"Hurmat – insonning ko‘zgusi"

Ba’zan odamning kimligi uning ilmida emas, odobida namoyon bo‘ladi. Kecha "ustoz" deb hurmat bilan qaragan inson bugun ko‘rmagandek o‘tib ketayotgan bo‘lsa, demak, uning hurmati vaqtinchalik bo‘lgan. Ammo unutma – ustoz seni unutishi mumkin, lekin hayot senga bu munosabatni eslatmay qo‘ymaydi.

Kimdir ilm oladi va qadrlaydi. Kimdir esa faqat foydalanadi va unutadi. Lekin ilm yo‘qotilmaydi, odamlar esa vaqt bilan sinaladi.

Bugun salom berishni ortiqcha deb bilgan kishi, ertaga o‘sha ustozning maslahatiga muhtoj bo‘lishi mumkin. Chunki hayot kutilmaganda aylana qiladi. Va eng achinarlisi – hurmat qadrini yo‘qotgan inson buni juda kech anglaydi.

Hurmat qilishdan yutqazmaysan. Lekin hurmatni yo‘qotsang, qaytarish mushkul.

Yapon madaniyatida ustoz⤵️

"Ustoz bir kun bo‘lsa ham, umr bo‘yi ustozdir." (一日先生は一生先生 – Ichinichi sensei wa isshou sensei)
– Bu maqol ustozga bo‘lgan cheksiz hurmatni ifodalaydi. Hatto bir kun davomida bilim bergan inson ham umr bo‘yi ustoz hisoblanadi.