Inspektorning qonuniy talabiga bo‘ysunmaslik javobgarlikka sabab bo‘ladi

🚨Farg‘ona viloyati Quva tumanida olib borilayotgan reyd tadbirlari davomida Xonabod-Quva yo’nalishida harakatlanib kelayotgan “Damas” rusumli transport vositasi inspektor tomonidan to‘xtatilganda haydovchi to‘xtash ishorasiga bo‘ysunmasdan harakatni davom ettirib ketgan.

📌Ko‘rilgan chora-tadbirlar natijasida avtotransport vositasi to‘xtagan manzil va haydovchi aniqlanib, Ma’muriy javobgarlik to‘g‘risidagi kodeksning tegishli moddasiga asosan bayonnoma rasmiylashtirildi.

👨‍💼 Eslatib o‘tamiz, O‘zbekiston Respublikasi Vazirlar Mahkamasining 2023-yil 15-dekabrdagi 668-son qaroriga asosan Transport nazorati inspeksiyasi Avtomobil va suv transportida nazorat bo‘yicha inspektorlar
- reyd tadbirlarida, statsionar va mobil postlarda avtotransport vositalarini tekshirish uchun to‘xtatish;
- statsionar va mobil postlarda reyd tadbirlari jarayonida tekshirish uchun transport vositasini to‘xtatishda maxsus chiroq-mayoqcha, ovoz kuchaytirgich moslama, qo‘l yoki jezl ishoralaridan foydalanish;
- nazorat tadbirlari davomida huquqbuzarlikni aniqlash maqsadida avtomobil salonida bo‘lgan yo‘lovchilar bilan suhbat olib borish;
- to‘xtash ishorasiga bo‘ysunmagan transport vositalarini kuzatish yoki ichki ishlar organlari xodimlariga xabar berish va ularga belgilangan tartibda qonuniy choralar ko‘rish vakolatiga ega.

#yangiliklar
🌐 Uztn.uz|✈️Тelegram|📎Facebook| 🎞YouTubе