Алишер Абдухамидов

Ҳеч бир нарса илмига амал қилувчи уламолар билан ҳамсуҳбат бўлишнинг ўрнини босолмайди, чунки улар жонли китоблардир.

Аллома Муҳаммад Аввома ҳафизаҳуллоҳ

https://t.me/alisher_abduhamidov

Бахт инсонни гўзаллаштиради. Муваффаққият эса порлатади. Қийинчиликлар кучли. Ғам инсонни инсон қилади. Мағлубият эса камтарин. Ҳеч қачон Аллоҳдан: деб сўраманг. Чунки тақдирда бори содир бўлади...

Артур Аше

https://t.me/alisher_abduhamidov

Ожизлик инсонни самимийликка йўналтиради. Самимийлик эса муҳаббат ва баракадир.

Саид Чамлижа

https://t.me/alisher_abduhamidov

Қалбимиздаги гуноҳга бўлган хоҳиш аввалги гуноҳларнинг ҳали турганидан, кечирилмаганидандир.!

Устоз Ҳусайн Бухорий

https://t.me/alisher_abduhamidov

Ривоят қилинишича, ҳазрати Али разияллоҳу анҳу қабристонга келиб, қабр аҳлига нидо қилган эканлар:

"Хотинларинг эрга тегиб кетди. Молларинг меросхўрлар орасида тақсимланди. Фарзандлар ўз фарзанди билан овора. Уй-жойлар бўлинган, от-уловлар минилган, қаровсиз, эгасиз нарса йўқ. Биздаги бор гап шу, сизларда нима гап?!"

https://t.me/alisher_abduhamidov

Жоҳиз айтади:

“Инсонлар ҳақида тааммул қилиб шуни билдимки, уларнинг энг кўп бошқалардан айб қидирувчилари аслида, уларнинг айблари энг кўплари экан”.

https://t.me/alisher_abduhamidov

Яҳё ибн Муъоз раҳимаҳуллоҳ:

“Жисмларнинг қуввати таомларда, нафснинг қуввати ҳавода, қалбларнинг қуввати зикрда, ақлларнинг қуввати эса фикрдадир”, деди.

“Бағдод тарихи” асаридан.

https://t.me/alisher_abduhamidov

Расулуллоҳ соллаллоҳу алайҳи васаллам:

“Кимнинг бўйнида қайтариш нияти билан олган қарзи бўлса, унга Аллоҳдан ёрдам бўлади ва Аллоҳ унга ризқнинг сабабини ато этади”, дедилар.

Табаронийнинг «Авсат»даги ривояти.

https://t.me/alisher_abduhamidov

Соиб ибн Ақраъ розияллоҳу анҳу халифа ҳазрати Умарга Наҳованд жангида шаҳид бўлган кишиларни санади. У таниқли, кўзга кўринган кишиларнинг исмларини бирма-бир айтиб бўлиб, сўнгра деди:

– Қолганлар чекка қишлоқлардан. Амирул мўминин, сиз уларни танимайсиз.

Шунда Умар розияллоҳу анҳу йиғладилар ва:

– Умарнинг танимаслиги уларга зарар бермайди. Чунки уларни Аллоҳ танийди, - дедилар.

https://t.me/alisher_abduhamidov

Бизнесда ҳикоянинг ўрни.

Биз сапиенс инсонлар доимо қандайдир ҳикояларга ишонишга мажбурмиз. Масалан, бир тўда чумоли бир миллион йил олдин нима иш қилган бўлса, ҳозир ҳам шу ишни қилади ёки бир тўда маймунлар бундан юз йил олдин ҳам ўрмонда яшаб банан ейиш билан шуғулланган бўлса, ҳозир ҳам худди ўша ишни бажаришади.

Бунга асосий сабаб эса инсонлар маълум бир ҳикоялар асосида ишбирлиги қила олишади ва бу ҳикоя асосида бирлашишнинг чек-чегараси йўқ. Ҳозирда дунёдаги энг ишончли, ҳамма ишонадиган ҳикоя бу пул ҳикояси, мана шу пул ҳикояси дунёдаги барча инсонларни бирлаштириб туради.

Пулдан кейинги ҳикоялар эса кўпроқ идеологик ҳикоялар ҳисобланади, бу дин, миллат, халқ, ватан, ҳуқуқ ва ҳокозолар бўлиши мумкин, лекин инсонлар қайси дин, қайси миллат, қайси халқ вакили бўлишидан қатъий назар пул ҳикоясига ишонишади, масалан, Исроилдаги бир яҳудий Саудия Арабистонидаги бир мусулмон билан дин масаласида келиша олмаслиги мумкин, аммо бир миллион АҚШ доллари билан бемалол ҳамкорлик қила олишади, бир-бири билан олди-сотди қила олади.

Энди бизнесда ҳикоялар қанчалик муҳим? Бизнесда ҳам инсонлар ўзаро ҳамкорлик қилиши, бир жамоа бўлиб ишлаши ва ўзаро бир мақсад сари интилиши учун пулдан ҳам муҳимроқ миссия керак, яъни инсонлар қандайдир идеологик ҳикоя атрофида бирлашишлари керак, ана шундаги иш унумдорлиги ошади, инсонлар қилаётган ишидан завқ ҳис қилишади. Нима учун ишга келишаётгани, бугун қандай вазифаларни бажариши ичдан ҳис этишади.

bektoshkhatamov

https://t.me/alisher_abduhamidov

Қашшоқлик мол-мулкнинг камайиши эмас, қашшоқлик очкўзликнинг кўпайишидир!

Афлотун

https://t.me/alisher_abduhamidov

“Муқаддима” асари бутун дунёни ўзига ром қилгани бежизга эмас.

У шундай ҳикматлар хазинаси, хазиналар манбасидирки, унга шўнғиган ҳар бир инсон ундан ўзи кўтара оладиган миқдорда ҳикматни олиб чиқа олади.

Инсон эса ожиз мавжудотдир.

Ҳар бир инсон ўзининг билими ва салоҳияти доирасидагина ҳаракатлана олади.

Зотан ҳеч бир инсон тоқатидан ташқаридаги нарсага таклиф ҳам қилинмайди.

Ўйлайманки, ушбу камтарона ҳаракат ушбу асарнинг ўзбек тилига қилинган ягона таржимаси бўлмайди.

Турли соҳа олимлари, таржимонлар ва мутахассислар ушбу ҳикматлар хазинасига ўзларидаги бор имконлар ва воситалар ёрдамида янада чуқур шўнғийдилар.

Уларнинг ҳар бири ушбу улкан хазинадан ўзлари қодир бўлган даражада манфаат олиб чиқадилар ва халқимизга тақдим этадилар.

Бундан ташқари, ушбу таржимадаги нуқсонлар ўзгаларни янада мукаммал таржималарни амалга оширишга ундайди.

Бунда ҳар бир инсон ўзи тақдим қилган ишларидан ва уларнинг кейинги изларидан ҳам мукофотланишини билган ҳолда, ушбу ишимизнинг келгуси манфаатларидан умидланамиз.

Асардан фойда олсангиз, Ўзининг фазлидан, хатоликка дуч келсангиз, таржимон айбидандир.

Ибн Халдун айтганидек, хатоларни тузатиш вазифаси ўткир танқидчиларга қолдирилган.

"Сўзбоши"дан

Said Komil Muhammad Karim

https://t.me/alisher_abduhamidov

Жамиятимиз руспарастлик қанчалар хавфли бўлса, ақшпарастлик ҳам шунчалар хавфли эканлигини тушуниб бораётганидан хурсандман.

Биз қачонки Россияга қарши бўлиш учун АҚШни мақташ, АҚШга қарши бўлиш учун Россияни мақташдан воз кечиб, ўз манфаатларимиз ҳақида ўйлаб, ўша йўлда, орамиздаги кичик муаммоларга қарамасдан бирлаша олсак, миллат бўла оламиз.

Радикализм, ўзни қўйиб бошқаларга қандай яшашни ўргатишдир. У диний, дунёвий, либерал ёки консерватив бўлиши мумкин. Радикализмнинг ҳар қандай тури жамиятни парчалайди, уни ўзгалар қўлидаги воситага айлантиради.

Шунинг учун кимга қандай яшашни ўргатиш эмас, балки миллат сифатида шаклланиш ҳақида кўпроқ қайғуришимиз керак.

Said Komil Muhammad Karim

https://t.me/alisher_abduhamidov

Бизнесда қабила яратиш.

Ҳар қандай бизнес лидерга суянади. Бизнеснинг ўзи аслида инсонларни бир мақсад йўлида бирлаштирадиган қабила ҳисобланади, қайсидир қабилаларда меҳр-муҳаббат устун бўлса, қайсидир қабилаларда адоват ҳукм суради. Лидернинг асосий вазифаси мана шу қабила аъзоларини бир мақсад йўлида бирлаштира олиш ва бу мақсад йўлида қабиланинг ҳар бир аъзоси фойда олишига имконият яратиш ҳисобланади.

Фойда олиш деганда фақатгина пулни назарда тутмаяпман, чунки пул ишлаш одатий тусга айлангач инсон бошқа қийматларни қидиришни бошлайди, бу коллектив бирдамлик, коллектив дўстлик, инсонлар фақатгина моддий фойда оладиган жойдан жуда тез зерикишади, чунки инсон фитратида мансублик тушунчаси бор. Инсон ўзини у ёки бу қабиланинг аъзоси эканлигини, у ёки бу қабилага мансублигини ич-ичидан ҳис қилиши керак.

Баъзи бир қабилаларни фақатгина пул бирлаштириб туради, бундай қабилалар қийин шароитларда жуда тез тарқаб, йўқ бўлиб кетади, чунки бирлаштириб турувчи омил йўқ бўлган заҳоти қабила ҳам йўқ бўлишга маҳкум. Лидернинг вазифаси эса қабилада бирлаштириб турувчи омилларни кўпайтириш ва кучайтириш. Инсонлар орасидаги ўзаро алоқаларни мустаҳкамлаш, уларга фақатгина моддий ривожланиш учун эмас, балки маънавий ривожланиш учун ҳам имкониятлар ярата олиш лидернинг асосий вазифаси бўлиши керак.

Инсонлар ишга келаётганларида бугун яна ишшшшшш деб эмас, бугун янада катта мақсадларни амалга ошираман, бугун инсонларга янада кўпроқ фойдам тегади дея хурсандчилик билан ишга отланишса, иш соати тугаб қолганлигини ҳам сезмай қолишса, мажлислар эса худдики байрамдек ўтса, демак қабилада тўғри ривожланиш йўлида.

bektoshkhatamov

https://t.me/alisher_abduhamidov

USAID атрофида нима гаплар бўлмоқда?

Охирги кунларда АҚШнинг янги раҳбарияти маъмурияти дунё бўйлаб нодавлат ва нотижорат ташкилотлар, оммавий ахборот воситалари ва жамоатчилик фаолларига грант берувчи USAID ташкилоти фаолиятини кескин танқид остига олиб, террористик ташкилотлар фаолиятини қўллаш, биологик қурол лойиҳаларини молиялаштириш, лгбт тарғиботи ва яна бир қатор масалаларда айлаб, бу тузилма ишини тўхтатишга чақирмоқда.

USAID 1961 йилда АҚШ Конгресси томонидан ташкил этилган ва бутун дунё бўйлаб 10 мингга яқин ходимни ўз ичига олган мустақил Америка ҳукумат агентлигидир. У АҚШ ҳукуматининг халқаро ёрдам кўрсатиш бўйича асосий бўлинмаси бўлиб, ҳар йили Конгрессдан дунёнинг энг қашшоқ мамлакатларидаги дастурларни молиялаштириш учун ўнлаб миллиард доллар маблағ олади.

Бу дастурлар қаторига камбағалликка қарши курашиш, соғлиқни сақлаш тизимини қўллаб-қувватлаш, табиий офатларда ёрдам кўрсатиш, шунингдек демократияни ривожлантириш ва инсон ҳуқуқларини ҳимоя қилиш каби йўналишлар киради.

Трамп ҳокимиятга келиши билан АҚШнинг деярли барча ташқи ёрдамларини тўхтатиб қўйишни буюрди. У ўз маъмурияти харажатларни қайта кўриб чиқишини ва маблағлар унинг "Америка ҳамма нарсадан устун" ташқи сиёсатига мувофиқ тақсимланишига ишонч ҳосил қилишини маълум қилди.

3 февраль куни Илон Маск USAID ни "ўлиши керак бўлган жиноий ташкилот" деб атаган эди. Унинг айтишича, "USAID — Американи ёмон кўрадиган сўл радикал марксистлар инидир"

Бу ташкилотга қўйилган айбловларнинг айримлари:

1. Суриядаги "Ал-Қоида" террорчиларига овқат етказиб беришга сарфланган пуллар

2. Афғонистонда кўкнори етиштириш ва героин ишлаб чиқаришни қўллаб-қувватлаш учун фойдаланиладиган суғориш каналлари, қишлоқ хўжалиги ускуналари ва ҳатто ўғитларни молиялаштиришга сарфланган юзлаб миллион долларлик маблағлар.

3. Гватемалада жинс алмаштириш операциялари учун 2 млн долларлик ёрдам

Булардан ташқари Илон Маск ўзининг твиттердани саҳифасида 2 кундан бери бу ташкилотнинг "саҳна ортидаги" ишлари ҳақида турли твитлар қўйиб бормоқда.

Трамп ва Маск тандеми ушбу ташкилотни тугатиб, унинг функцияларини Давлат департаменти (АҚШ ТИВ) ихтиёрига ўтказишни хоҳлашяпти.

USAID атрофидаги воқеалар фақатгина сиёсий жанжал эмас, балки жаҳон сиёсатида юз бераётган чуқурроқ жараёнларнинг ифодасидир.

Воқеалар бундан кейин қандай ривожланиши - очиқ савол, аммо қизиқарли бўлиши ҳозирнинг ўзидаёқ аён...

nurbekalimov

https://t.me/alisher_abduhamidov

Билл Гейтс миллиардер бўлганидан кейин ҳам ўн йилдан ортиқ вақт мобайнида ўзини муваффақиятли инсон деб ҳис қилмаган экан

Microsoft асосчиси Билл Гейтс ўзини ҳақиқий муваффақиятга эришган деб ҳис қилган пайтни аниқ эслайди: у 42 ёшда эди ва бу вақтга келиб, ўн йилдан ортиқ вақтдан бери миллиардер бўлган. Унинг айтишича, фақат 1998 йилда Microsoft ҳақиқатан ҳам муваффақиятли эканлигига ишонч ҳосил қилган.

Гейтс ўзининг янги “Source Code” номли хотиралар китобида болалик йилларидан тортиб, 1975 йилда Microsoft’ни ташкил этганигача бўлган ҳаёти ҳақида ёзади. У дастурлаш билан шуғулланиб, ҳафтасига 80 соат ишлагани ва ҳар қандай хатолик компанияни юқори поғоналардан қулашига сабаб бўлиши мумкинлигидан доим хавотирда бўлганини эслайди.

Фақат 90-йилларнинг охирига келиб, у хатоларга йўл қўйиш ва шунга қарамай, барқарор бўлиб қолиш мумкинлигини тушунган. 1998 йилга келиб, Microsoft дунёдаги энг қиммат компанияга айланган, Гейтснинг бойлиги 58 миллиард долларга етган эди. Компания Windows 95 тизимининг оммабоплиги туфайли жуда катта муваффақият қозонган, шу даражадаки, ҳаттоки АҚШ ҳукумати уни монополияда айблаб, антимонопол тергов ўтказган.

Бугунги кунда Microsoft’нинг бозор баҳоси 3 триллион доллардан ошган, Гейтснинг бойлиги эса тахминан 165 миллиард доллар деб баҳоланади. Лекин у ўтмишда Microsoft’нинг ўсишига жуда қаттиқ эътибор қаратганини ва бу орқали ўзига ҳам, ходимларига ҳам катта босим ўтказганини тан олади. У доимо ҳадикда ишлаган ва компаниянинг муҳим саналарини ҳам нишонлашни хоҳламаган.

“Мен ҳар доим хавотирда юрардим. Microsoft’нинг юбилейлари бўлганда, мен: “Ўтмишни эслашга вақт йўқ, дердим”, – дейди Гейтс. Бугун у бу фикрлаш тарзи ортиқча ишлаш ва руҳий саломатликка салбий таъсир ўтказиши мумкинлигини тушунган.

nurbekalimov

https://t.me/alisher_abduhamidov

Душман ниқобидаги терроризм

АҚШ Марказий разведка бошқармаси Миллий разведка кенгаши раисининг собиқ ўринбосари, RAND корпорациясининг (собиқ) сиёсий таҳлилчиси Граҳам Фюллер томонидан ёзилган "Исломсиз дунё" китобини мутолаа қилиб, бир қизиқ маълумотга дуч келдим. Унинг ёзишича, Вашингтон 1950 йилларда Мисрда Жамол Абдул Носир ҳокимиятига қарши "Мусулмон биродарлари"ни молиялаштирган ва Саудияни ҳам шундай қилишга ундаган. Исроил ҳам худди шундай ўйин қилган: 1960 йилларда ҲАМАС етакчиси Аҳмад Ёсинни қамоқдан озод қилиб, ҲАМАСни Ёсир Арофат раҳбарлигидаги Фаластин Озодлик Ташкилотига қарши ўйин қилиш воситаси сифатида молиялаштирган.

Америка ва Исроил сингари давлатлар Яқин Шарқда ўзлари яратган "душман" ниқоби остида стратегия ишлаб чиққани, геосиёсий мақсадларини шу тариқа амалга ошираётгани бугунги куннинг ҳам кўзга кўринмас ҳақиқатидир.

suhrob_buranov

https://t.me/alisher_abduhamidov