Расмдаги бу йигит бундан 29 йил олдин АҚШнинг Стэнфорд университетида ўқиш учун грант ютади. Бироқ Ҳиндистондан у ерга учиб боришга маблағи бўлмайди.
Шунда отаси... ўзининг қарийб бир йиллик маошига тенг пулга унга чипта олиб беради. Йигит умрида биринчи марта самолётга чиқиб, АҚШга учиб кетади.

Ўша йигит - Сундар Пичаи - 2015 йилда жаҳоннинг энг бой компанияларидан бири ҳисобланган Google ширкатининг бош директори этиб тайинланади. 2022 йилда унинг йиллик маоши 226 млн долларга тенг бўлган.

Отанинг бир пайтлар қилган катта жасорати кун келиб ўз мевасини берди.

Энг мақбул сармоя - бу фарзанд келажагига сарфланган сармоядир!

Дўстлар, фарзандингизни билим олиши, ўқиши учун маблағингизни қизғонманг.