Institutimizda buyuk mutafakkir, shoir va davlat arbobi Mir Alisher Navoiy hazratlarining 584 yilligi munosabati bilan adabiy-ma’rifiy tadbir tashkil etildi.

📖 Tadbir davomida hazratning ijodi va turkiy adabiyot rivojiga qo‘shgan beqiyos hissasi haqida so‘z bordi. Institut birinchi prorektori U.Nurullayev Alisher Navoiyning merosi haqida fikr bildirar ekan, ularning adabiyot va til taraqqiyotidagi o‘rni haqida ta’kidlab o‘tdi. B.Qarshiyev esa buyuk shoirning hayoti va ijodiy yo‘li yuzasidan ma’lumot berdi.

🎭 Tadbir talabalar ijrosidagi ruboiy va g‘azallar bilan davom etdi. "Layli va Majnun" dostonidan sahnalashtirilgan chiqishlar esa barchaga zavq bag‘ishladi. Shuningdek, iste’dodli yoshlarning kuy-qo‘shiqlari va raqslari tadbirga o‘zgacha fayz olib kirdi.