Ilhomjon's blog


Гео и язык канала: Узбекистан, Узбекский
Категория: Блоги


🪄 Sprichayter;
💼 “Adolat” SDP Markaziy apparati matbuot xizmati yetakchi mutaxassisi;
🎓 O‘zDJTU Xalqaro jurnalistika 4/2;
🛹 Tez qiziqib, tez zerikadiganlar toifasidan.
📮 @ilhomjon_abdusalomov_05

Связанные каналы

Гео и язык канала
Узбекистан, Узбекский
Категория
Блоги
Статистика
Фильтр публикаций


#Kutmagandim

Vey, kecha kitob sovg'a qilish kuni ekan-ku. nega meni tanishlarim jim? Ko'ngilga bo'lak "панелний"ga borib, 2 ta kitobni suv tekinga olib kelib bersa bo'lardi...)


Oylik doirasida bo‘lgani uchun tez ekan.


#Yozgim_keldi

Talaba bo‘lib anglagan eng yaxshi haqiqatlarimdan biri universitet tadbirlari, tanlovlarida umuman ishtirok etmaslik hisoblanadi.

Chunki men qatnashgan, kuzatgan hamma tanlovlarda adolatsizlik, ko‘rib turib ko‘rmaganga olish, rasvo tashkillashtirish ko‘p bora kuzatilgan. (Balki hammasida ham emasdir, ammo menga doim shundayi nasib qiladi).

“Yil talabasi”ni-ku gapirmay qo‘ya qolay. Yana bir tanlov eʼlon qilishibdi “Yosh kitobxon” degan.

Shu haqida baʼzi fikrlarim bor. (Har qalay man ham bir paytlar kitobxon bo‘lishga urinib, bir nimalar qilib yurardim). Lekin bu “gadoy arazlasa, to‘rvasiga zarar” qabilida tanqid va alamdan yozilmayapti. Betoblik, yangi kutilmalar davrida menga bu zarracha qiziq emas.

1. Fakultet bosqichiga vaqt nihoyatda kam qolgan (17-18-fevral). Bu o‘z navbatida, tanlov bo‘yicha talaba-yoshlar orasida oldinroq xabardor bo‘lishni, shunga munosib tayyorgarlik qilishni (eng kamida bir oy oldin, bu ham haqiqatga yaqin emas) yaxshigina cheklaydi. Natijada fakultet masʼullari ko‘ziga issiq ko‘ringan kitobxon talabasini universitetga olib boradi.

2. Berilgan adabiyotlar ro‘yxatida tanish asarlar ko‘p emas, oz. Ayniqsa, “Xamsa” bir takrorlab olinmasa, har qaysi manaman degan kitobxonni ham adashtiradi. Lekin vaqt kam qolgan. Qolganlariga to‘xtalmadim.

3. Vanihoyat. Tanlov nizomi boshlanishidan salkam bir yil oldin eʼlon qilinadigan (asarlar ro‘yxati ham) “Yosh kitobxon”niki va ayni universitet tanloviga mutanosib emas. Yakuniy bosqich soat 11 da boshlanib, kechki 9 da tugashi, zerikarli, shartlarining adog‘i yo‘qdek ko‘rinishi aniq.

Juda bo‘lmaganda asarlar yo oldinroq eʼlon qilinishi yoki qiyin bo‘lmasligi kerak edi. Shunday zum eʼlon qilinib, zumda o‘tib ketadigan tanlovlariga borman-da.

@abdusalomovdan_qaydlar


#Tundalik

Xullas, men batamom tuzalmagan bo‘lsam-da, uydagilarim (adam va apam) meni zudlikda o‘qish va ishga qaytarish taraddudida.

Shu uchun kasallik taʼtilimni ham yoptirib kelishibdi. Hay tuzalmadim-ku, desam, o‘qishing qolib ketadi, ishing bor bu yoqda, yana muammo qilasan, deyishyapti.

O‘zichi adam va apam agar bir kun darsga bormasam, o‘qishdan haydab yuboradi deb qo‘yishmasdi, tag‘in ham 1 haftaga chidab berishdi.

Kelishib olamiz: men bilan balandroq ovozda gaplashaveringlar, hijolat tortmay. Hali tuzalmadim. 😢

UPD: Bunday chora ko‘rayotganiga sabab o‘tgan semestrda borgan darsimga ham nb olib, qayta o‘qishga qolganim. Bo‘lmasa, qattiq turishmasdi.

@abdusalomovdan_qaydlar


#Taassurot

Bugun mamlakatimiz yetakchisi Ko‘ksaroy qarorgohida bir guruh faol yoshlar bilan ochiq muloqot o‘tkazdi.

Saida Mirziyoyeva bilan uchrashuvda tanishgan do‘stlarimiz ham jarayonda ishtirok etib, davlat rahbariga o‘z fikr-mulohazalari, takliflarini bildirganidan quvondim.

Shunday davrada bo‘lish bizga ham nasib qilsin! 🩶🇺🇿

@abdusalomovdan_qaydlar


Репост из: O'zDJTU | UzSWLU | УзГУМЯ
0️⃣0️⃣0️⃣📺📺

2025-yil 14-fevral kuni “Adolat” ijtimoiy-siyosiy gazetasining 6-sonida O‘zbekiston davlat jahon tillari universiteti rektori Ilxomjon Tuxtasinovning “Ta’lim jarayonining yangicha rivojlanish modeli” nomli maqolasi chop etildi.

🌐 Biz ijtimoiy tarmoqlarda:
Telegram | Instagram | Facebook | Sayt


Ammamning o‘g‘li kitobxon bo‘lmoqchi ekan. Asar so‘radi. Xayolga birinchi shu keldi.

Anaqissa man hozir umuman kitob o‘qimayapman. Vaqtim yo‘q, degan bahona bilan, albatta.

Yuqoridagi savolni yuboribdi. O‘ylashim bo‘yicha depressiya sabab bo‘lgan va aynan mazkur so‘roq meni ham qiynagandi. Voqealar fonida o‘ylab, o‘yimga yetmadim.

Kanalimdan so‘rayman: ziyoli qatlam 99.9 foiz deb o‘zimni aldabman. Ishonchni oqlamadinglar. 🗿

@abdusalomovdan_qaydlar


“Mahorat maktabi”dagi Sevaradan qip-qizil chopildi. 🪓

UPD: Manba bilan. Insof bor anaqissa:-)


Репост из: Kaktus guli
Meni qanday duo qildingiz ona?
Omad ostonamni o'yib yubordi
Meni qanday duo qildingiz ona?
Alamalar qo'limdan qo'yib yubordi

Meni qanday duo qildingiz ona?
Tuproqni ushlasam o'zgarar zarga
g'animlar boshimdan otgan toshlari
yetib kelguncha aylanar parga!

Meni qanday duo qildingiz ona?
Yaxshilar o'radi to'rtta tomonim
Avvallari biroz hudbinroq edim
Endi sezilmaydi zarra yomonim


Savol: “Tushda kechgan umrlar” asarida Rustam o‘zini tepadan pastga tashlaydimi yoki shunday qilishadimi?


Bu safar maqola chiqdi meni tahririm ostida. Faqat talay ishim bor bu yoqda.


O‘sha gap...)


#Lahza

Yiqildik, egildik — sinmadik,
Qaddimiz gʻoz qoldi, azizim.
Bahordan boshqasin bilmadik,
Bahorga oz qoldi, azizim!
💐

✍️ Mirzoozod MIRZANEʼMATOV

@abdusalomovdan_qaydlar


#Vah

Sharq kinosanoati bugun G‘arbnikidan ortda emas, balki ayrim jihatlarda undan oldinda. Axborot asrida odamlar tezkor globallashuv girdobida adashib, hissiy qashshoqlikka yuz tutayotgan bir paytda, Sharq ijodkorlari insoniy tuyg‘ularni, sadoqatni, do‘stlik va muhabbatni qayta jonlantirishga urinmoqda. Buning isboti sifatida nafaqat qiziqarli, balki haqiqatan ham mazmunli va ruhiyatga ta’sir qiluvchi filmlar va seriallar namoyish etilyapti.

O‘tgan yili suratga olingan “Jannat onalar oyog‘i ostida” qirg‘iz filmi bunga yorqin misol. Tizerning o‘zidayoq milliardlab daromad ko‘rgani emas, balki undagi hissiyot, rejissyorning nozik nigohi, qahramonlarning jonli va ishonarli tasviri uni muvaffaqiyat sari yetakladi. Demak, tomoshabin bunday filmlarni kutmoqda, ularni qo‘msayapti.

Ammo o‘zbek kinosi-chi? Biz hamon “yuqori maqsadlar” haqida gapirib, amalda esa o‘sha-o‘sha yengil-yelpi loyihalar bilan o‘zimizni ovutib yuribmiz. Yaxshi ssenariylar yo‘q emas, bor, ammo ularning ekranga chiqishi – juda kamyob hodisa. “Ilhaq”, “Faridaning 100 qo‘shig‘i”, “Muqimiy” kabi bir nechta tomosha qilsa arziydigan filmlar bor, lekin shundan ortig‘ini sanash mushkul.

Biroq bu yozishimga sabab bo‘lgan asosiy masala boshqa: “Mening yurtim” telekanalida “Botqoq guli” nomli teleserial efirga uzatilyapti. Botqoq... guli... Ha, sarlavhaning o‘ziyoq hammasini anglatib turibdi. Saviyasi-chi? Nomidan o‘tib, nimadir sharra qilishiga ishonish qiyin.

Eng achinarlisi, serialda ishtirok etayotgan aktyorlar orasida O‘zbekistonda xizmat ko‘rsatgan artistlar bor! Agar eng e’tiborli aktyor va aktrisalarimiz ham yaxshi ssenariy topa olmay, bunday loyihalarga ko‘nishga majbur bo‘lsa, demak, biz yetadigan joyga yetibmiz, pishibmiz ham.

@abdusalomovdan_qaydlar


#Eh

Jurnalistikaga kirib kelib, shu qisqa davr ichida deyarli har kuni, baʼzida uyqusiz yozibman, tahrirlabman, o‘chiribman, izlabman. Shunda ham bir nimani qoyillatdim, demayman. Bunga asos yo‘q.

Ammo birni ko‘rib fikr, mingni ko‘rib shukr qilaman. Fikr-yodimni shunga bog‘lagani uchun hamdlar aytaman, behisob. 🩵

@abdusalomovdan_qaydlar


#Ajoyib

Shu qizil yon daftarga jurnalistlar uchun amaliy ko‘nikmalarini rivojlantirishga qaratilgan “4+2 modeli” ni joriy etish hamda bo‘lajak jurnalistlardan olinadigan yakuniy nazorat imtihonlarini ijodiy ko‘rinishda o‘tkazish taklifim kiritilgandi.

Bundan ancha oldinroq dekanimiz Amrullo Karimov va rektorat vakili yuqoridagi takliflarim Prezident adminstratsiyasidan topshiriq sifatida yuborilgani, yangi o‘quv yilidan kuchga kirishini menga maʼlum qilishdi.

Demak, zamonaviy jurnalistikada kadrlar tayyorlash bo‘yicha ozgina bo‘lsa-da, manfaatliroq ish qilibmiz.

@abdusalomovdan_qaydlar


#Iyuu

Yaxshilar, “Orol fojiasi: milliardlar qayerda?” loyihasi bizning “Eco-check” guruhi tomonidan ishlab chiqilgan. Nasib qilsa, grant yutib olamiz. 😊

@abdusalomovdan_qaydlar


Репост из: Центр развития современной журналистики
"Data Accelerator" treninggi muvaffaqiyatli yakunlandi! 🎉

3 kunlik intensiv trening davomida ishtirokchilar:
- Ma’lumotlarni vizualizatsiya va tahlil qilish;
- Turli manbalardan ma’lumotlarni topish va olish;
- Data asosida jurnalistlik materiallarini yaratish kabi ko‘nikmalarni o‘zlashtirdilar.

Ishtirokchilar 9 ta jamoaga bo‘linishdi va "Orol fojiasi: milliardlar qayerda?", "Yo‘l qurilishiga ajratilgan samarasiz pullar", "Davlat idoralarining avtomobil xaridlari: xizmatmi yoki hashamat?", "Inklyuziv O‘zbekiston: dasturlar ishlayaptimi?" va shu kabi jamiyatdagi dolzarb mavzularda jurnalistik loyihalar tayyorlashdi.

Har bir jamoa o'z loyihasini ekspertlar oldida himoya qilib, kelgusi ishlariga yo'l ochadigan qimmatli maslahatlar oldi.

🏆 Eng yaxshi loyihalar esa tez orada saralanib, mualliflarga stipendiya va mentorlik ko‘magi beriladi. Shuningdek, barcha ishtirokchilarga maxsus sertifikatlar ham topshirildi.

👏 Ishtirokchilarni tabriklaymiz va ularga kelajakdagi ishlarida omad tilaymiz!

#DataAccelerator #FCDO #EGED #UKinKyrgyzstan #ӨСИ_ИПР #DataJurnalistika #MJDC


#Vah

Mazam bo‘lmayotgan bo‘lsa ham bundan bir necha kun avval universitet matbuot kotibidan rektor nomidan gazetaga maqola so‘ragandim.


Shuni tahrirlab, bu songa topshirishim kerak. Men esa 2 soatdan beri “uzkiy krugimdagi hamtovoqlarim” bilan yozishib o‘tiribman.

@abdusalomovdan_qaydlar


#Eh

Ochig‘i shunday imkoniyat, kreativ voqealar oldidan, albatta, bir kamchilik bo‘lmasa hisobmas.

Shamollashim kuchaygan, qulog‘im qattiq g‘uvillayapti. Treningda har tugul oldinda o‘tirib, eshita oldim. Biroq kundalik hayotda aksi. Boz ustiga yo‘talib, aksirib o‘tirgan ham men.

Ish va o‘qishga borish, ijodga qaytish kerak. Avvalo, bu uchun salomatlik muhim. Tiklanib olsak, hammasi iziga tushib ketar. Yo‘qlaganlarga rahmat.

UPD: Kasallik taʼtilimni uzaytirib, astoydil davolanmasam, o‘xshamaydi, shekilli.


@abdusalomovdan_qaydlar

Показано 20 последних публикаций.