Asadbek Qo'ldashev

Yana ham yaxshiroq tushuntirsam, ma'lum bir darajaga yetishlik uchun ma'lum bir muddat talab qilinadi, yetarlicha tajribaga ega bo'lishlik, uning uchun yetarlicha soatlar sarflanishi kerak bo'ladi.

Va bu tajribaga, soatlarga erishishlikning oddiy usullaridan biri - kichik odatlar ila davomiy bo'lish, va bu orqali maqsadlarni kattalashtirib borish.

Shunda maqsadga erishishni boshlaysiz, va hayotingizda katta o'zgarish ham bilinmaydi. Sizni ruhan charchatmaydi, maqsadingiz sari yo'l, kundalik odatlaringizdan biriga aylanib boradi. Siz esa tobora maqsadga yaqinlashaverasiz.

Qachondir katta o'zgarish kelsa, holatimiz o'zgarib ketadi birdagina, - deb mo'ljalni yetib bo'lmas darajada baland qo'yib, umidsizlanib harakatga shijoat topolmay yurgandan, kichik odatlarni qo'shib borib, Xudodan baraka so'rab, harakat qilgan afzalroq, deb o'ylayman.

Bizdan harakat Allohdan barakat!

Hozir bir ustozimning ingliz tilida gapirganlarini eshitib qoldim, mandan ko'ra nutqlari ravonroq va eshitganda ham farq sezilarli.

Birdagina hayolimga, ingliz tilida nuqtimga ko'proq e'tibor berishim kerak, - degan fikr kelib qoldi. Lekin, ayni damda boshqa rejalar, va boshqa qilinadigan ishlar ham bor. Demoqchimanki, faqatgina nuqtimni rivojlantirishga e'tibor qaratsam, boshqa ishlarim qolib ketishi mumkin.

Bundan tashqari, kutilgan natijaga erishilmasa, qilayotgan ishdan xafsala qolib, uni ham tashlab qo'yish ehtimoli bor.

Alhamdulillah, fikrlab tushunib yetyapman, shoshilmasdan, boshqalarning natijalarini ko'rib hovdirab qolmasdan, o'zimiz harakatda davom etaversak, barakasini Alloh berib bizni ham o'sha darajaga chiqarib qo'yar, Inshaallah.

Uylanish haqida ancha qo'llanmalar to'plab qo'yyapman. Nasib qilsa bir post qilib bo'lisharman. Aka-ukalarimizga ancha foydali bo'lar, Inshaallah.

Alohida kanalda ma'lumotlarni, maslahatlashganda olgan xulosalarimni, akalarimiz, ustozlarimizdan olgan maslahatlarni to'plab borishga harakat qilyapman.

Xudo xohlasa, jamlab bo'lisharmiz. Bizdek uylanish niyatida yurganlarga foydasi tegsin deb umid qilamiz.

#needtodo

Instagram ishlatishdan qo'rqib qolganman, xabar olamanu chiqib ketishga harakat qilaman.

Qo'rqib qolganimning sabablari:

1. Noshukurlikka undab qo'yadi. Boshqalarni kuzatib hayotdan qoniqmaslik tuyg'usi paydo bo'ladi. Hasad ham qilib qo'yish mumkin. U yerdagi odamlarning hayotini ko'rmasam ham hayot chiroyli, tinchgina uzoqroq bo'gan yaxshi.

2. Faxsh ko'p (hozir deyarli hamma yerda).

Uylansam, ayolim ko'proq vaqtini uyda o'tkazganini afzal bilaman. Zerikib qolmasligi uchun, ilm olishligi, o'zi yoqtirgan sohada faoliyat olib borishi mumkin, lekin asosiy vaqtini ro'zg'or bilan, farzand tarbiyasi bilan sarflashini xohlayman.

Ayol kishining barakasiga qattiq ishonaman! Ayol kishi ko'proq uyda bo'lishi, vaqtini bola tarbiyasi, uy saranjomligi bilan o'tkazgani ma'qul degan fikrdaman.

Yana eng muhimi ilm olishi shart!

Ota-onamga yaxshiroq munosabatda bo'lishim kerak. Ularga kam yaxshilik qilyapman. Eslatib turinglar, qadrdonlar!

Alloh barchamizni haqiqiy rojullardan qilsin, vaqtimizga, umrimizga baraka bersin! Halolidan bersin, yuzimizni yorug' qilsin! Yaxshi jufti halol uchratsin, ilohim! 🤲

Tashqimiz va ichimizni (hayrli bo'lsa) bir qilsin! Munofiqlikdan asrasin! 🤲

O'z biznesimni boshlashni juda ham xohlayman. Alloh taolo liderlik iqtidorini bergandek his qilaman o'zimni. Lekin, xulqim, shaxsiyatim jamoani to'g'ri yo'naltira olishga, ularga o'rnak bo'la olishga, adolatli rahbar bo'la olishga tayyormasligini aniq bilaman.

Inshaallah, avval shaxsiyatni qurishimiz kerak.

Ana endi fikrimni yana ham ochiqroq aytaman: kimningdir moddiy holati mendan yaxshi bo'lishligi, ko'proq narasalarga erishishligi nisbatan kamroq bezovta qiladi (bu narsadan qo'rqmayman).

Aksincha, xulqim ulardan yomonroq bo'lishi, ibodatda ulardan orqada qolishim, o'zimni haqiqiy rojul deb ayta olmasligim ko'proq tashvishlantiradi.

Chunki, rizqni biz taqsimlamaymiz, lekin yaxshi amal yoki yomon amal bilan mashg'ul bo'lishni tanlay olamiz.

Bu tushunchalar qaysi o'ylardan keyin kelganini ham bir aytib o'tay:

1. Habib Nurmuhammedovning (bir sportchi) muxlislaridan biriman. Akaning mulohaza bilan gapirishlari, tarbiyalariga juda havas qilaman. Nafaqat ularning o'zlari, balki jamoa a'zolari ham rojullardek ko'rinadi ko'zimga. Ularning (jamoaning) tarixiga qarasak, oddiy oiladan chiqqan insonlar, yoshliklarida moddiyat orqasidan quvib, yo'llaridan chiqib ketib qolishmagan. Faqat bir maqsadda harakatda davom etilgan. O'sha harakatlarning barakasi bo'ldi, shekili, shuhrat ham davlat ham keldi, va ayni damda o'sha qutilgan shaxsiyat ham shuncha yillar e'tibor berib parvarishlangan xulq ham ketib qolmadi.

Demak, moddiyat kamroqligi muammo emas. Ilm va tarbiya kamligi. Yaxshi shaxsiyat qurilmaganligi muammo!

2. Bir qori akamizning 22-24 yoshgacha ilm olish bilan band bo'lishlik kerak, deganlari (shunga o'xshash gapni Temurbek aka Adhamov ham aytgan edilar).

3. Temurbek aka Adhamovning hayotlaridagi ko'z oldimda ro'y bergan o'zgarishlar.

4. Ustozimizning dalillar bilan keltirgan so'zlari: rizning kutmagan tarafdan ham kelib qolishligi, yaratganga isyon qilmaslik.

Hozir diqqat e'tiborimni, ruhiy hotirjamlikka, shoshmasdan o'ylab harakat qilishga, mayli boshida bir necha yil kamtarona hayot kechirishga to'g'ri kelsa ham (aynan "kamtarona" so'zini ishlatganimdan maqsad, biz yoshlat mana shu so'zdan biroz qo'rqib qolganmiz, lekin olamning nigohida bo'lgan zotlar ham shunday hayotda yashaganlar) qanoat qilib, shukr qilib, eng muhim ilmimni oshirishga, rojullarga munosib keladigan bir go'zal xulqni barpo qilishga sarflamoqchiman. Shunday yillar bo'lsinki, barakasi keyingi yillarimizni ham barakali qilsin, ilohim! 🤲

Shaxsiy rivojlanish haqida 6 yil oldin o'qishni boshlaganman, olgan ilmlarimga boshida bir yil atrofida yaxshi amal qila olganman. Hozirda ko'p erishgan natijalarim, to'plangan hurmat asosiy ikki yilning barakasidan deb o'ylayman.

Undan keyin soha almashtirib, hayollar chalg'ib, shoshilib qimmatli vaqtni behudaga ham sarfladim. Baribir deylik, 4 yil o'tib ham ketdi. Shoshishib biror nimaga erishmadim.

Ulardan gap eshitishim, haqiqiy o'lchovlar qanday bo'lishligini eslatilishim ko'nglimni xotirjamroq qilyapti, Xudoga shukur.

Hamma narsaning o'z vaqti borligini tushunib yetish, rizq taqsimoti har xil bo'lishligi, unga rozi bo'lish kerakligini anglashga harakat qilyapman.

Shoshmasdan, muhimi to'xtab qolmasdan, aniqroq maqsadlar qo'yib harakat qilishga urinyapman.

Alhamdulillah!

Kecha bir akamdan qattiq gap eshitdim. Bugun yana bir do'stim (akam) bir masala bo'yicha biroz koyigandek bo'ldilar. Hammalari kamchiligimni shartta aytishyapti, izimdan chiqqandek bo'lsam, yuzimga solishyapti.

Xudoga shukur, bugun Xudodan qachonlardir shunday do'stlar so'rab duo qilganimni esladim. Bunday do'stlarim (haddi sig'ib kamchiliklarimni yuzimga ayta oladigan) Toshkentda bor edi.

Alhamdulillah, endi Qo'qonda ham bor. Xudo hayrli, davomli qilsin!

Yana ozgina kutsak, keyingi kuzgacha she'riy to'plam chiqaramizmi, nima deysizlar? ))

Mayli, hazil o'z o'rniga, hayrlisi bo'lsin, hayrli vaqtda kelsin, ilohim!

Bahor o'tsa, kuzni kutdik
Kuz o'tganda, bahorni.
Shunday qilib kuzatibmiz
To'rt kuz-u, to'rt bahorni

#poems

Birin ketin to'ylar bo'ldi, biz kuzatdik indamay,
Uylanaylik endi biz ham kelaqolsin o'sha may!

Yaxshi niyat
#poems