Qamariddin Bekmuhammad

“Ota-bobongizdan qolgan toshoynaga razm soling — ular sizga qarab turgan bo‘lishadi”.

Katta yozuvchi, ustoz jurnalist Xurshid Dõstmuhammad kitobxonlik suhbatida mehmon bõldilar.

U kishini uyğoq kõrdim, yoniq kõrdim, tetik kõrdim.

Sõzning kuchini kõrsatib ketdilar.

Yuqoridagi iqtibos ham ustozning asarlaridan.

11.02.2025

@QamariddinBekmuhammad

«…Bizning zamondosh kishilarimiz, xususan, sizning jurnalingiz õquvchilari bõlmish yoshlarning fazilatlari tõğrisida sõz aytadigan bõlsak, ular avvalo insoniylikni, ma’naviy boylikni yuqori darajada egallagan bõlishini, õzlari oilayu xalqi uchun manfaatli kishilar, yuksak madaniyatli, yuksak axloqli, yuksak odobli, har bir kõrgan, suhbat qurgan kishilar havas qiladigan darajada, õzlari haqida qayğuradigan kishilar bõlishini orzu qilib qolardim».

Bu sòzlarni shayx hazrat 36 yil oldin aytgan ekanlar…

“Yosh kuch” jurnalining 1989-yil avgust sonida bosilgan katta bir maqolaning sòngida bildirilgan bu tilaklarni õqib ta’sirlanmay bõladimi?!

Hazratga òsha davr voqeligidan kelib chiqib bir qancha muhim savollarni bergan va bu katta maqolani tayyorlagan inson — ustoz jurnalist, yozuvchi Xurshid Dõstmuhammaddir.

26.01.2025

@QamariddinBekmuhammad

APL:
Man City & Chelsi.

Abduqodirning debyuti.
Chelsi biz òzbeklar bilan òynadiyov!

Raqibning goliga bizning qorakòz sababchi bòldiyu, bundagi xayr izidan kelib, òyin oxirigacha uchta gol bilan javob berildiku!..

Bay bay bay…

Bòshashma! Barakalla! Otangga rahmat Abduqodir!

25.01.2025

@QamariddinBekmuhammad

Videolarning birida
“òqituvchi boladan sovchi kelsa turmushga chiqarmidiz?” degan savol berilib, unga ikki-uch qizlarning javoblari ilova qilinibdi. Qizlarning javoblari bir xil: rad etisharkan. Tağin “ular òzicha aqlli bòladi” debdi bittasi. “Òqituvchilik qizlarni ishi” deydi boshqasi. Yana, “ularning moddiy daromadi kammish”…

Aslida “farosat” nomli ajib narsadan qisilgan joylari borakanda javob berganlarni…
Mayli, tanlovlari òziga havola.
_________

Òqituvchi degan sharafli nomni kòtarib, ilm-ma’rifat taratayotgan ustozlarimizning umriga baraka bersin, òzlariga òxshagan olimlarni tarbiyalashda sihatlari mustahkam, yaxshiliklari bardavom bòlsin!
Muallim bòlib, ma’rifat maskanlarida ta’lim berayotgan dòstlar, rizqingizga baraka bersin! Charchamanglar!

19.01.2025

@QamariddinBekmuhammad

Unutulmas kun bòldi.

Sana e’tiboridan bugun 14-yanvar, yurtimizda Vatan himoyachilari kuni. Kech bòlsa-da, vatanga muhabbatli, uning himoyasi uchun har dam shay turgan aka-ukalarni tabriklayman.

Kun e’tiboridan bugun seshanba. “Kitobxonlik maktabi” loyihasi bòladi. Dastur tashkil etilganidan buyon ilk daf’a “Òtkan kunlar” asariga bağishlangan tadbir bòldi. Tashrif buyurgan ashrofning òrni alohida: Qodiriyshunos, profeffor Bahodir Karim va Qur’oni Karim xodimi, navoiyshunos Hasanxon Yahyo Abdulmajid.
“Òzbeklar tumushidan” hikoya qilguvchi “Òtkan kunlar”ni tòliq qamrab oladigan suhbat uchun kunlar kerak ekan. Bugungi yiğin asarning ma’lum qismlarini, unda yashiringan ezgu ğoyalarni anglash uchun bir fursat bòldi nazdimda…

Yil e’tiboridan bugun umrimning òttiz ikkinchi yilidagi avvalgi kunlaridan biri.
Sòz sehriga maftun bòlganimda qòllab-quvvatlab, davralarda sòz aytishga jur’at bergan, sharoit yaratgan ota-onamning xursandchiligiga sabab bòladigan ish bòldi. Kaminaga ustoz jurnalist, yozuvchi Erkin Malik Òzbekiston Jurnalistlar Uyushmasi a’zolik guvohnomasini topshirdi. Ustozning òzlari bu ishga tashabbus kòrsatib kelardilar va nihoyat òzlari ham xursand bòlib, guvohnamani ham uyushma nomidan taqdim qildilar.

Jurnalistika, media, adabiyot sohasida ta’lim berib, yòl-yòriq kòrsatib, nazariya hamda amaliyotda òzidagi bilimlarni òrgatib kelgan va kelayotgan barcha ustozlarimni, qadrdon hamkasblarning barchalarini umriga baraka, ilmiy-ijodiy faoliyatlariga rivoj, tansihatlik, ofiyat tilayman!

Duolaringizdan umidvor:
@QamariddinBekmuhammad

14.01.2024
1446-hijriy, 14-rajab