Yo‘l harakati xavfsizligi xizmati | Rasmiy kanal

Ўзбекистон Республикаси ИИВ ЖХД Йўл ҳаракати хавфсизлиги хизмати бошлиғининг ўринбосари полковник А.Ахмедов бошчилигидаги делегация Озарбайжон Республикасига ташриф буюрди.

Ташрифнинг асосий мақсади – Озарбайжоннинг йўл ҳаракати хавфсизлигини таъминлаш бўйича тажрибаларини ўрганиш, ўзаро ҳамкорликни мустаҳкамлаш ва икки давлат ўртасидаги алоқаларни ривожлантиришдир.

Озарбайжоннинг йўл ҳаракати хавфсизлиги хизмати ходимлари билан учрашувларда делегация аъзолари йўл ҳаракати хавфсизлигини яхшилаш бўйича замонавий технологияларни қўллаш, жамоат транспортида хавфсизликни таъминлаш ва йўл ҳаракати қоидаларига риоя қилишни ошириш бўйича фикр алмашишди. Улар Озарбайжоннинг илғор тажрибалари ва самарали усуллари билан танишиб, бу борадаги таклиф ва муҳокамаларни ўтказдилар.

Озарбайжондаги самарали усуллар ва амалий тажрибаларни ўрганиб, делегация аъзолари Ўзбекистонда йўл ҳаракати хавфсизлигини янада яхшилаш учун зарур чора-тадбирларни кўришни режалаштирмоқдалар.

👉 @YHXX_UZ

ИИВ ЖХД Йўл ҳаракати хавфсизлиги хизмати бошлиғи полковник Ш.Ибрагимов ва Сирғали тумани сектор раҳбарлари томонидан тумандаги куз-қиш мавсумига тайёргарлик даражаси ўрганилди.

Бунда асосий эътибор туман аҳолисига коммунал хизматларни узлуксиз таъминлаш борасида йўлга қўйилган ишларга қаратилиб, келгусида юзага келиши мумкин бўлган муаммоли ҳолатларни бартараф этиш чоралари кўрилмоқда.

Шунингдек, маҳаллалардаги мавжуд мактабларга олиб борувчи ички йўлларнинг ҳолати, тегишли йўл белгилари билан жиҳозланганлиги текширилиб, йўл инфратузилмасини янада яхшилаш бўйича топшириқлар берилди.

Шу билан бирга, аҳоли гавжум бўлган бозор ва йирик савдо мажмуалари кузатув камералари билан жиҳозланганлиги ҳамда уларнинг ИИО вазиятлар марказига интеграция қилинганлиги ҳолати ўрганилди.

Фуқаролар хавфсизлигини ишончли таъминлаш, йўл-транспорт ҳодисаларининг олдини олиш бўйича амалга оширилган ишлар ҳам кўздан кечирилди.

👉 @YHXX_UZ