TDYU YURIDIK KLINIKASI

❗️❗️❗️❗️❗️❗️
🔹Akam 8 oy tergov izolyatorida qamoqda o'tiribdi. Hozir sudga iltimosnoma qilib, ehtiyot chorasini garovga o'zgartirsak, 8 oy o'tirgan vaqti bekor bo'lmaydimi?

✅ JAVOB: O'zbekiston Respublikasi Jinoyat-protsessual kodeksining 237-moddasiga ko’ra ehtiyot choralarining quyidagi turlari mavjud: munosib xulq-atvorda bo‘lish to‘g‘risida tilxat; shaxsiy kafillik, jamoat birlashmasi yoki jamoaning kafilligi; garov; uy qamog‘i; qamoqqa olish; voyaga yetmaganlarni kuzatuv ostiga olish uchun topshirish; harbiy xizmatchining xulq-atvori ustidan qo‘mondonlik kuzatuvi.

📄Shuningdek, O'zbekiston Respublikasi Jinoyat-protsessual kodeksining 240-moddasiga binoan, ishni sudga qadar yuritish bosqichida qo‘llanilgan qamoqqa olish yoki uy qamog‘i tarzidagi ehtiyot chorasi shaxsni bundan keyin qamoqda saqlash yoki uning uy qamog‘ida bo‘lishi uchun asoslar mavjud bo‘lmaganda prokuror tomonidan; prokurorning roziligi bilan surishtiruvchi yoki tergovchi tomonidan ehtiyot choralari to‘g‘risida qaror chiqargan sudni albatta xabardor etgan holda o’zgartirilishi mumkin. Qamoqqa olish tarzidagi ehtiyot chorasi o‘zgartirilgan taqdirda, qamoqda bo‘lgan shaxs darhol ozod qilinishi kerak.

📄O’zbekiston Respublikasi Jinoyat kodeksining 62-moddasiga asosan, sud ushlab turilgan, qamoqda saqlangan shaxsga jarima tayinlashda ushlab turishning, qamoqda saqlashning bir kunini bazaviy hisoblash miqdorining ikkidan bir qismiga tenglashtirib hisobga oladi hamda mazkur kodeksning 63-moddasiga binoan, jazolarni almashtirish, hisoblash, qo‘shish vaqtida ularning muddatlari sutkalar bilan hisoblanishi mumkin.

✅Demak, qamoqqa olish tarzidagi ehtiyot chorasini garovga o’zgartirishga yo’l qo’yiladi hamda qamoqda saqlangan muddat sutkalar bilan hisoblanib, ushbu muddatga mutanosib ravishdagi garov taqdim etiladi. Bunda har bir sutka bazaviy hisoblash miqdorining ikkidan bir qismiga teng.

📖ASOS: O'zbekiston Respublikasi Jinoyat-protsessual kodeksi 236, 237, 240-moddalari; O’zbekiston Respublikasi Jinoyat kodeksining 62,63-moddalari.

💻TDYU Yuridik klinika ko'ngilli talabasi: Baxtiyorova Joziba

📥 Murojaat uchun:
@TDYU_Yuridik_klinika_bot

🫥🫥🫥🫥🫥🫥🫥🫥🫥🫥🫥
🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook

❗️❗️❗️❗️❗️

🤔 Sudga qanday shaklda murojaat qilinadi?

✅Barcha fuqarolar, chet el fuqarolari va fuqaroligi bo‘lmagan shaxslar buzilgan huquqlari yuzasidan sudga og‘zaki, yozma yoki elektron shaklda murojaat qilinadi.

‼️Sudlarga ikki xil toifadagi murojaatlar qilish mumkin:
Birinchisi, bu oddiy xat tarzidagi (muayyan ish bilan bog‘liq bo‘lmagan) murojaatlar, ya’ni ariza, taklif, shikoyatlar;

🔶Ikkinchisi, muayyan nizo yoki ish bilan bog‘liq bo‘lgan murojaatlar, ya’ni ariza, da’vo arizasi, iltimosnoma, shikoyatlar.

🔷Birinchi toifadagi murojaatlar O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonunida belgilangan tartibda, ya’ni sudga kelib tushgan kundan e’tiboran 15 kun ichida, qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda esa, 1 oygacha bo‘lgan muddatda ko‘rib chiqilishi lozim. Agar ariza va shikoyatlarni ko‘rib chiqish muddati uzaytirilganda bu haqida murojaat etuvchiga xabar qilinadi.

🔺Ikkinchi toifadagi murojaatlar tegishlicha fuqarolik ishlari bo‘yicha sudlarda O‘zbekiston Respublikasi Fuqarolik protsessual kodeksida, jinoyat ishlari bo‘yicha sudlarda Jinoyat-protsessual kodeksida, ma’muriy sudlarda Ma’muriy sud ishlarini yuritish kodeksida belgilangan tartibda ko‘rib chiqiladi.

Shuningdek, O‘zbekiston Respublikasining Iqtisodiy protsessual kodeksi va O‘zbekiston Respublikasining ma’muriy javobgarlik to‘g‘risidagi kodeksida ham sudga murojaat qilish shakli yoritib berilgan.


💻TDYU Yuridik klinika ko'ngilli talabasi: Ashurov Doniyor

📥 Murojaat uchun:
@TDYU_Yuridik_klinika_bot

🫥🫥🫥🫥🫥🫥🫥🫥🫥🫥🫥
🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook

❗️❗️❗️❗️❗️

🔹Vatandosh deganda kimlar nazarda tutiladi?

✅JAVOB:
📌"Oʻzbekiston Respublikasining fuqaroligi toʻgʻrisida"gi qonunga muvofiq: Vatandosh — O‘zbekiston Respublikasi hududida tug‘ilgan yoki ilgari uning hududida yashagan, O‘zbekiston Respublikasining fuqaroligiga ega bo‘lmagan, O‘zbekiston Respublikasi hududidan tashqarida yashaydigan shaxs va uning nasl-nasab shajarasi bo‘yicha to‘g‘ri tutashgan o‘zidan keyingi qarindoshlari, basharti, agar ularning nasl-nasab shajarasi bo‘yicha to‘g‘ri tutashgan o‘zidan oldingi qarindoshlari O‘zbekiston Respublikasi hududida yashayotgan bo‘lsa hamda O‘zbekiston Respublikasining fuqarolari bo‘lsa, vatandosh hisoblanadi.

📌"Xorijda istiqomat qilayotgan vatandoshlar bilan hamkorlik sohasida O‘zbekiston Respublikasi davlat siyosatini yanada takomillashtirish chora-tadbirlari to‘g‘risida" Prezident Qaroriga muvofiq: Quyidagilar:
🎯O‘zbekiston hududidan tashqarida doimo istiqomat qiladigan yoki ta’lim olish, mehnat faoliyati bilan shug‘ullanish, oilaviy sabablar va boshqa sharoitlardan kelib chiqib vaqtinchalik chet elda yurgan O‘zbekiston Respublikasi fuqarolari;
🎯xorijga chiqqan va chet el fuqaroligini olgan, Vataniga ma’naviy va madaniy nuqtai nazardan mansublikni his qilgan hamda O‘zbekiston Respublikasi bilan madaniy-gumanitar, ijtimoiy-iqtisodiy va boshqa aloqalarni rivojlantirishga harakat qilayotgan O‘zbekistondan chiqib ketgan shaxslar va ularning avlodlari;
🎯etnik, til va madaniy-tarixiy nuqtai nazardan o‘zini o‘zbeklar yoki qoraqalpoqlar sifatida identifikatsiya qilgan hamda O‘zbekiston bilan har tomonlama aloqada bo‘lish xohishida bo‘lgan xorijda istiqomat qilayotgan chet el fuqarolari va fuqaroligi bo‘lmagan shaxslar xorijda istiqomat qilayotgan vatandoshlar (keyingi o‘rinlarda — vatandoshlar) hisoblanadi.

📌"Xorijda istiqomat qilayotgan vatandoshlar va ularning oila a’zolarini O‘zbekiston Respublikasiga taklif qilishni rasmiylashtirish, ko‘p martalik kirish vizalarini berish hamda ularni ichki ishlar organlari tomonidan vaqtincha turgan joyi bo‘yicha ro‘yxatga olish tartibi to‘g‘risida"gi
Nizomga muvofiq:
Vatandoshlar — kelib chiqishi O‘zbekiston Respublikasidan bo‘lgan, xorijga chiqqan va xorijiy davlat fuqaroligini yoki fuqaroligi bo‘lmagan shaxs maqomini olgan, tarixiy Vataniga ma’naviy va madaniy nuqtai nazardan mansublikni his qilgan hamda etnik va til nuqtai nazaridan o‘zini o‘zbeklar yoki qoraqalpoqlar sifatida identifikatsiya qilgan hamda O‘zbekiston bilan har tomonlama aloqa qilish istagida bo‘lgan xorijda istiqomat qilayotgan xorijiy fuqarolar va fuqaroligi bo‘lmagan shaxslar.

✅Xulosa qilib aytganda,Oʻzbekistonga bogʻliqligi mavjud boʻlgan yoki Oʻzbekistonga nisbatan mansublikni his qilgan yoki etnik, til va madaniy-tarixiy jihatdan oʻzini oʻzbeklar yoki qoraqalpoqlar sifatida identifikatsiya qilgan shaxslar vatandosh deyiladi.

📖ASOS: 1️⃣O‘zbekiston Respublikasining fuqaroligi to‘g‘risida"gi qonuning 3-moddasi,
2️⃣O'zbekiston Respublikasi Prezidentining "Xorijda istiqomat qilayotgan vatandoshlar bilan hamkorlik sohasida O‘zbekiston Respublikasi davlat siyosatini yanada takomillashtirish chora-tadbirlari to‘g‘risida" gi qarori,

💻TDYU Yuridik klinika ko'ngilli talabasi: Irzayeva E'zoza

📥 Murojaat uchun:
@TDYU_Yuridik_klinika_bot

🫥🫥🫥🫥🫥🫥🫥🫥🫥🫥🫥
🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook