Shohruh Buxoriy | Blog

Kanalga qiziqarli postlar chiqishini, chellenjlar boʻlishini kutayotgan obunachilar 😂

Yozinglar-ee, qaysi mavzu qiziq sizlarga?

P.S: rasmni qayerdan uxlatganimni eslolmayapman))

Xabarlarga tekshirib turish yaxshi? | #day 28

Ish vaqti Telegramni tez-tez ochib xabarlarni tekshirish, doim ochiq turganidan yaxshiroqdek tuyuladi. Lekin bu diqqatni boʻlinishiga sabab boʻladi.

Eng yomoni xabar kelganini koʻrib unga javob bera olmasligingizni oʻylab, diqqat qoldigʻi yanada koʻp qolishi sabab boʻlasiz.

Brat keyingi boʻlimda texnikalar bilan tanishtiraman deb, intriga qilyaptilar)

#diqqat #konspekt

@Shohruh_Buxoriy

Diqqat qoldigʻi | #day 26/27

(Sarflangan vaqt) × (diqqatning intensivligi) = Yuqori sifatli natija

Bu formulani tushunish uchun muallifning oldingi kitobiga qaytish kerak. K. Nyuport "Qanday qilib aʼlochi talaba boʻlish mumkin?" kitobini yozayotganida: aʼlochi talabalar, past yoki oʻrta baho oluvchi talabalarga qaraganda oʻqishga kamroq vaqt sarflashlarini sezib qoladi.

Ularning siri — chalgʻimasdan faqat bitta ish bilan shugʻullanishida boʻladi. Yaʼni chalgʻib qilingan, 2 soat ishdan, diqqat bilan bajarilgan 1 soat ish samaraliroq boʻladi. Bu narsani yana-da yaxshiroq tushunish uchun bir tadqiqotni ham koʻrish kerak.

Diqqat qoldigʻi

Minnesota universiteti professori Sofi Leroy 2009-yildagi «Ishlash nega qiyin?» maqolasida diqqat qoldigʻi degan atamani kiritadi.

Leroy turli xil tadqiqotlar orqali ishchilar bir ishdan boshqasiga oʻtganda diqqatning bir qismi avvalgi ishda qolib ketishini aniqlaydi*. Ish qanchalik tugallanmagan boʻlsa, qoldiq ham shunchalik koʻp boʻladi.

Diqqat qoldigʻi koʻp boʻlsa, ishga eʼtibor qaratish qiyinlashaveradi.

Bu mavzu haqida hali yana gaplashamiz.

*Tadqiqot qanday boʻlgani haqidagi maʼlumot rasmda bor)

#diqqat #konspekt

@Shohruh_Buxoriy

Yoz, qisqartir #konspekt

Duoda bo'laylik 🤲

#Andstill? 👀

Ishlarni taqsimlash | #day 25

Adam Grant ishida yaxshi natijaga erishishidagi asosiy sabab — murakkab va muhim ishlarni uzun qismlarga taqsimlashidir.

Grant talabalarga dars berishi, kitoblar yozishi hamda tadqiqotlar oʻtkazishi kerak. Lekin bularning barchasini bir vaqtda bajarish, kerakli natijani bermaydi.

Barchasida birday samarali ishlash uchun Grant kuzda talabalarga dars berardi. Bahorda va yozda esa bemalol tadqiqotlar bilan shugʻullanardi.

Boʻlingan vaqtni ham bir necha qismlarga taqsimlaydi. Tadqiqot bilan shugʻullanish vaqtini maʼlum qismi talabalar va professorlar bilan gaplashish uchun, qolgani esa yopiq tarzda ishlash uchun ajratadi.

Yopiq tarzda ishlaganida elektron pochtasi (oʻsha paytning Instagrami) ga: «Ofisdan tashqari» degan avto javob qoʻyadi. Bunaqa paytda baʼzi hamkasblari ofisdasiz-ku, koʻrib turibmiz, deb ham xafa boʻlishgan ekan)

Nima boʻlishida qaʼtiy nazar Grant ish vaqtida uni chalgʻitishlariga yoʻl qoʻymaydi. Tartibga doim amal qiladi.

Grant qoʻllaydigan formula ham bor:

(Sarflangan vaqt) × (diqqatning intensivligi) = Yuqori sifatli natija

Bu haqida keyingi sonlarimizda batafsil gaplashamiz ;)

#diqqat #konspekt

@Shohruh_Buxoriy

Adam Grant (bolalari degan kitob boʻlardi 😅) | #day 24

Bugun Adam Grant ismli professorni faoliyati bilan qisqacha tanishdim. Uorton biznes maktabida eng yosh professor, 1 yildan soʻng esa eng yosh toʻliq professor boʻlgan.

2012-yilda katta jurnallarda chiqqan 7 ta maqola yozgan. 2013-yilda esa bitta kitob va 5 ta maqola yozgan. "Ber va ol" nomli kitobi esa "New York Times magazine" da bestseller boʻlgan.

Adam Grant vaqtni toʻgʻri taqsimlash orqali muvaffaqiyatga erishgan. Lekin vaqtni qanday taqsimlaganini bugun aytmayman. Chunki toʻliq oʻqib boʻlganim yoʻq. Ertaga batafsil qilib tushuntirib beraman)

#diqqat #konspekt

@Shohruh_Buxoriy

Yozing. Qisqartiring. Soddalashtiring ✅

#konspekt

Yoz, qisqartir kitobidan #konspekt

Miyelinlashish |#day 22/23

Oʻtgan safar psixologlar maqsadli mashq muhimligini aniqlashgani haqida gaplashgan edik. Bugun esa mavzuga yanada chuqurroq kirgan, maqsadli mashq qilganda miyada qanaqa oʻzgarishlar boʻlishini oydinlashtirgan nevrologlarning tadqiqotlari bilan tanishamiz.

Xoh jismoniy, xoh aqliy ishga kirishganimizda miyada aynan oʻsha ishga masʼul boʻlgan neyronlar ishlashni boshlaydi. Neyronlar qanchalik tez axborotni yetkazsa, shunchalik tez ishlaymiz. Neyronlar qanchalik koʻp boʻlsa, ish haqida shunchalik yaxshi bilamiz.

Ish haqida koʻproq maʼlumot yigʻsak neyronlar koʻpayadi. Bu tushunarli. Lekin nega koʻp mashq qilganda, neyronlar odatdagidan tezroq maʼlumot almashadi. Nima taʼsir qiladi? Buning siri nimada? 😅

Asosiy mavzuga yetib keldik. Barchasiga aybdor: neyronlarni tezroq ishlashiga yordam beradigan miyelin yogʻ qatlami. Maʼlum bir ishni diqqat bilan bajarganimizda oʻsha ishga masʼul neyronlar toʻxtovsiz ishlaydi. Shu paytda miyadagi hujayralar (nomi: oligo - bir balo edi) neyronlar atrofini miyelin bilan oʻraydi.

Miyelin yogʻini bir tomondan miya oʻzini himoya qilishi desa ham boʻladi. Misol bilan tushuntirsam, kopiraytingni oʻrganmoqchisiz. Vazifalarni bajaryapsiz va bir vaqtda telegramdan kelgan xabarlarga ham javob beryapsiz. Bunaqa paytda miyaning turli qismlari ishlaydi. Kopiraytingga masʼul qismiga yetarlicha bosim boʻlmaydi.

Tartibsiz ravishda ishlayotgan neyronlar atrofini miyelin qoplamaydi. Kopiraytingdagi mahoratingiz ham oʻsmaydi. Aksincha, chalgʻituvchilarni yoʻqotganda esa miya zoʻriqadi. Neyronlar qaysidir maʼnoda charchashni boshlaydi. Shunda hujayralar ularning atrofini miyelin bilan qoplab, “tezlashtiradi”. Keyin siz matnlarni tezroq va sifatliroq yoza boshlaysiz)

Xulosa qiladigan boʻlsak sohadagi yaxshi mutaxassis boʻlishingiz, bevosita miyelin yogʻ qatlamiga bogʻliq. Chalgʻishlar miyenlinlashishga toʻsiq boʻladi.

Tushunmagan boʻlsangiz, 2-3 marta oʻqing. Savolingiz boʻlsa, bemalol soʻrang. Tushuntirish oʻylaganimdan biroz qiyinroq ekan :)

2 kunlik qarzimni uzdim, degan umiddaman. Aytgancha, kechadan 4 daqiqaga chiqardim)

#diqqat #konspekt

@Shohruh_Buxoriy

😂

“Yoz, qisqartir” kitobidan olgan qaydlarim. Foydali boʻladi degan umiddaman. Qolganlarini oz-ozdan tashlab boraman

#konspekt

@Shohruh_Buxoriy