ЯХШИЯМКИ...

Буюкларнинг ҳолига боқсам,
Улар ҳеч-да ҳадик емасдир:
Яхшиямки ҳаёт ўлчови
Йиллар тузган ёшда эмасдир.

Гарчи қизғин яшаш иқболи,
Чеки йўқдир гарчи нолишнинг.
Яхшиямки, ўлгандан сўнг ҳам
Имкони бор яшаб қолишнинг.

Ер чарчаса, само энгашар,
Нур мисоли елади ёрдам.
Яхшиямки, бахт инъомига
Қўриқчимас бирорта одам.

Тугар, ҳа, ҳа, тугар гул сайли,
Тугар ҳатто башар ноласи.
Яхшиямки, соғинч туфайли
Йиғлаёлар одам боласи.

@Xayrulla_Hamidov_adabiyot