MAKTABGA  QAYTING

Erkak o‘rni boshqadir, boshqa,
Ayol erdek bo‘larmi ayting,
Boshingizni urmay har toshga,
Hoy domlalar maktabga qayting.

O‘qigansiz siz ham bir damlar,
Talabalik oh ,oltin damlar,
O‘z yo‘liga tashvish -u, g‘amlar,
Hoy domlalar maktabga qayting.

Erkak bilan bordir armiya,
Sizda bordir bilim, saviya,
Sizga muhtoj ta’lim -tarbiya,
Hoy domlalar maktabga qayting.

Porloq bo‘lsin ko‘kda oyingiz,
Tulpor bo‘lsin mingan toyingiz,
Bozordamas sizni joyingiz,
Hoy domlalar maktabga qayting.

Chet ellarda o‘tab qishlarni,
Tishingizga bosib tishlarni,
Kelajagi yo‘q bu ishlarni,
Hoy domlalar maktabga qayting.

So‘zlarimdan qilmang hech ta’na,
Qadr topdi ustozlar yana,
Oyliklar ham oshdi -ku, mana,
Hoy domlalar maktabga qayting.

Andisha deb kuyib netmasdan,
Dilni armon oshyon etmasdan,
Diplomingiz kuyib ketmasdan,
Hoy domlalar maktabga qayting.

Rostmi yolg‘on so‘zladim bugun,
Haqiqatni ko‘zladim bugun,
Yuragimdan yozildi tugun,
Jon domlalar maktabga qayting.

✔️ Shu kanalda E'lon qilinadi 👉 @MANDATLAR_UZ

Ойлик ҳисоблаш учун бот:
✈️ @Oylik_hisoblovchibot

👩🏻‍🏫 @Oqituvchi | Obuna bo'ling👇
https://t.me/+ngRPMExoXBU2ZDcy
https://t.me/+ngRPMExoXBU2ZDcy