Bugun Toshkent xalqaro moliyaviy boshqaruv va texnologiyalar universitetida (TIFT) talabalar bilan samimiy va ijodiy uchrashuv oʻtkazdim. Ular bilan ochiq muloqot qilib, fikr almashdik, qiziqarli savollarga javob berdik va bilimlarimizni boyitdik.

Shuningdek, master-klass tashkil etib, oʻz tajribam bilan boʻlishdim. Talabalar bilan ilm, ijod va muvaffaqiyat sari intilish haqida suhbatlashdik. Ularning qiziqishi, intilishi va yangi bilimlarga chanqoqligi menga katta motivatsiya bagʻishladi. Yoshlarning izlanishlari, yangilikka intilishlari va kreativ fikrlashlari har doim ilhom beradi.

Bundan tashqari, Rubik kubigi yigʻish boʻyicha ham kichik master-klass oʻtkazdim. Talabalarga bu intellektual oʻyin orqali mantiqiy tafakkurni rivojlantirish, strategik yondashuvni shakllantirish hamda sabr-toqat va izlanish muhimligini tushuntirib berdim. Ularning qiziqish bilan kuzatishi va harakat qilib koʻrishi meni yanada ruhlantirdi.

Bizdan uzoqlashmang! 😊

Telegram| Instagram