Тахтакөпир районы ҳәкимлиги

Búgin Taxtakópir rayonı hákiminiń orınbasarı Sh.Bekturǵanov rayondaǵı qánigelestirilgen mektebinde bolıp, mekteptiń pedagog jámááti menen ushırasıw ótkerdi.

Ushırasıw dawamında Ózbekstan Respublikası Prezidentiniń 2025-jıl 3-yanvardaǵı PQ-1-sanlı qararınıń mazmun-mánisi tusindirilip, oqıwshı-jaslar arasında huqıqbuzarlıq hám jınayatshılıqlardıń aldın alıw, olardıń turaqlı bilim iyelewin támiyinlew máseleleri sóz etildi.

Sonday-aq, oqıtıwshılar tárepinen Xalıqaralıq grantlardı jeńip alıw hám olardıń shet tili páninen Xalıqaralıq sertifikatlarǵa iye bolıwı hámde mektepte IT tarawın rawajlandırıwǵa baǵdarlanǵan háreketlerdi kúsheytiw boyınsha tapsırmalar berildi.

Uzb

Taxtakópir rayonı hákimliginiń málimleme xızmeti
kanalǵa aǵza bolıw:
https://t.me/Taxtakopir_press

Taxtakópir rayonı orayınan alıs aymaqta jaylasqan «Dawıtsay» MPJ aymaǵındaǵı 16-sanlı ulıwma orta bilim beriw mektebinde ózbek xalqınıń ullı klassik shayırı Alisher Nawayı babamızdıń 584 jıllıǵı hám qazaq shayırı, jazıwshısı Muqaǵali Maqataevtıń tuwılǵanına 94 jıl tolıwı múnásebeti menen ádebiy keshe ótkerildi.

Keshe dawamında mekteptiń ruwxıy-aǵartıwshılıq isleri boyınsha direktor orınbasarı T.Sabirova eki shayırdıń dóretpeleri haqqında oqıwshılarǵa maǵlıwmatlar berip ótti.

Bunnan soń mektep oqıwshıları tárepinen tayarlaǵan sahnalıq kórinisler, ayaq oyını hám shayır dóretpelerinen qosıqlar atqarılıp, keshe kewilli dawam etti.

Taxtakópir rayonı hákimliginiń málimleme xızmeti
kanalǵa aǵza bolıw:
https://t.me/Taxtakopir_press

🌞16-mart kuni Qoraqalpog’iston respublikasi Qo’ng’irot tumanida daraxt ekamiz.

Biolog va tuproqshunoslar bilan maslahatlashib, sada qayrag’och daraxtini ekadigan bo’ldik.

Ko’chatlar uchun mablag’ yig’ish qoldi.
Ushbu havola orqali ko’chatlar uchun mablag’ yuborish mumkin💚
https://www.tirikchilik.uz/urikguli

*homiylar qidirilmoqda
———
🌞Посадим дерево 16 марта в республике Каракалпакстан.

Посоветовавшись с биологами и почвоведами, мы решили посадить садовый вяз.

Осталось собрать средства на рассаду.
Сделать пожертвование можно по ссылке:
https://www.tirikchilik.uz/urikguli

*ищем спонсоров

#Biziń_maqtanıshımız
#Qutlıqlaw

Taxtakópir rayonlıq Mektepke shekemgi hám mektep bilimlendiriw bólimine qaraslı 3-sanlı ayırım pánler tereńlestirilip oqıtılatuǵın klassı bar ulıwma orta bilim beriw mektebiniń 11-klass oqıwshısı Bawırjan Esmurzaev inglis tilin biliw dárejesi boyınsha «B2» dárejedegi xalıqaralıq milliy sertifikatın alıwǵa eristi.

Biz óz gezeginde oqıwshımızdı hám mektep jámáátin bul jetiskenligi menen shın júrekten qutlıqlaymız!

Taxtakópir rayonı hákimliginiń málimleme xızmeti
kanalǵa aǵza bolıw:
https://t.me/Taxtakopir_press

Milliylik-máńgi miyras

Dúnya júzinde kóplegen xalıqlar hám milletler bar bolıp, bul xalıqlardıń hár biriniń ózine tán mádeniyatı bar. Ásirese, bul olardıń úrp-ádetlerinde hám dástúrlerinde óz sáwleleniwin tapqan.

Qaraqalpaq xalqı da basqa xalıqlar sıyaqlı óziniń tariyxına, mádeniyatına hám úrp-ádetlerine iye. Atap aytqanda qaraqalpaq xalqı óziniń milliy kiyimleri menen basqa millet wákillerinen ajıralıp turadı.

Hayal-qızlar arasında milliy kiyiniw mádeniyatın úgit-násiyatlaw, jas áwladtı usı qádiriyatlar tiykarında tárbiyalaw, jaslar arasında kiyiniw mádeniyatın jáne de qáliplestiriw maqsetinde Taxtakópir rayonı «Aydın jol» MPJ aymaǵındaǵı 4-sanlı Mektepke shekkemgi bilimlendiriw shólkeminde rayonlıq Shańaraq hám hayal-qızlar bólimi hám shólkem jámááti tárepinen «Milliylik-máńgi miyras» atamasında ilaj bolıp ótti.

Taxtakópir rayonı hákimliginiń málimleme xızmeti
kanalǵa aǵza bolıw:
https://t.me/Taxtakopir_press

Korrupciyaǵa qarsı gúresiwge bárshemiz juwapkermiz

Mámleketimizde ámelge asırılıp atırǵan keń kólemli reformalar procesinde túrli tarawlarda júz berip atırǵan korrupciyalıq kórinistegi huqıqbuzarlıqlar mámlekettiń jedel pátlerdegi sociallıq-ekonomikalıq rawajlanıwına ayrıqsha qáwip tuwdırıp atırǵan qáwip-qáterlerden biri bolıp esaplanadı.

Taxtakópir rayonındaǵı mákeme, kárxana xızmetkerleriniń huqıqıy sawatlılıǵın hám mádeniyatın arttırıw, olarda huqıqbuzarlıqlardıń hár qanday kórinisine, birinshi gezekte, korrupciyaǵa qarsı múnásibetti qáliplestiriw boyınsha Qaraqalpaqstan Respublikası Ministrler Keńesi Korrupciyaǵa qarsı gúresiw bóliminiń baslıǵı B.Mátmuratovtıń profilaktikalıq úgit-násiyatlaw jumısları bolıp ótti.

Onda korrupciyaǵa qarsı gúresiw, korrupciyalıq jaǵdaylardıń aldın alıw boyınsha keń kólemli túsindiriw jumısları alıp barıldı.

Taxtakópir rayonı hákimliginiń málimleme xızmeti
kanalǵa aǵza bolıw:
https://t.me/Taxtakopir_press

Taxtakópir rayonında gúz-qıs máwsiminde ayrıqsha jaǵdaylardıń aldın alıw boyınsha rayon aymaǵında shólkemlestirilgen arnawlı shtab aǵzaları hám tiyisli taraw wákilleri menen birgelikte azanǵı tarqatıw ilajı bolıp ótti.

Ilajda Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı, Respublika isshi topar aǵzası B.Matmuratov sózge shıǵıp, qıstıń suwıq kúnlerin shıǵınsız ótkeriw, kóp qabatlı turaq-jaylardaǵı avariyalıq jaǵdaylardı operativ túrde saplastırıw hám sociallıq obektlerde xalıq ushın qolaylı sharayatlardı jaratıw hám de puqaralardıń záhárli gazden zıyanlanıwınıń aldın alıw máseleleri boyınsha kórsetpeler berip ótti.

Ilaj dawamında isshi topar aǵzaları aymaqlarǵa shıqqan halda puqaralar arasında qıs máwsiminde juz beriwi mumkin bolǵan ayrıqsha jaǵdaylardıń aldın alıw boyınsha úgit-násiyatlaw jumısların alıp bardı.

Taxtakópir rayonı hákimliginiń málimleme xızmeti
kanalǵa aǵza bolıw:
https://t.me/Taxtakopir_press