#RUHIYAT
📝 ARMON BO‘LMASIN
Mehringni yashirma, diling qil oshkor,
Aytilmagan bir so‘z bo‘lmasin armon.
"Seni kutgan edim", desa do‘sting zor,
"Men ham kutgan edim", deyaver yolg‘on.
Rost so‘zing dillarni yaralasa gar,
Shirin yolg‘on bilan davola uni.
Aslida, dil buzmoq eng katta xatar,
Shundan so‘raladi Qiyomat kuni.
Iymonda yolg‘onga o‘rin yo‘qdir hech,
Yo sen chin musulmon, yo kofir tamom.
Ammo dil olmoqchun, o‘zligingdan kech,
Do‘stni ham torta bil jannatga tomon.
Alloh aziz qilar ko‘ngil olganni,
Dilbuzar kimsalar oxiratda xor.
Bu sinov dunyoda sendan qolgani–
Yo vayrona bir dil, yo do‘st vafodor.
Do‘st-u dushmanga ham mehringni ko‘rsat.
Zotan, umr qisqa, g‘animat har on.
Ertaga so‘zlashga qolmasa fursat,
Aytilmagan bir so‘z bo‘lmasin armon.
🕊Shahobiddin Odil✍
@Shahobiddin_Odil
📝 ARMON BO‘LMASIN
Mehringni yashirma, diling qil oshkor,
Aytilmagan bir so‘z bo‘lmasin armon.
"Seni kutgan edim", desa do‘sting zor,
"Men ham kutgan edim", deyaver yolg‘on.
Rost so‘zing dillarni yaralasa gar,
Shirin yolg‘on bilan davola uni.
Aslida, dil buzmoq eng katta xatar,
Shundan so‘raladi Qiyomat kuni.
Iymonda yolg‘onga o‘rin yo‘qdir hech,
Yo sen chin musulmon, yo kofir tamom.
Ammo dil olmoqchun, o‘zligingdan kech,
Do‘stni ham torta bil jannatga tomon.
Alloh aziz qilar ko‘ngil olganni,
Dilbuzar kimsalar oxiratda xor.
Bu sinov dunyoda sendan qolgani–
Yo vayrona bir dil, yo do‘st vafodor.
Do‘st-u dushmanga ham mehringni ko‘rsat.
Zotan, umr qisqa, g‘animat har on.
Ertaga so‘zlashga qolmasa fursat,
Aytilmagan bir so‘z bo‘lmasin armon.
🕊Shahobiddin Odil✍
@Shahobiddin_Odil