Введите текст для поиска
Расширенный поиск каналов

SAIDA_AZIZ IJODI

@Saida_Aziz_Ijodi
Гео и язык канала: Узбекистан, Узбекский
Категория: Блоги

Ижод ва илҳом Аллоҳдан!
Кўчиришда Муаллиф розилигини олишни унутманг!
Журналист,
сценарист,
психолог Саида ҚОРАБОЕВА
https://t.me/Saida_Aziz_Ijodi_bot
Реклама хизмати 👇:
https://t.me/+_YBJjOJnAvg
Инстаграмда: saidakarabaeva

Связанные каналы  |  Похожие каналы
Гео и язык канала
Узбекистан, Узбекский
Категория
Блоги
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

SAIDA_AZIZ IJODI

18 Mar, 11:39

Открыть в Telegram Поделиться Пожаловаться
Хайрли кун, Азизлар!
Бироз тобим йўқлиги учун қиссаларнида жойлашга имкон бўлмади. Дуода йўқлаб қўйинглар...
1.4k 0 0 43 138
SAIDA_AZIZ IJODI

18 Mar, 04:51

Открыть в Telegram Поделиться Пожаловаться
#хайрли_кун

Биз тонгда уйғонамизми ёки йўқ бунга кафолат беролмаймиз, лекин эрталаб уйғониш учун соат қўнғироғини керакли вақтга қўямиз. Бу умиддир!

Роббим барчамизга сўнмас иймон, гўзал аҳлоқ этгувчи тил, доимо яхшилик, ва солих амалларга бошловчи фахм фаросат берсин. Эрта тонгдан ниманики сўраган булсангиз барча дуоларингиз ижобат бўлсин...

Ассалому алайкум!

Хайрли Сешанба😊

https://t.me/Saida_Aziz_Ijodi
2.9k 0 43 13 74
SAIDA_AZIZ IJODI

17 Mar, 16:55

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Англадик, энг катта бойлик - хотиржамлик экан.

Англадик, соғлик каби неъмат йўқ экан.

Англадик, ҳар қандай неъметнинг қадри йўқлигида билинар экан.

Англадик, англашимиз етмас экан.

Англадик, кетганлар қайтмас экан.

Англадик, жон омонат, вақт эса ғанимат экан.
Шукуруллоҳ Алиоғлу

Ҳузурли ифторликлар!

https://t.me/Saida_Aziz_Ijodi
3.4k 0 65 8 50
SAIDA_AZIZ IJODI

17 Mar, 10:46

Открыть в Telegram Поделиться Пожаловаться
Видео недоступно для предпросмотра
Смотреть в Telegram
#КАЙФИЯТ

Сизнинг ҳам кайфиятингиз кўтарилиши аниқ.

https://t.me/Saida_Aziz_Ijodi
5.1k 0 121 22 147
SAIDA_AZIZ IJODI

17 Mar, 04:09

Открыть в Telegram Поделиться Пожаловаться
#хайрли_кун

Гоҳида сиз ухлаётган бўлсангиз ҳам, ўнлаб дуолар сиз учун осмон эшикларини тақиллатаётган бўлади. Булар – сиз ёрдам берган фақир, сиз унинг қалбига сурур киритган маҳзун, сиз унинг даволанишига ёрдам берган бемор ва ҳоказо сиз уларнинг мушкулларини енгил қилган инсонлар томонидан қилинган дуолардир.

Ассалому алайкум вараҳматуллоҳи вабарокатух!

Яна бир янги имкон фурсатлари муборак бўлсин, Қадрдрн! 💐

Яхшилар орасида яхшиликлар ичида яхшилик улашишдан чарчаманг, Яхшилар 😊

https://t.me/Saida_Aziz_Ijodi
4.9k 0 89 1 61
SAIDA_AZIZ IJODI

17 Mar, 02:40

Открыть в Telegram Поделиться Пожаловаться
Видео недоступно для предпросмотра
Смотреть в Telegram
#хайрли_саҳарлик

Рамазон ойида Аллоҳ таоло фаришталарга мўминларга истиғфор айтишларини буюради...

Ушбу муборак ойда қилаётган ибодатларимизни Аллоҳим Ўзи даргоҳида қабул қилсин.

Саҳарликка уйғонганларга, Аллоҳнинг раҳматлари бўлсин!

https://t.me/Saida_Aziz_Ijodi
4.1k 0 80 58
SAIDA_AZIZ IJODI

16 Mar, 21:05

Открыть в Telegram Поделиться Пожаловаться
#ТУНЧИРОҚ

Бу оламда мувозанат қонуни бор. Яъни ҳамма нарсада ишлайди у.

Тарозининг икки палласи тенглашиши керак.

Дейлик, оловқалблар учун сувдек мулойимлар ёки жиддийлар учун қувноқлар, хасисларга сахийлар мувозанатни тутиб туришади. Бири иккинчисини тўлдиргандагина бу қонун ўз кучини кўрсатади.

"Нега мендек сахийга хасис, зиқна эр берилган. Ёки нега мендан ҳар нарсадан хайр изловчига бадгумони йўлиққан", деб ўйлайсиз. Аслида барчасида мувозанат бўлиши лозимлиги учун шундай...

Бу оламда ҳамма нарса мувозанатда: тун ва кун, қуёш ва ой, ер ва само...

Хуллас, ҳаётингиз мувозанатдан чиқиб кетмаслигини тилаб қоламан.

Тунингиз осуда кечсин, Яхшилар!

Саида АЗИЗ

https://t.me/Saida_Aziz_Ijodi
3.2k 0 21 3 55
SAIDA_AZIZ IJODI

16 Mar, 20:09

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Мана шу видеолавҳани кузатаркансиз, беихтиёр келинларга сўз тутган қайнотага ҳавас билан боқасиз.

Аслида қайнонага нисбатан, қайноталар бағрикенгроқ бўлишади.
Бироқ ҳар доим ҳам бундай кўринишда кўравермайсиз.

"Дадам йўқлигини билдирмадингиз, дадажон!" деди кичик келин.

Назаримда, яхши қайноталар ҳақида ҳам тез-тез гапириб туриш керак.

Сиз нима дейсиз?

https://t.me/Saida_Aziz_Ijodi
4.6k 0 60 8 124
SAIDA_AZIZ IJODI

16 Mar, 19:45

Открыть в Telegram Поделиться Пожаловаться
Энг улкан сармоянг - покиза ниятингдир.

Ниятинг соф бўлса, кучсиз бўлсангда, Аллоҳнинг ёрдами билан кучлисан.

Ожиз бўлсангда, Аллоҳнинг мадади билан яхши ҳолатдасан.

Камбағал бўлсангда, Аллоҳнинг қўллаши билан бойсан, бадавлатсан.

https://t.me/Saida_Aziz_Ijodi
3.3k 0 24 2 42
SAIDA_AZIZ IJODI

16 Mar, 19:38

Открыть в Telegram Поделиться Пожаловаться
Каналимизга янги қўшилганлар, ёки қиссаларимизни ўқимаганлар, агар учта қиссани "Қалблар Унинг измида",
"Севил(ма)ганлар" ва
"Гўзал"ни битта ўтиришда ўқишни истайдиганлар бўлса, ёпиқ пуллик каналимиз ҳам бор.

Ёпиқ каналда қиссалар тўлалигича жойланган. Бунинг учун админга мурожаат қилинг 👉 @Saida_Aziz_admin
3k 0 0 6
SAIDA_AZIZ IJODI

16 Mar, 19:37

Открыть в Telegram Поделиться Пожаловаться
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

58-қисм

🍃
-Аввало, Юсуф алайҳиссалом у вақтда айни кучга тўлган навқирон ёшда эдилар, бўйдоқ эдилар, шаҳвоний ҳирсларини сўндирадиган завжалари ҳам йўқ эди. Ҳамда ғариб-мусофир эдилар. Ғариб-мусофир эса одатда ўз аҳли ва таниш-билишлари орасида қилишга ҳаё қиладиган ишларини ғурбат маконида бемалол, ҳеч уялмасдан қилади. Ундан ташқари, у киши ўша вақтда мамлук-қул эдилар. Одатда мамлук кишида озод кишилардагидек ахлоқий омиллар кам бўлади. Боз устига, зинога чақираётган аёл соҳибжамол эди, мансабдор эди, бўлиб ҳам ўз бекаси эди! Ҳамма жой қулфланган, бошқа ходимлар чиқариб юборилган, уларнинг иккиси бир орада қолган ҳамда аёл уни ўз нафсига чорлаб турипти, ўзини турли кўйларга солиб, зийнатланиб, нозу ишва қилиб, ўз жисмини унга бағишлашга ҳарис бўлиб турибди. Шу билан бирга агар Юсуф алайҳиссалом унинг талабини қондирмаса, уни зиндонга солиш билан ҳам таҳдид қиляпти. Зинога боришга ундагувчи шунча сабаблар бўлса ҳам у киши ихтиёрий равишда ва Аллоҳ таоло ҳузуридаги нарсани ийсор этиб сабр қилдилар. Юсуф алайҳиссаломнинг ўша вақтда ўз бекаси бўлган шаҳар ҳокими Азизнинг гўзал хотини истагига ижобат қилишдан тийилишда кўрсатган сабрлари у кишининг ўз акалари томонидан қудуққа ташланишлари, қул сифатида сотиб юборилишлари ва тақдир тақозоси билан узоқ йиллар давомида яқинларидан айри тушиб, жудолик аламларини тортишдаги сабрларидан мукаммалроқ ва афзалроқ сабр эди. Чунки, мазкур мусибатлар у кишининг ихтиёрисиз содир бўлган бўлиб, банда ўзининг бирон хатти-ҳаракати билан улар орасига мудохала қилолмайди. Банда учун бу вақтда сабрдан бўлак ҳийла ва илож қолмайди. Аммо ул зотнинг маъсиятдан сақланишдаги сабрлари ихтиёр ва ризо сабри эди, нафсга қарши кураш эди. Айниқса, ўша дамда Зулайхонинг истагига рози бўлишга куч билан ундаб турувчи сабаб ва омилларнинг бисёр бўлганлигини ҳисобга олсак, У кишининг сабри қанчалар улуғ, қанчалар муаззам сабр эканлигига ишончимиз комил бўлади.
Рамзиддин отасининг илмоқли гаплари остида нима яширинганини фаҳмлаб улгурганди. Бироқ ҳеч бир жавоб айтмасди.

- Хоним, ҳозир ҳам шундай Зулайҳолар бор. Ўз нафси йўлида Юсуфдек ёш йигитларни йўлдан уришдан ҳам тоймайдилар. Илоҳим, Аллоҳ ҳеч бир бандани ҳидоятдан адаштирмасин! – сўзини якунлади Акбар ҳожи.

Рамзиддин пиёладаги совиб қолган чойни қулт этиб ютди. Сўнг онасига қараб:
- Мен ишга борай, дуо қилинглар, - деди. Зуҳрахон эрига ишора қилди:
- Дадаси, дуо қилинг...
- Илоҳи омин, Аллоҳим ўз йўлидан адаштирмасин! Қалбингизни ҳам, танингизни ҳам турли масъиятлардан сақласин! Аллоҳу акбар!

Уччовлон бирданига юзга фотиҳа тортишди.

ДАВОМИ ЭРТАГА

https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
3k 0 5 5 139
SAIDA_AZIZ IJODI

16 Mar, 19:35

Открыть в Telegram Поделиться Пожаловаться
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

57-қисм

- Улуғ Пайғамбарлар –Иброҳим, Исҳоқ ва Яъқуб алайҳиссаломларнинг сулоласи бўлмиш ёш ва гўзал йигит Юсуф ўз акаларининг фитнасига учрайди. Акалари уни оталари Яъқуб алайҳиссаломдан қизғаниб, йўқотмоқчи бўладилар, маслаҳатлашиб, Юсуфни қудуққа ташлайдилар ва оталарига келиб: «Биз мусобақа қилиб, ўйнаб кетиб қолибмиз, Юсуфни бўри еб қўйибди», деб айтадилар. Юсуф эса, ночор ҳолда қудуқда ўтирарди. Лекин у келажакда эришадиган олий мартабалари учун синов кунларини ўтар, баъзи тажрибаларни бошидан кечирарди, холос. Ҳамма ишни ҳикмат ила қиладиган Аллоҳ уни қутқазиш йўлини ҳам Ўзи яхши биларди. Уни қудуқдан чиқариб олишди ва қул қилиб сотишди. Уни сотиб олган одам оддий эмас, Мисрдек катта юртнинг Азиз лақабли бош вазири бўлган бир кишиси эди. У одам Юсуфдаги одоб, ахлоқ, олийжаноблик, юқори савиядаги тарбия ва бошқа хуш хулқларни кўриб, ёқтириб қолди. Аҳли байтига, бунга яхши қаранглар, эҳтимол ўғил қилиб олармиз, деб тайинлади. Аллоҳ таоло Ўз тадбири ила Юсуфни қудуқдан ва қулликдан қутқариб, Миср Азизининг қасрига, қароргоҳига олиб келди ва уни алоҳида эътиборга сазовор этди. Аммо бу ерда ҳам Юсуфни имтиҳон, ниҳоятда катта имтиҳон – фитна кутар эди. Бойлик, айшу ишрат, ҳою ҳавас ичида яшаб ўрганган Азизнинг хотини Зулайҳо ёш ва гўзал Юсуфга ошиқ бўлиб қолди. Ошиқ бўлганда ҳам ашаддий ошиқ бўлди. Бирдан-бир нияти Юсуфга эришиш бўлиб қолади. Тўқликка шўхлик, деб шуни айтадилар-да. Лекин тарбия кўрган комил бир эркак бўлиш билан бирга Роббидан қўрқишни-да ўрнига қўядиган, ҳаромдан ҳазар қиладиган Юсуф алайҳиссалом бу имтиҳон-синовдан ҳам муваффақиятли ўтадилар. Азизнинг хотинининг ҳаром хоҳиши амалга ошишига восита бўлмади. Балки ундан, унинг сиймосидаги хиёнатдан, фоҳиша ишдан, ҳаромдан қочди. Лекин бу ҳолда ҳам яна туҳматга учради. Яна синов, яна имтиҳон, яна мусибат ва яна кулфат. Уларнинг бу ҳолатлари устига кириб қолган эрини кўриши биланоқ хотин Юсуфга туҳмат тошларини ота бошлади. «У сенинг аҳлингга тажовуз қилмоқчи бўлди, уни ҳибсга сол ёки аламли азоб бер!», дея даъво қилди. Лекин даъвони исбот қилиш керак эди. Текшириш жараёнида ашёвий далиллар хотиннинг зиддига, Юсуфнинг фойдасига бўлиб чиқди. Эр хотинининг макр қилганини тушунди. Хотинларнинг макри зўр эканини яна бир бор англаб етди.*

Акбар ҳожи жим бўлди. Рамзиддин ерга қараб жим ўтирарди. Ота сўзида давом этди:

Давоми бор

*сура тафсири "Ислом.уз"дан олинди

https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.7k 0 2 2 113
SAIDA_AZIZ IJODI

16 Mar, 19:33

Открыть в Telegram Поделиться Пожаловаться
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

56-қисм

🍃

Қомати расо, сочлари ёйилган, ҳали қирқ ёшни қораламаган Холида юзини ўгирдида, ташқарига йўналди. Шу маҳал операция хонасидан шифокор чиқиб келди. Ота ва қиз унинг ёнига шошилишди.

- Ўғлим яхшими? – сўради ота хавотир билан.

- Жигарнинг ёнидан санчилган экан. Келгунича кўп қон йўқотган.
- Аҳволи яхшими? – Гули ҳам тоқатсизланди. Шифокор чуқур уҳ тортди.
- Яшашни истамаяпти. Қон босим тушиб кетди. Комага тушиб қолди. Қўлдан келганча ҳаракат қилдик. Бу ёғи Аллоҳдан. Агар комадан чиқса, яшаб кетади.
- Нега? Нимага комага тушади? – ўзини тутолмади опа. Отасининг кўксига бош қўйиб уввос тортиб йиғлаб юборди у.

🍃

“Яшашга ҳеч бир умидинг қолмаган чоғда ҳам, яна бир тонг отиши янги умиддир”, деганида машойихлар нақадар ҳақ бўлганлар.

Оппоқ бўзариб отган тонг нафаси ҳар бир хонадонга кириб боради. Инсоният борки, субҳни мушфиқ бўлиб кутади. Яна бир кунда уйғонгани учун Парвардигорга ҳамдлар айтади. Тонгни кўрдими, демай яшаяпти!

Акбар ҳожи Бомдод намозидан сўнг жойнамоз устида бир муддат ўйга толди. Ўғлига қандай тушунтириш йўлларини сарҳисоб қилди. Сих ҳам, кабоб ҳам куймайдиган тарзда қандай англатишни хаёлан чамалади. Шу вақтга қадар кўплаб шогирдлар чиқарди. Ҳалигача бу шогирдлар ундан маслаҳат сўраб келишади. Бирор тусмолли масалаларда ҳожидан ёрдам олишади. Лекин унинг ўзи шу вақтга қадар хаёлининг бир четига кириб чиқмаган ҳодисага дуч келиб ўтирибди. Хўп, ўғли-ку, ҳозир ҳеч нарса ёзмабди. Бироқ анави маккора қирқ макрини ишга солса-чи, кейин аҳвол бундан баттарлашмайдими? Дўсти Зарифбойнинг оиласи хабар топса-чи? Унда нима бўлади?

Ўзи шундоғам қиз томон унаштирувни бироз ортга суришди. Ҳеч бир сабабсиз. Зуҳрахон “Зийнатхоннинг тоби йўқ экан. Кейинги ойга қилайлик, дейишяпти”, деганида, юраги бир “шиғ” этганди. Нега? Нима учун бирданига бу қарорга келишди, деб ўйлаганди. Агар Рамзиддиннинг бегона аёл билан гаплашиши ҳақида Зумрад хабар топса...

Акбар ҳожи қуёш терак бўйи чиққунга қадар ўз хаёлларига андармон бўлиб ўтирди. Зуҳрахон нонушта тайёрлигини билдиргач, ўрнидан турди.

Рамзиддин ва Зуҳрахон аллақачон дастурхон четидан жой олишган, оила бошлиғини кутиб ўтиришганди.

- Ассалому алайкум, дада, яхши дам олдингизми? – одоб билан саломлашди ўғил.
- Валайкум ассалом. Алҳамдулиллаҳ, яхши, - деди эркак ўғлига синовчан тикилиб.
- Қани олинглар... – дастурхонга ундади Зуҳрахон.

Акбар ҳожи гапни нимадан бошлашни билмасди. Зуҳрахоннинг кўнглига ғашлик солмайдиган тарзда айтилиши керак эди сўзлар.

- Онаси, бугун “Юсуф” сурасини ўқидим. Рамзиддин, ёдингдами бу сура? – ўғлига савол назари билан боқди ота. Йигит бош ирғади.

- Юсуф алайҳиссаломга оид воқеалар келтирилади. Гўзал қисса, деб таърифланади. Сурада оға-инилик, биродарлик, туш таъбирларидан ташқари аёл макри ҳақида ҳам келтирилади.

- Юсуф алайҳиссаломга аёл туҳмат қиларди, адашмасам, тўғрими, дадаси? – сўради Зуҳрахон соддалик билан. Ота учун унинг саволи айни муддао бўлди. Худди хотинига сўзлаётгандек қилиб, гапиришда давом этди. Нигоҳлари билан эса ўғлини кузатиб турарди:

ДАВОМИ БОР

https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.8k 0 2 111
SAIDA_AZIZ IJODI

16 Mar, 19:28

Открыть в Telegram Поделиться Пожаловаться
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

55-қисм

Ҳатто кофир бўлса ҳам, ҳеч кимнинг қалбини синдирма!
Қалб синдирмоқ, Аллоҳ таолони ранжитмоқ демакдир.
Аҳмад Яссавий

🍃🍃

Туннинг зулмати борлиқни эгаллаган фурсатларда Гули шифохона йўлагида умид билан операция хонасига кўз тикиб ўтирарди. Соат тунги ўн иккини кўрсатарди. Укаси билан кечган ширин хаёлларни хотирасидан ўтказаркан, беихтиёр отаси ёдига тушди. “Дадамга қўнғироқ қилсаммикан? Ё ... кеч бўлдимикан?” Иккиланди аёл. Қўллари телефондан “ДАДАМ” деган ёзувни босиш ва босмасликни билмай бир муддат жим турди. “Фарзанди-ку, нега хабар бермадинг, деб яна мендан ранжимасин”, деган ўй билан рақамларни босди. Бир неча чақирувдан сўнг нариги томондан уйқусираган аёлнинг овози эшитилди.

- Алло... – Гули бир муддат каловланиб қолди. Бир кўнгли телефон тугмасини босишни хоҳлади. Аммо...
- Ассалому алайкум! Дадам... дадам керак эдилар, - ўтинчли овозда сўзлади аёл.
- Соат неччи бўлди? Шу маҳал дадангиз эсингизга тушдими? – норози тўнғиллади аёл. Гулининг кўзлари ёшланди. Томоғига нимадиро қадалди. Ўз отасига ҳам бемалол қўнғироқ қилолмаслигидан оғринди.

- Илтимос, чақирворинг...
- Даданг ухлаяпти. Нима гапинг бўлса, эртага гаплашарсан... – бу гал ошкора нописандлик билан жавоб қилди нариги аёл. Гулининг кўзларидан дувиллаб томчилар тўкилди.

- Алининг аҳволи оғир. Айтинг, уни пичоқлаб кетишибди!
- Нима? – отасининг овози эшитилди. Чамамда, телефон овоз кучайтиргичда турган, Равшан Давлатович хотинига телефонни тутқазган эди. – Қачон, қаерда пичоқлашибди?

- Тунги клубда! Ҳозир операцияга олиб кириб кетишган. – бу гал Гулининг овозига йиғиси қоришди.
- Саёқ юрган таёқ ейди, бўлибдида... – бу нариги аёлнинг овози эди. Гули ортиқ чидаб туролмади. Гўшакни ўчирди.

Телефонни икки кафти орасига сиқимлаганча ўксиниб йиғлади. Елкалари титраб кўз ёш тўкди. Қанийди, қанийди, онаси тирик бўлганида... Укаси бу аҳволга тушмасмиди.

Онасининг ўлимидан сўнг Алибек аламзада бўлиб қолган. Тунгги клубдаги муштлашувларда қатнашган. Отаси ички ишлар бўлимидан бир неча бор олиб чиқиб келган. “Мени шарманда қилавермасанг-чи, саёқ юрмай, тўғри юргин!” деб яхшигина танбеҳ берганди. Бу гал эса, жигари ичкарида икки дунё орасида ётибди.

Телефони жиринглади. Дадаси қайта рақам тераётганди. Гули истамай жавоб берди. Ота манзилни сўради. Қиз тушунтирди.

Операция хонасидан бир ҳамшира югуриб чиқди. Бошқа бир шифокорни чақириб, ўзи билан етаклаб ичкарига кириб кетди. Гулининг юрагини ваҳима чулғаб олди. Ўзи ҳам кирдиохирург бўлгани учун шифокорларнинг шошилинч ҳаракати беморни йўқотишдан дарак беришини биларди. У эшик тагига яқинроқ келди. Анвар эса ўринидиқда ухлаб қолганди. Ҳамшира яна чиқди. Юз кўзида тушунарсизлик.
- Нима бўлди? Операция яхши ўтдими? - ҳовлиқиб сўради опа. Ҳамшира индамади.
- Тўхтанг, укамнинг аҳволи яхшими? Гапирсангизчи...
- Ҳали тугамади, - деб қисқа жавоб билан кифояланди ҳамшира. Гулнинг юраги безовталанди. Лаблари титради. Танасида оғирликни ҳис қилди. Боши ғувиллади. “Нимадир бўлган?” Ичкарига киргиси келарди, бироқ...

Отаси ёнида хотини билан етиб келди. Гулидан Алибекнинг аҳволини сўради. Аёл ҳали ҳеч бир хабар йўқлигини маълум қилиб, ўкириб йиғлаб юборди. Шунда отаси уни қучоғига олди. “Сиқилма, Алибек кучли. Ҳаммаси яхши бўлади”, деди Равшан ака таскин оҳангида. Гулининг ҳолати баттарлашди. Ўпкаси тўлиб кетди. Орадан ўн йил муддат ўтиб отаси энди уни бағрига босаётганди. Бу ҳидни, бу қучоқни қанчалар соғинганди қиз бўлиб. Бир вақтлар уни опичлаган елкаларни силашни қанчалар истарди... Дадасининг бағрида тўлиб тошган сойдек тўкиларди у.

- Ҳали ҳеч ким ўлмади-ку, намунча йиғлайсиз? – деди отасининг хотини энсаси қотганини яширмай.
- Худо сақласин, - деб бақираёзди Гули. Равшан ака хотинига қовоқ уйди.
- Жим бўл. Бор кетавер, мен Гули билан қоламан. Алибекдан хабардор бўлиб, кейин кетаман!

ДАВОМИ БОР
https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.9k 0 2 1 125
SAIDA_AZIZ IJODI

16 Mar, 19:13

Открыть в Telegram Поделиться Пожаловаться
#ҳислар

* * *
Инсон руҳида ҳам қиёматлар бор.
Оғир синовлар бор, синоатлар бор.
Муҳаббат сал чалғиб турган маҳалда.
Сезилмасдан ўтган хиёнатлар бор.

Меҳр беролмасанг қийноққа кўндим.
Дийдор беролмасанг фироққа кўндим.
Сен мени бошқага берма илтимос
Бошқанинг қўлида келмайди ўлгим.
Уларда бошқача итоатлар бор.

Менга ўхшамасин меҳрибонларинг.
Ўрнимни босмасин қадрдонларинг.
Чиқиб кетаманку унда ёдингдан.
Менсиз ўтаверар минг бир ойларинг.
Менда ғалат-ғалат шикоятлар бор.

Мен ширин соғинчни Худога айтдим.
Сендан бошладимда сенда тугатдим.
Кўнглини кул босган кимсаларгамас.
Боғдан елиб келган сабога айтдим.
Худога айтдим мен, Худога айтдим.
Шу сабаб дуода ижобатлар бор.

Инсон руҳида хам қиёматлар бор!

©Рислиғой Хотамова

https://t.me/Saida_Aziz_Ijodi
3k 0 22 1 52
SAIDA_AZIZ IJODI

16 Mar, 19:08

Открыть в Telegram Поделиться Пожаловаться
Хайрли кеч, Яхшилар!

Саломатмисиз?

Рамазоннинг ўн олтинчи куни ҳам кетиб бормоқда. Бир зумда ойнинг ярмидан ўтибмиз. Вақт жуда югурик. Ҳафталар, кунлар, соатлар, дақиқаларнинг қандай шиддат билан ўтиб бораётгани гоҳ сезилиб, гоҳ сезилмай қолади.

Муҳими, яшашда давом этмоқдамиз! Қандай ва қай ҳолатда яшаётганимиз эса ўзимизга ва Ўзига аён!

Кунларимиз ҳам, тунларимиз ҳам файзли ва розилик билан кечаверсин!
3.1k 0 10 56
SAIDA_AZIZ IJODI

16 Mar, 11:47

Открыть в Telegram Поделиться Пожаловаться
#иқтибос

"Эркаклар аёлларга раҳбардирлар" (Нисо сураси, 34-оят).

Бу мажбуриятга чақириқдир, улуғлашгамас.
Акс ҳолда эрлар дерди, эркаклар эмас.

Бу шундай раҳбарликки, аёлни саййида қилсин, чўри эмас!
Шундай раҳбарликки, аёлни хотин қилсин, жория эмас!

Шундай раҳбарликки, аёлни она қилсин, туғиш машинаси эмас!

Айман Ёғий

https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
3.3k 0 30 1 97
SAIDA_AZIZ IJODI

16 Mar, 11:45

Открыть в Telegram Поделиться Пожаловаться
Видео недоступно для предпросмотра
Смотреть в Telegram
#туйғу

Боғда булбул ўқиди азон,
Кейин какку туширди такбир.
Жам бўлишди барча намозхон –
Зағча, чумчуқ… – тизилди бир-бир.

Гулзорнинг қоқ ўртаси – масжид,
Атиргулнинг барги – сажжода.
Сажда пайти маст қилгувчи ҳид
Юракларни ўртади: бода –

Узатарди бир сармаст ғунча,
Билмам, нега – сезмасди ҳеч ким.
Сафдошларим ётиб тургунча,
Гулқадаҳни сипқориб ичдим.

Томиримда таралди лаззат,
Хира онгим бирдан ёришди.
Дилга тушов барча даҳмаза
Ғойиб бўлди – ерга қоришди…

…Ихлос қилар ҳар ким ўзича,
Йўллар экан Аршга розини.
Салом берди имом мусича –
Ва тугатдик шом намозини.

Сўнг тарқалдик…
Кезиндим бесар –
Илк бор туйдим ибодат тотин.
Энди уйга қайтайин десам,
Халал берар бир жуфт қанотим...

"Атиргул барглари" (туркумдан)
Нодир Жонузоқ
____

Қуёшли бўлиб келган кунингизнинг иккинчи ярми ҳам файзли ўтсин, азизларим !


https://t.me/Saida_Aziz_Ijodi
3.8k 0 26 53
SAIDA_AZIZ IJODI

15 Mar, 21:31

Открыть в Telegram Поделиться Пожаловаться
Исроф этманг - яшамоқни...севгини... туйғуларни...вақтни...БАХТНИ ва энг асосийси яхши ниятларни💚

Тунингиз осуда ўтсин !

https://t.me/Saida_Aziz_Ijodi
3.3k 0 21 2 59
SAIDA_AZIZ IJODI

15 Mar, 21:20

Открыть в Telegram Поделиться Пожаловаться
Одатда, қалам аҳли учун ўзининг ёзганлари фарзанди каби азиз бўлади. Бирини биридан ажратмайди. Ҳар бирида қалб қўри, кўз нури тўкилади. Ҳар бирини ўзгача изтироб билан ёзади.

Мендан "Ўзингиз ёзган, энг яхши кўрган қиссаларингиз қайсилар?" деб сўрашганида, аввалига "Ишқ бу..."ни ва кейин "Қалблар Унинг измида"ни айтганман. Қолганлари ҳам қалбим ардоғидан тўкилган сатрлар... Аммо негадир, билмадим шу иккитасини айрича суяманда😊😉

Сиз-чи, сизга қайси қиссаларим ёқади?
3.3k 0 0 25 114
Показано 20 последних публикаций.