Янги Наманган тумани ҳокимлиги | Расмий телеграм канали

“Янги замин” маҳалласида мономарказ иш бошлади

Янги Наманган туманида аёллар бандлигини оширишга қаратилган муҳим қадамлар қўйилмоқда. Наманган вилояти ҳокими ўринбосари, Оила ва хотин-қизлар бошқармаси бошлиғи Динара Якубова мазкур йўналишдаги ишлар ҳолати билан танишди.

Туманнинг “Янги замин” маҳалласидан аёллар учун янги имконият — мономарказ иш бошлади. Бу ерда улар тикувчилик ва каштачиликни ўрганиб, ўз бизнесини бошлаш ёки ишга жойлашиш имконига эга бўладилар.

Шу билан бирга, маҳалла ҳудудида гулчилик ва томорқадан самарали фойдаланиш борасидаги ишлар ҳам кўрилди.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

Янги Наманган тумани ҳокимининг навбатдаги сайёр қабули ўтказилди

Янги Наманган тумани ҳокими 1-сектор ҳудудидаги маҳаллаларда сайёр қабул ўтказди. Тадбирда аҳоли мурожаатлари эшитилиб, уларнинг муаммоларини жойида ҳал этиш чоралари кўрилди.

Фуқаролар асосан газ, сув ва электр таъминоти, тиббий ёрдам, бандлик, субсидия, уй-жой таъмири ҳамда моддий ёрдам масалалари бўйича мурожаат қилдилар. Барча масалалар тегишли идораларга йўналтирилиб, муаммоларни ҳал этиш бўйича масъулларга топшириқлар берилди.

Бундай сайёр қабуллар аҳоли муаммоларини тезкор ва самарали ҳал этишга хизмат қилади.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

Томорқалардан унумли фойдаланиш ҳолати ўрганилмоқда

Янги Наманган тумани маҳаллаларида аҳоли томорқалардан самарали фойдаланишига кўмаклашиш мақсадида хонадонма-хонадон ўрганиш ишлари олиб борилмоқда.

Жумладан, “Соҳил” маҳалласининг ҳар бир хонадонида экин майдонларидан фойдаланиш, паррандачилик ва чорвачиликни ривожлантириш бўйича тушунтириш ишлари ўтказилди.

Аҳолига томорқадан тўғри фойдаланиш орқали даромад топиш ва рўзғорни обод қилиш йўл-йўриқлари тушунтирилди.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

Янги Наманган туманида 24/7 сервис кўчалари барпо этилмоқда

Янги Наманган туманидан ўтувчи шимолий айланма йўли бўйида хизмат кўрсатиш соҳасини ривожлантириш ва 24/7 режимида ишлайдиган сервис марказлари барпо этиш ишлари давом этмоқда.

Йўл юзидаги сервис шохобчалари ва автоустахоналар ҳолати кўздан кечирилиб, тадбиркорлар билан суҳбат ўтказилди. Шунингдек, объектларнинг ташқи кўринишини яхшилаш, ҳудудни ободонлаштириш ва ноқонуний қурилмаларни бартараф этиш бўйича тегишли кўрсатмалар берилди.

Туманнинг “Соҳил” маҳалласида қурилаётган “Тараққиёт” кичик саноат зонасидаги ишлар ҳам кўрилди. Мебелчиликка ихтисослашган ушбу ҳудудда 202,5 млрд сўмлик 37 та лойиҳа амалга оширилиб, 4000 га яқин янги иш ўрни яратилиши кўзда тутилган. Шунингдек, 2 гектарлик замонавий автосервис комплекси ташкил этилиб, 400 дан ортиқ иш ўринлари очилиши режалаштирилган.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh