A’fiyfun

Uyg'urlarning boshiga kelgan ishlar ostonasida turgandekmiz, Alloh saqlasin, Undan boshqa panoh berguvchimiz yo'q...

Abu Hurayra raziyallohu anhudan rivoyat qilingan hadisda Rasululloh 🕌 aytdilar:
"Birortangiz ro'za tutgan kunida uyatsiz so'zlar aytmasin, baqir-chaqir qilmasin va talashib-tortishmasin. Agar birov uni haqoratlasa yoki u bilan urishsa: "Men ro'zadorman", desin".

Buxoriy va Muslim rivoyati

@afiyfun

10 Ramazon. 1446. 🪽

Alloh uchun qurbonlik qildik, qo'ydan boshqa yana nimani..?

@afiyfun

Ro’zadorning iftor paytida aytadigan duosi.

Abdulloh ibn Umar roziyallohu anhumo aytadi: «Rosululloh sollallohu alayhi va sallam qachon iftor qilsalar:

ذَهَبَ الظَّمَأُ، وَابْتَلَّتِ الْعُرُوقُ، وَثَبَتَ الْأَجْرُ إِنْ شَاءَ الله

«Chanqoq ketdi, tomirlar ho’llandi va inshaalloh ajr hosil bo’ldi», der edilar».

(Abu Dovud rivoyati, Alboniy hasan degan)

@afiyfun

9 Ramazon. 1446. 🌴

O'zing bergan qalamning satrlariga mahzun bo'lma...

@afiyfun

Islomda ayollarni e’zozlash

Islomda muhabbat faqatgina muayyan bir kunda sovg’alar almashish emas, balki hurmat, mehr-shafqat va er-xotin o’rtasidagi o’zaro ehtiromga asoslanadi.

Payg’ambarimiz 🕌 shhunday deganlar: "Ayollar borasida Allohdan qo’rqinglar chunki siz ularni Allohning omonati ila olgansiz".

Ibn Huzayma rizoyati

@afiyfun

Savol

Bir chiziq tortilmish hayot yo’lidan,
Tengdir bu hududda erkagu ayol.
«Bu nima?» - ilk bora go’dak tilidan
Yangraydi savol!

Uyimiz to’rida o’tirar mehmon,
Savolga tutadi, so’ray boshlar hol:
«Sen kimning o’g’lisan? Otang kim?» degan
Yangraydi savol.

Maktabga boramiz, jo’shib ketgan kuch,
Muallim yozadi masala, misol:
«Xo’sh, necha bo’ladi ikki karra uch?» —
Yangraydi savol.

Muhabbat bog’ida Sardargon kezib,
Dilbar ko’zlariga boqqanda behol,
Sanam ko’zlarida «Sevasizmi?» deb
Yangraydi savol.

Hayot ostonasi… Yashalmas yakka,
Nikoh bu rishtani aylagay halol.
«Falonchihon qizim, tan mahramlikka..?»
Yangraydi savol.

Odatiy o’zanda oqadi turmush,
Pul uchib ketadi bamisli shamol.
Har oqshom «Go’sht qani, non qani?» - demish
Yangraydi savol.

Shu zayl yasharmiz goh och, goh to’kin,
Gohida alam yeb, gohida yeb bol.
Jimjitlik yurakni allalar, lokin
Yangraydi savol:

«Nega yashayapsan yorug’ dunyoda,
Kecha go’dak eding, bugun qari chol!?» -
Xohi markabda yur, xohi piyoda,
Yangraydi savol…

Topsa bo’lar balki bularga malham,
Hech qursa hayotdan qochib bemajol…
Vo darig’, qochilgan yer ostida ham
Yangraydi savol!

So’ngra ne boshlanar - Xoliqi olam
Huzuriga hisob ko’chilar behol.
Tasavvur qil, endi Rab tomonidan
Yangraydi savol…

…Endi buyog’iga o’ta olmayman,
Bu holda qaddimiz aniq bo’lur dol.
Ne deyin, javobni men ham bilmayman -
Yangraydi savol!

Xayrullo, izlama tadbir ishingga,
Barisin hisobga olmish Zul-Jalol,
Tayyor tur doimo - har bir ishingga
Yangraydi savol!!!

Xayrulla Hamidov

@afiyfun

8 Ramazon. 1446 📿

Sabit ibn Qoys rahimahulloh aytadilar:

"Agar mo‘min Allohga duo qilsa, Alloh jabroilga aytadi: "Uning talabiga shoshilma! Chunki men bandamning ovozini eshitishni istayman!
Agar fojir kishi Allohga duo qilsa, Alloh Jabroilga aytadi: Ey Jabroil! Uning talabini tezda bajo qil! Chunki men fojirning ovozini eshitishni istamayman!".

@afiyfun

6 Ramazon. 1446. 🧢

"Yusuf ibn Husayn aytadi: "Dunyodagi eng buyuk narsa - ixlosdir. Qalbimdan riyoni tushirishga qanchalik qattiq harakat qilmay, huddiki u boshqa rang bilan o'sib chiqayotgandek bo'ladi".

Ibn Qoyyim rahimahulloh

@afiyfun

5 Ramazon. 1446. 📿

Imom Shofe'iy rohimahulloh aytadilar:

"Agar amalingdan g'ururlana boshlasang, qanday Zot roziligi uchun va qanday ne'mat (jannat) uchun amal qilayotganingni va qanday jazo (do‘zax)dan qochayotganingni esla. Shunda har qanday amaling arzimasligini ko‘rasan"

Ihyou-ulumid-din

@afiyfun

4 Ramazon. 1446. 📖

Agarda masjidlarda bolalarni ko'rmasanglar, o'sha Ummatning kelajagi yo'q!

Sulton Sulaymon Qonuniy

@afiyfun

Allohga qasamki, agar qabrdagilarga "orzu qilinglar!" deyilsa, ular Ramazondan bir kunni orzu qilgan bo'lardilar.

Ibn Javziy rahimahulloh

@afiyfun

3 Ramazon. 1446. 📖