📢Tolibjon Usmoniy

Qancha kech boʻlsa, kech hisoblanadi?
— Oʻz vaqtida kelsa, kech.

Jamiyatdagi mavzularga qarab uning madaniyati, bilimi, qadriyatlari, qiziqishlari va umuman, tafakkur darajasini taxmin qilish mumkin. Shu kungacha na oʻquv dargohlarida va na boshqa joylarda "Ishga vaqtida kelish ahamiyati" mavzusi muhokama qilinganiga guvoh boʻlmaganman. Hatto oliy ma’lumotli insonlar orasida ham bu masala muhim mavzu sifatida tilga olinmaydi.
Turli millatlarda turli fazilatlar qadrlanadi. Xoʻsh, bizning xalqimiz orasida qanday fazilatlar e’tirof etiladi? Oʻzbeklar orasida "yaxshi inson" tushunchasi tabiiy ravishda shakllangan. Bu qanday inson?
Biz uchun "yaxshi inson" — samimiy, birovga ozor bermaydigan, soʻkinmaydigan, muloyim, doim hurmat bilan koʻksiga qoʻl qoʻyib gapiradigan, haqiqat yoʻlida haqqini talab qilishga tortinadigan, oilaparvar, kattalarga hurmat va kichiklarga izzat koʻrsatadigan insondir.
Bu fazilatlarning barchasi albatta muhim. Ammo, agar ularga yana bir fazilatni qoʻshsak, nur ustiga nur boʻlardi. Tasavvur qiling, "yaxshi inson" deganda eng avvalo, oʻz ishini belgilangan muddatda bajaradigan, doim vaqtida yetib keladigan inson yodga tushsa!
Shaxsan men shunday fazilatga ega boʻlishni istardim. "Tolibjon hech qachon kech qolmaydi, har doim oʻz vaqtida hozir boʻladi" degan gapni katta maqtov sifatida qabul qilgan boʻlardim.
Yaqinda LinkedIn platformasida shu mavzuda bir muhokamani koʻrib qoldim. Professional rivojlanishni maqsad qilgan insonlar kech qolish tushunchasini har xil izohlashar ekan. Kimdir "15 daqiqadan oshsa kech" desa, yana kimdir 10 daqiqa kechikishni kech qolish deb biladi. Eng qizigʻi, ba’zi mutaxassislar "When is late?" (Qachon kech hisoblanadi?) degan savolga "On time is late" (Vaqtida kelish ham kech) deb javob berishgan.
Bu meni hayratga soldi. Chunki "On time is late" degani, "ishni ayni vaqtida qilish kechikish bilan barobar" degan ma’noni anglatadi.
Yaxshilab oʻylab koʻrsam, haqiqatdan ham oʻz ishining ustalari topshiriqni belgilangan vaqtda emas, undan oldinroq bajarishni "vaqtida qilish" deb bilishar ekan.
Subhanalloh! Axir hikmat moʻminning yoʻqotgan narsasi-ku, uni qayerdan topsa olishi kerak.
Men ham bu hikmatni fazilatlarim qatoriga qoʻshmoqchiman. Siz-chi? Ushbu hikmatni o‘z shaxsiy qadriyatlaringiz ro‘yxatiga qo‘shgan boʻlarmidingiz?

@Toolibjon_Usmoniy ✍

Maa shaa Allah 🤩!

Hammasini sotib olib oilam bilan oʻqib chiqsam deb orzu qildim! Hozir baʼzi qizlar mahrga shuni soʻrayotgan ekan, nima deysizlar boʻladimi???

Emoji bilan emotsiya qoldiring🙂!

@Toolibjon_Usmoniy ✍

Ha aytgancha Shayx Alijon Qorini "Shayx" deb oʻrganib qolganmiz chunki u kishini Arab davlatida yurganlarida shunday atashgan, etibor berib qarang, ushbu rasmda u kishining chap tomonlarida bir kishi oʻtiribdi, u insonni koʻpchilik tanimaydi ammo u inson ham katta Shayx Jahongir qori boʻladilar. Hozirda Oʻzbekistondagi eng oliy islom yurti boʻlmish Imom Buxoriy nomidagi Toshkent Islom Institutining Tahfizul Qurʼon kafedrasining mudiri "dekani" hisoblanadilar. Bu insonni ham yaxshilab tanib olishingizni iltimos qilaman, zotan tolibi ilm ilmni olimlardan oladi. Ularni tanimasachi, ilmni qanday oladi!? Shuning uchun bundan keyin Oʻzbekistondan chiqqan Ulamolarimiz haqida oz-oz maʼlumot bilan postlar joylashga harakat qilaman.

@Toolibjon_Usmoniy ✍

#Natija
Kecha 14 kishi ovoz beribdi. 14 kishidan 57%i ròza tutishibdi. Maa shaa Allah. Alloh Ziyoda va bardavom qilsin. Rajab oyida qilayotgan tayorgarligimiz huddi yerga ekilgan urugʻga oʻxshaydi, albatta bu urugʻ Shaʼbon oyida unib chiqib Ramazonda meva beradi. Alloh barchangizdan qabul qilsin.

@Toolibjon_Usmoniy ✍

Bir o'quvchim bo'lardi qachon qarasam stressda yurardi. Shu kitobning tavsifini o'qib uni esladim. Meningcha bunday kitobni Qizlar ham Yigitlar o'qisalar foydadan holi bo'lmas, chunki har bir yigitning bir kun ota bo'lishi bor. Qizlar o'qishi kerakligi haqida indamasam ham bo'lsa kerak zotan bu kitob qizlar haqidaga o'xshayapti. Shu kitobga negadir qiziqdim.

@Toolibjon_Usmoniy ✍🏻