson to'g'risida salbiy fikr bildirmaslikka harakat qilaman, ammo oldimdan chiqib qolaveradi.

Shu oka motivatsion mavzuda kontent tayyorlaydilar. Aksariyati mavzularni tahlil qilsangiz, alamzada va qasos ruhida aytilayotgan mavzulardek tuyuladi.

Sarlavhadagi videoda ham va Instagramda joylashtirgan ko'pgina kontentlarning barchasi qandaydir ma'noda kimdandir qasos olish va kimgadir nimadirni isbotlash kabi ruhda tayyorlangandek.

Muvaffaqiyatga erishishning asosiy maqsadni biror-bir sizga ozor bergan insondan qasos olish yoki unga nimadirni isbotlash uchun qo'yilmaydi-ku, shunday emasmi?!.

Muvaffaqiyatga siz bilan tortishgan, sizga xiyonat qilgan, sizni xo'rlagan insondan qasos olish va "Va mana meni ko'r, sendan zo'r bo'lib ketdim, qara" deyish uchun muvaffaqiyatga erishilmaydi-ku, shunday emasmi?!

Mafkura noto'g'ri. Bu bloger insonlar ongiga muvaffaqiyatga erishish bu usha insonlardan qasos olish yoki nimadirni isbotlash deb uqtirmoqda.

Bu narsaning tas'iri juda katta. Inson kelgusida endi muvaffaqiyatga erishish uchun kimdir bilan tortishishim, kimdir menga xiyonat qilishi kerak yoki kimdir meni xorlashi kerak, shundagina bu menga kuch beradi va muvaffaqiyatga erishishimim mumkin degan hayolga kelib qolmaydimi.

Bir nechta kontentlarini tomosha qildim. Faqat bir xil aura va ruhni bermoqda. Egoizm, qasos, insonlarga nimadirni isbotlash kabi doirada.

Qizig'i, insonlar yana qo'llab-quvvatlamoqda.

Bu insoning o'zida ham shunday holat bo'lgan. Hozirgi zamon talqinida aytsak, psixologik travmalar bor.

Bu inson hayotda asosiy missiyam meni tashlab ketganlar, xiyonat qilganlar, ishonmaganlar, tanqidchilar, yerga urganlarni qandaydir ma'noda muvaffaqiyatga erishib qasos olish va hayolan zo'r ekanligini isbotlash.

Agar shunday bo'lsa, maqsad juda kichik hisoblanadi. Muvaffaqiyatga erishishdan asosiy maqsad kimdandir qasos olish emas. Bu kichik doirada fikrlash hisoblanadi.

https://t.me/asatullayev_blog

Ideallikka intilish insonni o'qish, ish, insonlar bilan muloqot va turmushda ham qiynab yuboradi.

Menga oldinlari juda punktualsan deyishsa yoqardi. Hozir jahlim chiqyapti.

Ideallikka intilish insonni qobiqqa solib tashlaydi. Chegaralar qo'yib, hayotga qiziqish pasayadi va hayotda rang-baranglik yoqoladi.

Ideallikka intilmang, tamom bo'lasiz!?

Kimdir buni erta tushunib yetadi, kimdir esa kech. Muhimi - anglab olish

https://t.me/asatullayev_blog

O'zim ideal emasman, ammo ideallikka intilish bir kun meni tamom qilmasa bo'ldi.....)

https://t.me/asatullayev_blog

O’tmish va kelajak

Yoshligimda Imom Buxoriyning hadis olaman deb bir yigitning oldiga borgani, u qo‘lida hech narsasi bo‘lmagan holda otni biror narsasi bordek aldayotganini ko‘rgani va u insondan hadis haqida umuman so‘ramay qaytib ketganini eshitgandim. Juda g‘alati tuyulgan, oddiy narsaga ham shunchalik e’tibormi, deb qo‘ygandim.

Ulg‘aydim, insonlar bilan ko‘proq aloqaga kirishdim, kuzata boshladim. Insonlar kichik ishlarni qanday qilsa, muhimlariga ham xuddi shunday munosabatda bo‘lishini sezdim.

Oddiy mahalla futboliga kechikib keladiganlar eng katta uchrashuvlarga ham kechikishadi. “Bitta darsni eplab tursangiz bo‘ldi,” deydigan rahbarlarning butun boshli maktab ta’limi taqdiri turganda ham shunday munosabat qilayotganini ko‘rdim.

“O‘tmish va kelajak ikki tomchi suvdek o‘xshash,” deydi Ibn Xaldun “Muqaddima”sida. Odamlarning kelajakdagi shaklini ko‘rmoqchi bo‘lsangiz, ularning o‘tmishdagi ishlariga qarang.

Odatlar, munosabatlar, xarakterlar deyarli o‘zgarmaydi. Ular yillar o‘tgan sari mustahkamlanib boraveradi. Ishonavering.

@MuallimMuhammad

Bir gal universitetda musobaqa bo'lganda rag'batlantirish uchun jamoa a'zolariga tahminan 500-600.000 so'mdan pul tashlab berilgan edi.

Shu pulni qanday mendan yechib olishganini aytsam. Men uyga qaytayotganimda taksiga chiqqan edim. Yonimda bir yoshi katta ayol bor edi orqa o'rindiqda.

Shu ayol (buvijon):"O'g'limga telefon qilib olsam maylimi, iltimos" degan edilar. Men telefonimni berayotganimda soat tahminan 21:35 atrofida edi.

Telefon qilganlarida o'g'illari ko'tardi va u ayol gapirmagan edilar deyarli.

Telefonda gaplashib bo'lganlaridan so'ng tezda taksichiga yo'li bo'yi tushirib qoldira olasizmi deb so'radilar garchi manzilga yetib bormagan bo'lsalar ham.

Men ham shu orada telefonimni tekshirmadim. Yetib kelganch tahminan 21:40 larda sms xabar kelgan ekan.

"Kartangizdan 1.250.000so'm pul yechib olindi" degan. Men hayronman. Bankka telefon qilsam, 21:38 lar atrofida kartada operatsiya amalga oshirilganligini aytdi.

Men hech kimga kartamni bermaganman kodlari va boshqa ma'lumotlarni desam "Menimcha buzib kirishgan, kecha ham bo'lgan edi shunday holat deb aytib qoldi"

Boshida universitet o'zi pul berib o'zi yechib oldi degan gumonlar ham bor edi.

Ammo, men telefon qilishga katta yoshli ayolga berganligimni aytganimda: "Hozir telefon raqamning ham o'zi kifoya pul yechib olishga" deb javob bergan edi.

Men hayron qolgan tarafim katta yoshli ayoldan shu yo'lda foydalanganliklari edi. Telefon qilishga so'rashganda begonalar endi xushyor bo'laverish kerak.

https://t.me/asatullayev_blog

Asal

Bizda asal ari fermasi bor. Adashmasam, 250 taga yaqin qutida 500 ga yaqin asal ari oilalar bor. 2000 yildan buyon asal ari fermamiz bor.

Uydagilarni qarashga vaqt yo'q, asosan ishchilar qarashadi. Men ham dam olish kunlari borib, ko'rib aylanib kelaman fermani.

Yiliga 15-30 tonnagacha asal olamiz. Uy toza asalga serob. Aksariyat qismini Rossiyaga eksport qilib yuboramiz. Asosiy daromadimizning 20-30% tashkil etadi foizlarda.

Gap shundaki, men kam iste'mol qilar edim asal yoki asal choyni. "Oldindan oqqan suvni qadri yo'q" deb bekorga aytishmaydi.

Oxirgi paytlar juda ko'p asal iste'mol qilyapman. Kuniga 3-4 choynak asal choy damlab ichyapman. Ishga va o'qishga ham olib ketyapman bazan.

Qizig'i, shu kungacha nega odamlar bunchalik asalga katta baho berishini bilmas edim.

O'zimda sezgan holat asal ichganim sari immunitet ko'tarilib ketyapti. O'pka, jigar, buyrak, yurak va miya faoliyatimni yaxshilayotganini sezib qoldim.

Avvalari, tez charchar edim. Hozir energiyaga boy bo'lishimga ham har kunlik asal iste'molini asosiy faktor deb aytishim mumkin.

Garchi yosh bo'lsakda, tana suyaklarimizning "сустав"larini ancha yaxshilaganini aytishim mumkin. Ko'z nurimni ham juda ham yaxshiladi deb ayta olaman.

Eng muhim jihati aslida men stressga ko'p tushmayman, ammo eng qiyin stessli va depressiyaga boy davrda shunchaki asal choydan ichib katta muammoni yengil qabul qilib hal qilib o'tib ketganim esimda.

Sizni tinchlantirib yengil qilib qo'yadi.

Miya faoliyatida "attantion span" - mavzu yoki ishga konsentratsiya yoki fokus qaratishimni ancha yaxshiladi.

Eng muhim jihati uyquni yaxshiladi. Endilikda tiniq va sog'lom uyquni ta'minladi.

Shuningdek, tibbiyotda tasdiqlanmagan ammo, asal testasteron garmonini ham oshishiga sabab bo'lar ekan. Garmonlar tizimini bir meyorda ishlashini ta'minlaydi.

Ya'ni asal juda ham universal tabiiy mahsulot ekanligini oradan ancha vaqt o'tgandan so'ng tushunib yetdim.

Sizlarga ham kunlik asal iste'molini maslahat beraman. Sog'liqda va ish samaradorligida katta o'zgarish sezasiz.

P.s: Qisqasi asal reklamasi

©Asalshunos, Tibbiyot fanlari doktori, xalqaro toifadagi mutaxassis Asatullayev.N

https://t.me/asatullayev_blog

Fikrlashda gap

Ibn Sinoning tibbiyotga oid hali o'rganilmagan ishlarini birgalikda ikki xalq tahlil qilishni o'rniga seniki yoki meniki deb tortishib o'tirganidan qanday saviyada ekanligini bilsak bo'ladi.

Tassavur qilamiz, Ibn Sino o'zbek ekanligini fakti topildi. Tojiklar bunga o'zbeklarni yomon ko'rishni boshladi.

Bu ikki xalq shu tortishuv bilan ovora bo'lib turgan bir paytda nemis va xitoyliklar Ibn Sinoning tibbiyotga oid ishlarini o'rganib sohada yangillik kiritib insonlarni hayoti va sog'lig'ini saqlab qolishmoqda.

Fikrlashni o'zgartirmasak, 500 yildan keyin ham shu masalani muhokama qilib turgan bo'lamiz.

#bahs

Ibn Sino kimdan ekanligi nimani hal qiladi. Markaziy Osiyo tibbiyot sohasida inqilob yasaymidimi?

Kichik xalqlar o'zi shunday bo'ladi. Birovlar tomonidan tan olinishini xohlaydi.

Suzishni biladigan musulmon va suzishni bilmaydigan musulmon bo'lmagan odam oqar suvga tushsa, kim tirik qoladi.

Suzishni bilgan inson tirik qoladi. Biz sabablar dunyosida yashaymiz.

Qornimiz och qolsa, Allohdan yegullik so'rasak, U bizga tayyor nonni bermaydi. Don beradi va sababini qilishni bizga buyuradi.

Tayyor narsa kelsa, biz xavotir olishimiz kerak. Tayyor hech qachon kelmaydi va uning qadri bo'lmaydi.

https://t.me/asatullayev_blog

Bir boy akamiz: “Farzandimga hamma sharoitni qilib berganman, lekin negadir o‘qimaydi”, – deb qoldilar.

Aynan hamma sharoitni qilib berganingiz uchun ham o‘qimaydi-da, degimiz keldi)

@MuallimMuhammad

Xalqaro musobaqa javoblari chiqibdi. Keyingi manzil - Hindiston, Dehli🇮🇳