15-19-oktabr kunlari Canton Fair 2024 ko‘rgazmasi namoyish etilib, unda Artel kompaniyasi o'z maishiy texnika oilasini faxr bilan taqdim etmoqda.

Bu yilgi ko'rgazmada 229 dan ortiq davlat qatnashchilari yig'ilgan bo'lib, ilk kundanoq stendimiz ko'plab mehmonlarni jalb qildi. Tashrif buyuruvchilar mahsulotlarimizga katta qiziqish bildirish bilan birga taklif etayotgan texnologiya va yechimlarimiz haqidagi savollariga javob olishyapti. Yarmarkaning ilk kunlaridanoq kopmaniyamiz va tashrif buyuruvchilar o'rtasida 40 million dollarlik memorandumlar imzolandi va bu hali davom etmoqda, bu esa o'z navbatida Artel texnikalariga nisbatan yuqori sifati va zamonaviy dizayniga yuqori baho berishayotganining isboti bo'ldi.

Biz nafaqat o'z mahsulotlarimizni jahon miqiyosida, balki O'zbekistonning boy madaniy merosini ham faxr bilan namoyish etmoqdamiz. Ko'rgazma mehmonlari milliy taomlarimizni ta'tib ko'rib, yurtimizning betakror va rang-barang muhitiga sho'ng'ish imkoniyatiga ega bo'lishyapti.

1957-yildan beri Xitoyning Guanjou shahrida o'tkazib kelinayotgan Canton Fair ko'rgazmasi Xitoyning eng yirik va nufuzli savdo maydoni hisoblanadi. U ishlab chiqaruvchi va xaridorlarni birlashtirib, yangi biznes aloqalarni yo'lga qo'yadi va mamlakatlar o'rtasida hamkorlikni mustahkamlaydi.

Biz uchun bu ko'rgazmada ishtirok etish — Artel brendining kuchini va ko'lamini xalqaro arenada namoyish etish va yangi hamkorliklar o'rnatish imkoniyatidir.

💬Telegram 📱Instagram 📱Facebook 📺Youtube