Ijtimoiy tarmoqlarda Samarqand viloyati Narpay tumanidagi 26-maktab direktori o‘quv ishlari bo‘yicha o‘rinbosari o‘quvchiga qo‘l ko‘targanligi aytilgan videolavha yuzasidan Samarqand viloyati Maktabgacha va maktab ta’limi boshqarmasi ishchi guruhi o‘rganishlar olib bordi.
O‘rganishlar natijasiga ko‘ra, 26-umumiy o‘rta ta’lim maktabi direktorining o‘quv ishlari bo‘yicha o‘rinbosari M.Sh. 8- "A" sinfga 2-soatda tarbiya fanidan darsi o‘tish jarayonida o‘quvchi X.A. o'rtasida daftari yo‘qligi uchun ziddiyat kelib chiqqanligi aniqlandi.
O‘qituvchi  M.Sh. ushbu harakatlari  bilan O‘zbekiston Respublikasi "Ta’lim to‘g‘risida"gi Qonunning 8-moddasi va 21-moddasi, O‘zbekiston Respublikasi Maktabgacha va maktab ta’limi vazirining 2023-yil 31-avgustdagi “Umumiy o‘rta ta’lim muassasasining takomillashtirilgan namunaviy odob-axloq qoidalarini tasdiqlash to‘g‘risidagi”  282-sonli buyrug‘ining  2-bob 13-bandini  qo‘pol ravishda buzganligi uchun 26-sonli umumiy o‘rta ta’lim maktabi direktorining tegishli buyrug‘iga asosan  “hayfsan” intizomiy jazo chorasi qo‘llanildi.

🖌Samarqand viloyati Maktabgacha va maktab ta’limi boshqarmasi axborot xizmati