Qo‘shko‘pir.uz | Rasmiy

Oshoq qal’a mahallasida madaniy tadbirlar bo‘lib o‘tdi

Bugun Qo‘shko‘pir tumanidagi Oshoq qal’a mahallasida "Sog‘lom hayot uchun besh ming qadam" marafoni, bepul tibbiy ko‘rik, tuman madaniyat bo‘limi xonandalarining konsert dasturi, mahalla yoshlari ishtirokida sport musobaqalari hamda "Yashil makon" umummilliy loyihasi doirasida ko‘chat o‘tqazish ishlari olib borildi.

Mazkur tadbirdan ko‘zlangan asosiy maqsad — aholiga sifatli va bepul tibbiy yordam ko‘rsatish, sog‘lom turmush tarzini targ‘ib qilish, yoshlarning bo‘sh vaqtini unumli o‘tkazishlariga ko‘maklashishdan iborat.

Qo‘shko‘pir tumani hokimligi matbuot xizmati

🌐Web-sayt ✈️Telegram
📷Instagram 📖Face book

Qo‘shko‘pir tumani axborot-kutubxona markazi hamda Respublika ma’naviyat va ma’rifat markazi tuman bo‘limi bilan hamkorlikda O‘zbekiston Respublikasi Konstitutsiyasi qabul qilinganligining 32 yilligiga bag‘ishlab “O‘zbekiston Respublikasining Konstitutsiyasi — erkin va farovon hayot garovi” mavzusida badiiy kecha tashkil qilindi.

Tadbirga tumanimizdagi umumiy o‘rta ta’lim maktablaridan bir guruh o‘quvchilar taklif qilindi. Unda O‘zbekiston Respublikasining Konstitutsiyasi xalqimiz siyosiy-huquqiy tafakkurining yuksak namunasi ekanligi, u hech kimga qaram bo‘lmasdan, erkin va ozod, tinch va osoyishta, farovon yashashning qonuniy kafolati bo‘lib kelayotganligi haqida so‘z bordi.

Tadbir ishtirokchilari tomonidan Ona Vatanni tarannum etuvchi she’rlar, qo‘shiqlar, raqslar ijro etildi.

Qo‘shko‘pir tumani hokimligi matbuot xizmati

🌐Web-sayt ✈️Telegram
📷Instagram 📖Face book

Bugun 25-noyabr — Tazyiq va zo‘ravonlikka qarshi kurash kuni munosabati bilan Qo‘shko‘pir tumani hokimligi Oila va xotin-qizlar bo‘limi tomonidan 20-maktabda bir qator tadbirlar tashkillashtirildi.

Xususan, "Zo‘ravonlikka qarshi 16 kunlik" aksiyasi, "Ayollarga nisbatan zo‘ravonlik — oilaga qilingan yovuzlikdir" shiori ostida badiiy kecha, "Sog‘lom ona — sog‘lom millat", "Otam-onam va men — sog‘lom, baxtli oila", "Bizning oila peshqadam" marafonlari, "Baxtli bolalik" shiori ostida art-terapiya usulida psixologik treninglar, "Oilada ayolning huquq va majburiyatlari" mavzusida uchrashuvlar, "Qizlarni, yigitlarni oilaviy hayotga tayyorlashda nimalarga e'tibor berish lozim? mavzusida maktabning 10-va 11-sinf o‘quvchilari ishtirokida davra suhbatlari tashkil etildi.

Mazkur tadbir bayramona kayfiyatda, ko‘tarinki ruhda tashkil etilgan bo‘lib, o‘quvchi yoshlar o‘zlari uchun kerakli bo‘lgan bilim va ko‘nikmalarga ega bo‘lishdi. Bu kabi tadbirlar yoshlarni oilaviy hayotga tayyorlashda, erta turmushning oldini olishda, tazyiq va zo‘ravonlikka qarshi kurashda juda katta ahamiyat kasb etadi.

Qo‘shko‘pir tumani hokimligi matbuot xizmati

🌐Web-sayt ✈️Telegram
📷Instagram 📖Face book

Qo‘shko‘pir tumani Polvon mahallasidagi 15-maktabda ota-onalar yig‘ilishi o‘tkazildi.

Unda yoshlarni vatanparvarlik ruhida tarbiyalash, jinoyatchilik va huquqbuzarliklar sodir etilishining oldini olish bo‘yicha tushuntirishlar berildi.

Qo‘shko‘pir tumani hokimligi matbuot xizmati

🌐Web-sayt ✈️Telegram
📷Instagram 📖Face book