Ketsin
Ichib yolg'on qasamlar,
Xato ketdi qadamlar.
Nima derkan odamlar?
Ketsa, ketsin bevafo.
Olib ketsin yuragim,
Unga yo'qdir keragim.
Shudir, so'nggi tilagim:
Ketsa, ketsin bevafo.
Ortga hech qaramasin,
Uzrlar so'ramasin.
Mashrabni o'ylamasin,
Ketsa, ketsin bevafo.
Qolmadi dilda bardosh,
Bilaman, u hali yosh.
Bo'ldi ozgina bebosh,
Ketsa, ketsin bevafo.
Go'zal hech yig'lamasin,
Qalbini tig'lamasin.
Meni hech o'ylamasin,
Ketsa, ketsin bevafo.
Ichib yolg'on qasamlar,
Xato ketdi qadamlar.
Nima derkan odamlar?
Ketsa, ketsin bevafo.
Borsin, murodga yetsin,
Shirin farzandlar ko'rsin.
Muhimi — baxtli bo'lsin,
Ketsa, ketsin bevafo.
Aytar gaplarim tamom,
U yaxshidir, biz yomon.
Kettik-ku ikki tomon,
Ketsa, ketsin bevafo.
Baxtga yetsin bevafo.
