YASHARISH, YANGILANISH VA BAHOR TIMSOLI
Ayol u ona, u mehribon opa-singil, umr yo‘ldosh, jamiyatda faol shaxs. Ayol bir qo‘li bilan beshik tebratsa, bir qo‘li bilan dunyoni tebratadi. Bu shunchaki aytilgan o‘xshatish emas. Xotin-qizlarimizni qanchalik qadrlab, hurmat ko‘rsatsak arziydi. Chunki ularning fidoyiligini so‘z bilan ta’riflash qiyin. Shuning uchun ham, bahorning bugungidek farahbaxsh kunlarida 8-mart xotin-qizlar bayrami munosabati bilan ayol-qizlarimiz alohida hurmat-ehtiromga sazovor bo‘ladi, ularning mehnatlari qadrlanadi.
Bugun Qoraqalpog‘iston Respublikasi sudida ham bayramga bag‘ishlangan tantanali tadbir tashkil etildi.
Mamlakatimizda odil sudlovni ta’minlashga munosib hissa qo‘shayotgan xotin-qizlar alohida e’zozlangan tadbirda Qoraqalpog‘iston Respublikasi sudi raisi K.Tarixov mamlakatimizda xotin-qizlarning jamiyatdagi o‘rni va nufuzini oshirishga qaratilayotgan yuksak e’tibor haqida so‘z yuritar ekan, sudlarda fidoyilik bilan xizmat qilayotgan xotin-qizlarning mehnatini alohida e’tirof etib, ularni bayram bilan samimiy tabrikladi. Ta’kidlanganidek, yasharish, yangilanish va bahor timsoli bo‘lgan aziz onalarimiz va qizlarimizning bayrami, ularning mehnatlarini ulug‘lash bilan qadrli va azizdir.
Bugungi kunda Qoraqalpog‘iston Respublikasi sudlarida yuzdan ortiq xotin-qizlar mehnat qilmoqda. Ularning o‘ttizga yaqini sudyalik kasbini sharaf bilan egallab, odil sudlovni amalga oshirishga munosib hissa qo‘shmoqda.
Tadbirda Qoraqalpog‘iston Respublikasi sudi raisining o‘rinbosarlari va sudyalar, sud xodimlari ham bugungi go‘zallik va nafosat bayrami munosabati bilan aziz va muhtarama ayollarimizga o‘zlarining eng yaxshi ezgu tilaklarini bildirdi.
Shundan so‘ng, Qoraqalpog‘iston Respublikasi sudi raisining buyrug‘i bilan o‘z xizmat vazifalarini fidoyilik bilan bajarib kelayotgan sudya va xodimlarga "Faxriy yorlig'i" va esdalik sovg‘alari topshirildi.
Sayt |Telegram | Facebook
Ayol u ona, u mehribon opa-singil, umr yo‘ldosh, jamiyatda faol shaxs. Ayol bir qo‘li bilan beshik tebratsa, bir qo‘li bilan dunyoni tebratadi. Bu shunchaki aytilgan o‘xshatish emas. Xotin-qizlarimizni qanchalik qadrlab, hurmat ko‘rsatsak arziydi. Chunki ularning fidoyiligini so‘z bilan ta’riflash qiyin. Shuning uchun ham, bahorning bugungidek farahbaxsh kunlarida 8-mart xotin-qizlar bayrami munosabati bilan ayol-qizlarimiz alohida hurmat-ehtiromga sazovor bo‘ladi, ularning mehnatlari qadrlanadi.
Bugun Qoraqalpog‘iston Respublikasi sudida ham bayramga bag‘ishlangan tantanali tadbir tashkil etildi.
Mamlakatimizda odil sudlovni ta’minlashga munosib hissa qo‘shayotgan xotin-qizlar alohida e’zozlangan tadbirda Qoraqalpog‘iston Respublikasi sudi raisi K.Tarixov mamlakatimizda xotin-qizlarning jamiyatdagi o‘rni va nufuzini oshirishga qaratilayotgan yuksak e’tibor haqida so‘z yuritar ekan, sudlarda fidoyilik bilan xizmat qilayotgan xotin-qizlarning mehnatini alohida e’tirof etib, ularni bayram bilan samimiy tabrikladi. Ta’kidlanganidek, yasharish, yangilanish va bahor timsoli bo‘lgan aziz onalarimiz va qizlarimizning bayrami, ularning mehnatlarini ulug‘lash bilan qadrli va azizdir.
Bugungi kunda Qoraqalpog‘iston Respublikasi sudlarida yuzdan ortiq xotin-qizlar mehnat qilmoqda. Ularning o‘ttizga yaqini sudyalik kasbini sharaf bilan egallab, odil sudlovni amalga oshirishga munosib hissa qo‘shmoqda.
Tadbirda Qoraqalpog‘iston Respublikasi sudi raisining o‘rinbosarlari va sudyalar, sud xodimlari ham bugungi go‘zallik va nafosat bayrami munosabati bilan aziz va muhtarama ayollarimizga o‘zlarining eng yaxshi ezgu tilaklarini bildirdi.
Shundan so‘ng, Qoraqalpog‘iston Respublikasi sudi raisining buyrug‘i bilan o‘z xizmat vazifalarini fidoyilik bilan bajarib kelayotgan sudya va xodimlarga "Faxriy yorlig'i" va esdalik sovg‘alari topshirildi.
Sayt |Telegram | Facebook