Keyingi yillarda mamlakatimizda o‘simliklar karantini va himoyasi boshqaruv tizimini yanada takomillashtirish, fitosanitar va oziq-ovqat xavfsizligini ta’minlash, mineral o‘g‘it va kimyoviy vositalarni yetkazib berish, tashqi bozorda mahalliy qishloq xo‘jaligi mahsulotlarining raqobatbardoshligini oshirish, agrokimyoviy xizmatlar sifatini yaxshilash bo‘yicha keng ko‘lamli ishlar amalga oshirilmoqda.

Xususan, karantin ostidagi mahsulotlarni fitosanitariya sohasiga oid tartib-taomillarga asosan olib borilgan karantin nazorati davomida karantin ostidagi mahsulotlardan 5,5 mln. tonna, 94,4 mln dona, 180 ming metr kv hamda 2,3 mln. metr kub boshqa karantin ostidagi mahsulotlar respublika hududiga kiritilgan.