Хусусий боғча ва мактаблар барча турдаги солиқ ва йиғимлардан озод қилинади

«Таълим соҳасида хусусий сектор иштирокини ошириш бўйича қўшимча чора-тадбирлар тўғрисида»ги Президент қарори қабул қилинган.

Ҳужжат билан 2030 йил 1 январга қадар нодавлат мактабгача ва умумий ўрта таълим ташкилотлари:

➖барча турдаги солиқ (бундан ижтимоий солиқ мустасно) ва йиғимлардан озод қилинади;

➖унда меҳнат фаолиятини амалга ошираётган чет эллик ўқитувчи ва мутахассислар жисмоний шахслардан олинадиган даромад солиғи ва ижтимоий солиқ тўламайди.

Шунингдек, 2030 йил 1 январгача нодавлат мактабгача ва умумий ўрта таълим ташкилотларининг қуйидаги Ўзбекистонда ишлаб чиқарилмайдиган товар жиҳозларига божхона тўловлари тўланмайди:

- замонавий ўқув ва лаборатория ускуналари;
- компьютер техникаси ва дастурий маҳсулотлар;
- ўқув ва илмий-методик адабиётлар, анжомлар ва моддий-техник ресурслар.

👉 http://t.me/Uzbekistansadosi