#MILLAT_FAXRI

Koʻr bizning axvolimiz, gʻaflatda qanday yotamiz,
Joyi kelgan chogʻida vijdonni pulga sotamiz.

Oʻgʻlimizga na adab, na fan, na yaxshi soʻylamoq,
Na Xudoni buyrugʻi boʻlgan ulum oʻrgotamiz.

Korimiz shundan iborat boʻldi ushbu chogʻda,
Oʻntadan bedona boqib, yozu qish sayrotamiz.

Hamda har kun takyalarda nasha, koʻknori chakib,
Bachchaga kokil solib, oh-voh bilan oʻynotamiz.

Kelingiz, yoshlar, ziyolilar, bu kun gʻayrat qiling,
Uxlaganlarni agar Qodir esak uygʻotamiz.

Abdulla Qodiriy

T.me/MILLAT_FAXRI kanliga obuna boʻling