Ўзбекистон техник жиҳатдан тартибга солиш агентлиги | Расмий канал

Jizzax erkin iqtisodiy zonasida joylashgan, mamlakatimizdagi yirik avtomobil ishlab chiqaruvchi korxonalardan biri bo‘lgan "ADM JIZZAKH" zavodida Oʻzbekiston texnik jihatdan tartibga solish agentligi tashabbusi bilan jurnalist va blogerlar uchun media-tur tashkil etildi.

"Reno", "KIA", "Lada" kabi brend zamonaviy avtoulovlarni xalqimizga yetkazib berayotgan ushbu zavoddagi media-tur davomida xalqaro standart asosida sifat menejment tizimlari joriy qilinganligi va xalqaro standart asosida ishlab chiqarish yoʻlga qoʻyilganligi boʻyicha maʼlumotlar berildi.

Bundan tashqari, OAV xodimlari ishtirokidagi tadbir doirasida xalqaro "Bureau Veritas" tashkiloti tomonidan berilgan sifat menejment tizimlari boʻyicha xalqaro ISO 9001 standarti asosidagi sertifikat avtomobil zavodi masʼullariga tantanali ravishda topshirildi.

O‘zbekiston texnik jihatdan tartibga solish agentligi direktori Akmal Jumanazarov Tatariston Respublikasi hududiy standartlashtirish, metrologiya va sinov markazi (FBU SSM Tatarstan) direktori Ibragimov Oleg Yevgenevich bilan uchrashdi.

Suhbat avvalida keyingi yillarda O‘zbekiston Respublikasi va Rossiya Federatsiyasining Tatariston Respublikasi o‘rtasida o‘zaro hamkorlikda yuqori natijalarga erishilayotganligi, xususan, Toshkent viloyatida "Chirchiq" kimyo-industrial texnoparki, kimyo tarmog‘i va mashinasozlikda yirik kooperatsiya loyihalari, Rossiyaning "Alabuga" va "Master" texnoparklari bilan Buxoro va Navoiy viloyatlarida yangi sanoat parklarini tashkil etilayotganligi alohida qayd etildi.

Agentlik huzuridagi O‘zbekiston ilmiy-sinov va sifat nazorati markazi ("UzTest" DM) hamda FBU SSM Tatarstan o‘rtasida o‘zaro manfaatli va ko‘p qirrali hamkorlikni kuchaytirish masalalari muhokama qilindi.

Ishbilarmonlarning aloqalari uchun qulay sharoitlar yaratish va savdodagi texnik to‘siqlarni bartaraf etish zarurligi bildirildi. Shuningdek, malakali kadrlar tayyorlashda qo‘shma loyihalarni yo‘lga qo‘yish yuzasidan qator takliflar ilgari surildi.

Muzokaralar yakunida, "O‘zbekiston ilmiy-sinov va sifat nazorati markazi" davlat muassasasi va FBU SSM Tatariston o‘rtasida anglashuv memorandumi imzolanib, ikki tomonlama ko‘p qirrali va o‘zaro manfaatli hamkorlikni faollashtirishga kelishib olindi.

Ayni daqiqalarda O‘zbekiston milliy matbuot markazida O‘zbekiston texnik jihatdan tartibga solish agentligi huzuridagi Oʻzbekiston ilmiy-sinov va sifat nazorati markazining matbuot anjumani boshlandi.

"Mahsulot sinovlarini takomillashtirish va laboratoriyalarni modernizatsiyalashning dolzarbligi" mavzusidagi mazkur matbuot anjumanini quyidagi havola orqali to‘g‘ridan-to‘g‘ri tomosha qilishingiz mumkin!

Oʻzbekiston texnik jihatdan tartibga solish agentligi direktori Akmal Jumanazarov Saudiya Arabistonining mamlakatimizdagi Favqulodda va Muxtor Elchisi Yusuf al-Utaybiy bilan uchrashdi.

Oʻzbekiston Respublikasi Tashqi ishlar vazirligi hamkorligida tashkil etilgan uchrashuvda texnik tartibga solish, standartlashtirish, metrologiya va muvofiqlikni baholash sohasida hamkorlik munosabatlarning hozirgi holati va istiqbollari, hamkorlik koʻlamlarini kengaytirish, malakali kadrlar tayyorlash, grantlar va texnik koʻmakni jalb etish masalalari muhokama qilindi.

O‘zbekiston texnik jihatdan tartibga solish agentligi direktori Akmal Jumanazarov Andijon viloyatida faoliyat yurituvchi ishlab chiqarish korxonalari va tadbirkorlik subyektlari uchun tashkil etilgan o‘quv jarayonlari bilan yaqindan tanishib, seminar mashg‘ulotlarida shaxsan ishtirok etdi.

"Mahsulot sifatini boshqarish va eksportbop mahsulot ishlab chiqarish" mavzusidagi mazkur qisqa o‘quv mashg‘ulotlari davomida texnik jihatdan tartibga solish, standartlashtirish, metrologiya, muvofiqlikni baholash bo‘yicha mutaxassislarga zaruriy maʼlumotlar berilib, ularning bu boradagi bilimlari sinovdan o‘tkazildi.

O‘zbekiston texnik jihatdan tartibga solish agentligi direktori Akmal Jumanazarov Italiyaning Turin politexnika universiteti rektori Stefano Paolo Kornyati bilan uchrashuv o‘tkazdi.

Muloqot chog‘ida standartlashtirish, metrologiya va sinov sohalarida hamkorlik ko‘lamlarini kengaytirish, malakali kadrlar tayyorlash, grantlar va texnik ko‘makni jalb etish masalalari muhokama qilindi.