Суймаганга суйкалма

Суймаганга суйкалма, гарчи уни суйсанг ҳам,
Тингламаса гапирма, қалбга яқин туйсанг ҳам.
Муҳабббатинг бўлса ҳам-ки, лекин сени суймаскан
Ялинмагин илтимос, оташ-ўтда куйсанг ҳам.

Сен йиғлаб, у куларкан, кечгин ундан керакмас,
Сени ғийбат қиларкан, қочгин ундан керакмас.
Душманинг-ла суҳбат қуриб, сенга қараб куларкан,
Қийналмаган бу на виждон, ва на бир қалб юракмас.

Кўз юммаскан хатойингга, ва на ислоҳ йўлида,
Кечиб қўйгин ундайлардан, сенга ғавғо керакмас.
Боғу бўстонинг қуриб, сен ҳаётнинг чўлида
Қолган пайтинг ундайлардан, сенга совға керакмас.

Суймаганга суйкалма, қадрингни бил илтимос,
Аниқлаб ол, ким сенга дўст, лекин душман керакмас.

© Авазхонов Саидхон

Гебза/Туркия 14.11.2023