Urganch davlat universiteti Matbuot xizmati|RASMIY

🏛🕧Urganch davlat universitetiga Abu Rayhon Beruniy nomi berilgani munosabati bilan navbatdan tashqari Kengash yig‘ilishi boʻlib oʻtdi

✅Bugun, 18-yanvar kuni Urganch davlat universitetiga Abu Rayhon Beruniy nomi berilgani munosabati bilan navbatdan tashqari Kengash yig‘ilishi oʻtkazildi. Ushbu Kengash yig'ilishi katta ahamiyatga ega voqea hisoblanadi. Boisi, universitetga Abu Rayhon Beruniy nomining berilishi nafaqat sharaf, balki yuksak masʼuliyat sanaladi.

Kengash yig'ilishini universitet rektori v.v.b. prof. S.Xodjaniyazov ochib berib, jamoaga Urganch davlat universitetiga Abu Rayhon Beruniy nomi berilganini ma’lum qildi va guvohnoma bilan tanishtirdi. Jamoa aʼzolarini qizgʻin qutladi. Endilikda oliygoh oldida turgan vazifalarni eʼtirof etdi.

Yig‘ilishda Oliy Majlis Senatining fan, ta’lim va sog‘liqni saqlash masalalari qo‘mitasi raisi Baxrom Abdullayev ham ishtirok etdi. Qariyb 7 yil oldin boshlangan mazkur xayrli ish davlatimiz tomonidan qo‘llab-quvvatlanib, Prezidentimiz qarorida aks etganini alohida ta’kidlab, jamoani ushbu sharafli eʼtirof amalga oshgani bilan samimiy tabrikladi. Universitetga Abu Rayhon Beruniy nomi berilishi uchun bosib o‘tilgan qadamlar haqida to‘xtaldi. Shu bilan birga, B.Abdullayev Abu Rayhon Beruniy merosini targ‘ib qilish va o‘rganish borasida universitetda amalga oshirilishi lozim bo‘lgan ishlar xususida o‘zining muhim takliflarini bildirdi.

Shuningdek, Oliy ta’lim, fan va innovatsiyalar vazirligi Xorazm viloyati boshqarmasi boshlig‘i Z.Sa'dullayev, universitetda uzoq yillardan beri faoliyat olib borayotgan faxriy ustozlar so‘zga chiqib, Abu Rayhon Beruniyning dunyo sivilizatsiyasidagi o‘rni, buyuk olim nomining universitetga berilishi, bir tomondan, o‘tmish merosini e'zozlash bo‘lsa, ikkinchi tomondan, yoshlarda ilm-fanga bo‘lgan qiziqishni oshirishga xizmat qilishi, qolaversa, bu nom universitetning xalqaro maydondagi obro‘sini nafaqat oshirishi, balki yosh avlodni ulug‘ ajdodlarimiz merosini o‘rganishga undashini qayd etishdi.

🎇Darhaqiqat, Abu Rayhon Beruniy nomi talabalarimizni yuqori darajada bilim olishga undashi bilan birga, ularga Beruniy singari buyuk shaxslarning izidan borish uchun rag‘bat bo‘ladi.

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

#Rasmiy_xabar

🔷🕧Urganch davlat universitetiga Abu Rayhon Beruniy nomi berildi

Qadrli yurtdoshlar, hurmatli universitetimiz jamoasi!

Barchangizga Urganch davlat universitetiga buyuk alloma va qomusiy olim Abu Rayhon Beruniy nomi berilganini mamnuniyat bilan maʼlum qilamiz. Ushbu muhim qadam universitetning ilm-fan rivojiga qo‘shayotgan hissasi, talaba va professor-o‘qituvchilar jamoasining yutuqlari hamda mamlakatimizda Beruniy merosini keng targ‘ib qilishga qaratilgan chora-tadbirlarning mantiqiy davomi sifatida qabul qilindi.

Abu Rayhon Beruniy – jahon ilm-fanining yetuk namoyondalaridan biri bo‘lib, u matematika, astronomiya, geografiya, tarix va boshqa ko‘plab fanlar rivojiga ulkan hissa qo‘shgan. Uning ilmiy asarlari nafaqat Markaziy Osiyo, balki dunyo miqyosida yuqori qadrlanadi. Universitetga uning nomi berilishi yosh avlodni ilm-fan va innovatsiyaga bo‘lgan qiziqishini yanada oshirishga xizmat qiladi.

Xorazm vohasidagi oʻzining uzoq shonli tarixiga ega boʻlgan koʻhna va nufuzli oliy taʼlim muassasasiga Abu Rayhon Beruniy nomining berilishi nafaqat universitet obro‘sini oshiradi, balki talabalarga, yosh olimlarga ulug‘ allomaning ilmiy merosini chuqur o‘rganish va keng targ‘ib qilishda katta mas’uliyat yuklaydi.

Qolaversa, oliygohning xalqaro maydondagi oʻrnini yanada mustahkamlashga xizmat qiladi. Beruniy nomi ostida universitet dunyoning yetakchi ilmiy markazlari bilan hamkorlikni yanada rivojlantirishi, talaba va o‘qituvchilar almashinuvi dasturlarini kengaytirishi kutilmoqda.

Urganch davlat universitetiga Abu Rayhon Beruniy nomining berilishi yoshlarga ilmiy izlanishlarda yangi marralarni zabt etishlariga ruhlantiruvchi omil bo‘lib xizmat qilishiga ishonamiz!

🎊Xorazm ahlini hamda koʻp ming sonli oliygohimiz jamoasini Urganch davlat universitetiga Abu Rayhon Beruniy nomi berilganligi bilan samimiy qutlaymiz!

Mamnuniyat bilan,
Abu Rayhon Beruniy nomidagi Urganch davlat universiteti maʼmuriyati

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

#Juma_oqshomi

TTJda “Giyohvandlik – umr zavoli” mavzusida davra suhbati o'tkazildi

✅Fizika-matematika fakulteti tyutorlari tomonidan “Juma oqshomi” loyihasi doirasida 1-sonli yotoqxonada Respublika ixtisoslashtirilgan Norkologiya ilmiy-amaliy tibbiyot markazining Xorazm viloyat mintaqaviy filiali Reablitatsiya bo’limi mudiri D.Eshchanov bilan hamkorlikda “Giyohvandlik – umr zavoli” mavzusida suhbat o’tkazildi.

🔘Uchrashuvda narkotik moddalar, ularning salbiy ta'siri natijasida turli a'zolarning shikastlanishi, hayot uchun muhim funksional tizimlarning izdan chiqishi hamda yoshlar ruhiyati va ongiga ta'siri haqida batafsil ma'lumotlar berildi.

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

🟦🟦🟦🟦

🔘Kim ilm lazzatini, uning halovatini izlasa va amal qilish mazasi-yu rohatini topsa, insonlardagi narsalarga kam rag'bat qiladi, qiziqmaydi.

✍️Imom Zarnujiy "Ilm olish sirlari"

©️UrDU Matbuot xizmati
🌐 Sayt| Telegram| Facebook|Instagram| Ln | YouTube