Акабиров Азамат

⚠️ Ахборот билан ишлашда муваффақиятга эришишни ахборот хизматлари белгилайди - Жонатан Чарльз

Давлат органлари ва ташкилотлари ахборот хизматлари раҳбарлари Давлат бошқаруви академиясида малака ошираётгани тўғрисида маълум қилинган эди.

Тўрт кун мобайнида давом этаётган ўқув курсларида ахборот хизматлари фаолиятини замонавий талабларга мувофиқ такомиллаштириш юзасидан мавзу ва йўналишларда маърузалар бўлиб ўтмоқда.

Бугун ўқувлар доирасида АОКА ҳамда Давлат бошқарув академияси таклифига биноан Ўзбекистон Президенти Ш.Мирзиёв маслаҳатчиси Сума Чакрабарти хизматининг халқаро эксперти Жонатан Чарльз билан мулоқот бўлиб ўтди.

Мулоқотда жаноб Чарльз матбуот котибларига ахборотни тақдим этишда риоя этиш лозим бўлган иккита асосий жиҳат ҳақида тўхталди:

⏺Биринчи жиҳат, ахборот қисқалигига эътибор қаратиш. Яъни маълумотни қисқа хабар шаклида, кам сўзлар билан мақсадни англатиш. Бунда моҳиятни деталлар билан кўрсатмай, асосий мақсадга эътиборни қаратиш талаб этилади.

⏺Иккинчи жиҳат, бевосита таъсирга эга бўлмаган ахборотни тақдим этмаслик. Бунда ахборот етказиш ва қабул қилиш ўртасида узилиш бўлмаслиги муҳим аҳамият касб этади.

Матбуот котиблари суҳбат давомида ўзларини қизиқтирган саволларга жавоб олишди.

Эслатиб ўтамиз, ўқув курслари 27 ноябрга қадар давом этади.

Telegram |WhatsApp| Youtube | Facebook | Instagram | Медиабанк | Сайт

✔️ Давлат бошқарув академиясида матбуот котиблари учун малака ошириш курси ташкил этилди

Қисқа муддатли малака ошириш ўқув курслари Ахборот ва оммавий коммуникациялар агентлиги, Давлат бошқаруви академияси, Давлат хизматини ривожлантириш агентлиги ҳамкорлигида, юқори тажрибага эга маърузачилар иштирокида бўлиб ўтмоқда.

Бугун Давлат бошқарув акадесиясида ахборот хизматлари раҳбарлари учун ташкил этилган малака ошириш курсининг очилиш тадбири бўлиб ўтди.

Тадбирни очиб берган ДБА ректори Адҳам Бекмуродов матбуот котиблари билан ишлаш Бошқарув академиясида янги йўналиш эканлигини қайд этиб, бундан кўзланган мақсад мамлакатимизда амалга оширилаётган кенг кўламли ислоҳотларни халққа очиқ ва шаффоф, холис, тезкор етказишда етакчи рол ўйнайдиган матбуот котибларининг нафақат ўз соҳаларида, балки бошқа тармоқларда ҳам кўникмаларини ошириш эканлигини таъкидлади.

⚡️ Ўқув дастурларида ахборот хизматлари раҳбарларининг уч йўналишда малака ва билимларини такомиллаштириш назарда тутилган:

⚡️Сиёсат-иқтисодиёт, халқаро муносабатлар, интеграция жараёнлари;

⚡️Ахборот билан ишлаш;

⚡️Бошқарув, шахсий компетенцияни ривожлантириш.

Суҳбат ва тренинг шаклида ўтказиладиган машғулотларда тингловчи-матбуот котиблари маҳаллий ва глобал миқёсдаги амалий мисоллар асосида муҳим мавзу ва йўналишларда таълим олишади.

📆 Ўқувлар жорий йилнинг 27 ноябрига қадар давом этади.

Telegram |WhatsApp| Youtube | Facebook | Instagram | Медиабанк | Сайт