Bugun bolaligimni quvonch bilan eslashimga sababchi boʻlgan, meni yer-u koʻkka ishonmay ulgʻaytirgan kishining tugʻilgan kuni….

Bobojonim agar hayot boʻlganingizda bugun 66 yoshni qarshi olar edingiz🥺
Siz bilan oʻtgan kunlarimni, bergan mehringizni, menga hamisha ishonib qoʻllab quvvatlab onajonimn deya faxrlanib yurishingizni eslasam oʻsha kunlarda takror yashagim keladi. Bola boʻlgim keladi bobojon! Sizni qoʻlingizdan tutib sayohatlar qiladigan, savollar berib boshingizni ogʻritadigan, kimdir xafa qilsa darrov borib sizga aytadigan kichkintoy qizchaga aylangim keladi.  Siz boringizda  ertakda yashagan  ekanman bobojonim siz bergan mehrni, nasihatlaringizni, ba’zan jahl  qilib koyishingizni xonadonimizni bezab turgan salobatingizni, jarangdor ovozingizni sogʻinaman, toʻrt devor ichidan sizssiz hovullagan xonadan sizni qidiraman.  Har bir yutugʻimni sizga aytganimda quvonchdan porlagan koʻzlaringiz, toʻkkan koʻz yoshlaringiz koʻz oʻngimda aylanadi.
-Bobojon men oʻqishga kiribman Grandga kiribman deya birinchilardan sizga aytganim, tanlovlarda sovrindor boʻlib sizga maqtanganim. Hayotimning eng baxtli kunlari oʻsha kunlar ekan aslida….

Bugun men oldimga bir maqsad va savol qoʻygaman. - Nima qilsam bobom mendan xursand boʻladilar ? Ana shu savolim doim meni harakatga chorlaydi. Ha bobojon bugun siz tarbiya bergan qizingiz siz faxrlanib yurishingiz uchun shaxdam qadamlar ila harakat qilmoqda. Meni men qilgan inson uchun hammasini uddalayman.

Oxiratingiz obod boʻlsin bobojonim. Qabringiz Nurga toʻlsin🤲
Sizning xotirangiz doim yuragimizda yashaydi🥲