Rabbimov Jasur (𐱅𐰇𐰼𐰜‎)

Turkiya yagona turkiy alifboga oʻtishga tayyor

Turkiya prezidenti Rajab Toyyib Erdo‘g‘on Bishkekda bo‘lib o‘tgan Turkiy Davlatlar Tashkilotining (TDT) 11-sammitida so‘zlab, 34 harfdan iborat yagona turkiy alifbo yaratish muhimligini ta’kidladi.

❕ Erdogʻan bu alifbo turklar uchun “umumiy taqdir, umumiy kelajak va shu kelajakka birgalikda borish irodasini” ifodalashini taʼkidladi.

U turkiy davlatlar oʻrtasidagi iqtisodiy hamkorlikni qoʻllab-quvvatlab, raqamli integratsiya va sarmoya “turk dunyosi”ni mustahkamlashning muhim jihatlari boʻlishini taʼkidladi.

Bir sobiq SSSR mamlakatida nevara bobosidan soʻrabdi:
- Bobo, kadrlar almashinuvi nima degani?

Bobo ”hozir koʻrsataman" debdi va oynani ochibdi. Oyna oldidagi daraxtga bir dunyo qargʻalar qoʻnib turgan ekan. Bobo hassasi bilan daraxtni uribdi, hamma qargʻalar uchib ketibdi. Besh minut oʻtar oʻtmas, qargʻalar kelib daraxtga qaytib qoʻnibdi.

- Ana koʻrdingmi? Har bitta qargʻa endi boshqa yangi shohda oʻtiribdi. Lekin, amalda hech narsa oʻzgarmadi. Mana shu bizning yerlarda kadrlar almashinuvi degani bolam.

Manba: Firuz Allayev

P.S. tanish holatmi😁

-----------------------------
© Jasur Rabbimov

Kanal: @RabbimovJasur

Isroilning Eronga uyushtirgan mushakbozligidan ko‘proq xursand bo‘lganlar Ozarbayjonliklar bo‘lsa kerak😁

🔄Ayni damda Eron havo hududida Isroil tomonidan mushakbozlik uyushtirilmoqda

Bir vaqtning o‘zida bir necha xil alifbodan foydalanadigan millat biz bo‘lsak kerak😢

O‘zbekistonda ikki xil alifbo, xotin-qizlarning ta'lim olishliga cheklov o‘rnatilgan feodal qo‘shnimiz Afg‘onistonda boshqacha alifbo, kommunistik Xitoy mustamlakasi bo‘lgan Sharqiy Turkistonda istiqomat etayotgan o‘zbeklar uchun yana boshqacha alifbo...

Turklarning qudrati nimada?

Geografik joylashuvida deb oʻylaysizmi? Ishonavering, agar biz hozirgi Turkiya hududida boʻlsak, millat sifatida qirilib bitgan boʻlardik.

Turklarning asosiy qudrati shundaki, ular oʻz millatini sevadi. Ularning amaldorlari xalq oldida inglizcha (yoki fransuzcha) bayonot bermaydi. Ularda turk boʻla turib, nemischa gapirish boshqalardan bir pogʻona ustunlikni anglatmaydi. Ularda bilimidan qatʼi nazar italyanzabon xodimlar ishga olinmaydi. Ular siyosiy dargʻalarini vafot etganidan keyin ham hurmat qilishadi. Ular yigirma besh yil umrini xuddi birov yashab, xatolarni oʻzlari qilmagandek oʻtmishini yomonlab koʻrsatishmaydi.

Hech oʻylab koʻrganmisiz, ular ham qachonlardir biz yashagan yurtda yashashgan. Biz bilan millatdosh boʻlishgan. Faqat millatini sevadigan, hurmat qiladigan boʻlishgan. Balki, shuning uchun ham biz bilan chiqisholmay, bosh olib ketishgan. Nima boʻlganda ham, bugungi Anqaraning Yevropa Ittifoqi degan qudratli tashkilotning oyoqlarini qaltiratib qoʻyishga imkoni yetadi.

Yaqinda "Davlat tili toʻgʻrisida"gi qonun qabul qilinganiga oʻttiz to‘rt yildan oshadi, lekin, afsuski, bu ham boshqa qonunlarimizga oʻxshab mudramoqda. Chunki ona tili yuraklarda muhrlanmas ekan, hech bir qonun bilan uni mustahkamlab boʻlmaydi.

Hech qachon millatini, ona tilini sevmasdan turib, taraqqiyotga yetishib boʻlmaydi. Bu - aksioma!