Sirdaryo viloyat AKM | Rasmiy kanal

#Kichik_hikoya

📝Nihol.
(Hayotiy voqea)

“Padarkush”dan ta’sirlangan opalarimdan biri quyidagi voqeani so’zlab berdi. Imkon qadar sizlarga so’zlab bermoqchiman.

Ayamni xolavachchalari bor, Xadicha holam. 7 nafar farzandlari bor. Ikki qizdan keyin o’g’illik bo’lishgandi. Pochcham judayam dindor kishi, Soyuz paytlarda ham namozini kanda qilmas edi. Biznikiga kelsa doim meni, singlimni urishardi" ro’mol o’ranglar" deb.

Katta o’g’lini ismi Akmal, men bilan tengdosh edi. Maktabni bitirgach ota-onasiga aytgan:
- Dilnozga uylanaman,- deb, ammo pochcham u o’risga o’xshaydi, deb ko’nmagan ekan. Men ham, ota-onam ham bu gaplardan o’sha paytlarda xabarimiz yo’q. Men o’qishga ketdim, u xizmatga. U xizmatdan qaytganida men turmushga chiqib ketgandim. Keyin ichishni boshladi, alkash bo’lib qoldi ko’p ichganidan. Boshqa qishloqdan kelin qilishdi holamlar. Pochcham bu paytlarda masjidimizni imomi edi. Xolavachcham o’g’ilchalik bo’lib ham ichishni tashlamadi. Bir safar kayf ustida xotinining javobini berib yubordi. Xolamning kichkina o’g’li madrasada o’qir, akasining yurish-turishidan ota ham, uka ham uyalardi. Uni yo’lga solish uchun har ne qilishdi. Xech qaytarisholmasdi.
Vaqt o’tib javobini bergan xotinini boshqa erga berishadi ota-onasi. Akmal o’g’limni begona tarbiya qiladimi, deb borib xotinini ko’chaga chaqirib rosa uribdi. Xotini sobiq qaynotasining oldiga - masjidga kelib, odamlar orasida bo’lgan gaplarni aytib berdi:
-O’z o’g’liga gapi o’tmaydigan odam, qanaqasiga mahallaga imomlik qiladi,-deb izza qildi.
Uyat o’limdan qattiq ekan. Bu sharmandachilikka chidolmagan ota ko’zi qonga to’lib uyga shoshdi. Kelsa Akmal o’zining xonasida mast uxlab yotgan ekan. Boltani olib bir zarbada o’g’lining boshini tanasidan judo qiladi. Shu payt kichkina o’g’li madrasadan qaytib qoladi va ikkovlashib jasadni qopga solib “Ural” mototsikllari lyulkasida kanalga tashlab yuborishdi.
Necha kun qidirishadi Akmalni. Bir haftadan so’ng kayerdadir jasad topiladi. Boshi yo’q jasad... Onasi tanidi bolasini... Uyni, mototsiklni ekspertiza qilishadi va aniqlashadi. Sud bo’ldi, otasiga 8 yil, o’g’liga 5 yil berishdi.

Onaning ko’zlaridan oqqan yosh marxum o’g’liga emas ekan. Turmush o’rtog’iga va qamalgan o’g’liga ko’proq kuydi. Aytishadiki, otang o’tirgan uyning tomiga ham chiqma! Akmal esa, so’nggi kunlarda mast kelib otasiga ham onasiga ham qo’l ko’tara boshlagan, iymonidan ayrilgandi.
Ota-ona farzandiga yaxshi bo’lsin deb harakatda bo’larkan-u, ammo, gohida nima yaxshi bo’lishini o’zlari ham bilmay qolarkanlar. Niholga qay paytda o’g’it qay paytda suv berishni, yana qay paytda esa suvsiz chanqatishni ham bilish kerak ekan. Nihol hali niholligida keraksiz shoxlarini qirqib shakl berilmasa, daraxt bo’lganda kech bo’larkan.

Ota jazo muddatini o’tab qaytdi. Xech qancha o’tmay esa, mahalla masjidida yana imomlik qila boshladi. Xalq shuni istadi, unga ishonishdi!

Kanallarimizni kuzatib boring: 👇👇👇👇
Telegram | Instagram | Facebook | X.com | Youtube