Ochiq dars | O‘qituvchilar

❓ Bugun dam olish kuni ekanligini unutmadingizmi?

Ish haftasini tugatgandan so'ng, dam olish kuni o'z - o'zidan keladi deb o'ylaysiz. Bir necha daqiqa oldin Juma bo'lganga o'xshaydi va siz dam olishni xohlayotgan edingiz, endi esa yana Dushanba boshlanmoqda, siz esa yana charchagan va stressli holatdasiz.

Keling bugun siz bilan dam olish kunlarini ish haftasi kabi qimmatli qilish uchun bir nechta tavsiyalar bilan tanishib chiqamiz.

➖ Birinchi o'rinda bajarilishi kerak bo'lmagan ishlar ro'yxatini tuzing va ular uchun vaqt sarflamang.

➖ Dam olish kunining ahamiyatini anglang va dam olishni unutib qo'ymang. Axir dam olish keyingi hafta qattiq ishlashda yetarli energiyaga ega bo'lish uchun juda muhim.

➖ O'zingizga dam olishga ruxsat bering, stress samarali emasligini his qiling va o'zingiz uchun zavq oladigan mashg'ulot tanlang.

➖ Oddiy ish ustida ishlash ham dam olishingizga yordam berishi mumkin. O'zingiz va oilangiz uchun ajoyib taom tayyorlash dam olish kuni uchun zo'r mashg'ulot bo'lishi mumkin.

Azizlar bugun dam olish kuni ekanligini unutmang

👀 @Ochiqdarsim - Kreativ o'qituvchilar kanali

❓ Sizning o'qituvchilik kasbida o'z qadriyatlaringiz bormi?

🎓 O'qituvchilik - kasblar ichida eng qadrli, jamiyatning ustuni hisoblangan muqaddas kasb hisoblanadi. O'qituvchida aniq bir prinsiplar bo'lishi, o'z oliy maqsadi va qadriyatlariga ega bo'lishi esa, nur ustiga a'lo nur bo'ladi

1️⃣Kreativ o'qituvchida birinchi navbatda maqsad bo'ladi.
O'qituvchilik kasbini tanlashdagi muhim turtki, dars berishdagi zavq, o'quvchilarga bilim ulashishdagi ezgu maqsad bu kasbda sizni ushlab turishi kerak. Quyidagi savolga javob berishga harakat qilib ko'ring:

• o'qituvchilik kasbida sizni qanday turtki ushlab turibdi?

2️⃣ O'z qadriyatlaringizga aniqlab oling va bloknotingizga yozib qo'ying

Har bir insonning o'z qadriyatlari, ichki konstitutsiyasi, buzilmas qonunlari bor. Har bir loyiha va korxonada ham shunday qadriyatlar bor. Masalan, Kreativ Pedagog loyihasining qadriyatlari quyidagicha:

😎biz bir oilamiz, kursdagi har bir o'qituvchining rivojlanishiga bor e'tiborimizni qaratamiz;
😎har bir o'qituvchi ortida yuzlab ilmga chanqoq yoshlar borligini chin dildan his etib, butun millat ta'limiga hissa qo'shayotganimizdan faxrlanamiz;
😎Kreativ Pedagog doim rivojlanishda, har bir ustozning fikri biz uchun muhim...

Siz ham o'z qadriyatlaringizni aniqlab oling va har kuni ko'zingiz tushadigan joyga yozib qo'ying. Shu orqali sizda shijoat doim yuqori bo'ladi

✅ Maqola yoqqan bo'lsa, hamkasblaringizga ulashishni ham unutmang

👀 @Ochiqdarsim - Kreativ o'qituvchilar kanali!

❗️❗️❗️❗️

Shavkat Mirziyoyev Oʻzbekistonda 2025-yilni “Atrof-muhitni asrash va «yashil” iqtisodiyot yili» deb eʼlon qilishni taklif qildi.

✔️ @Kreativ_pedagog - kreativ o'qituvchilar kanali!

⚡️ OʻQUVCHILARINGIZ OʻQISHNI XOHLASHMAYAPTIMI?

Unda quyidagi usullardan foydalaning:

🫥 Oʻquvchilar bilan muhokama qiling;

Oʻquvchilaringizga oʻzining kuchli va zaif tomonlarini yozishi mumkin boʻlgan anketalar bering. Bu orqali ularni oʻziga beradigan bahosi qay darajada ekanligini bilib olasiz. Va javoblarni ular bilan birga muhokama qiling. Ushbu munosabat doirasida o'quvchilaringiz o'zlarini qadrli va hurmatli his qilishadi.

📈 Taʼlim uslublaringizni oʻzgartiring;

O'qitish uslublaringizni o'zgartiring. Oʻquvchilaringizga doska yonida ma'ruza o'qishdan ko'ra, rejalashtirilgan taqdimotlar va metodlar bilan dars oʻting. Ularni koʻproq doskaga chaqiring, iloji boricha rolli o'yinlardan foydalaning. O'quv jarayonini qiziqarli qilish uchun kichik hazillardan foydalanish ham zarar qilmaydi..)

⏺ Faol tinglash qobiliyatlaridan foydalaning;

Faol tinglash ko'nikmalaridan foydalaning (ko'z bilan aloqa qilish, rag'batlantiruvchi yuz ifodalari) va o'quvchilarga aytayotgan gaplarini kengaytirishga imkon beradigan savollar bering.  Bu orqali oʻquvchi oʻziga va fikriga e'tibor qaratilayotganini his qiladi.

🔎 Kuchli tomonlarini koʻrsating;

Oʻquvchilaringizning kuchli tomonlarini ko'rsating.  Agar insho yaxshi yozilgan bo'lsa yoki oʻquvchi mavzuni yaxshi tushunsa, buning uchun uni maqtang.  Siz oʻtadigan mavzu oʻquvchilaringiz uchun yangi material bo'lib, ular butun o'quv jarayonida rag'batlantirilishi kerak.  Bu ularning qobiliyatlarini tasdiqlash orqali ularni rag'batlantiradi va muvaffaqiyatga erishayotganiga ishontiradi.

💠 Yuqoridagi usullar oʻquvchilaringizni oʻqishga boʻlgan qiziqishini oshirishga va oʻzaro hurmat munosabatlarini oʻrnatishga yordam beradi.

Kreativ Pedagog kursida esa bundanda qiziqarli video darslarni o‘rganishingiz mumkin, oldindan kursga joy band qilish uchun 👉 @Krepeduz_admin ga yozing.

✔️@Ochiqdarsim - Kreativ oʻqituvchilar kanali!

🔋 "Energiya" metodi uchun savollar:

➖ Sevimli kitobingiz yoki filmingiz qaysi?

➖ Haqiqiy hayotda kim bilan ko'proq uchrashishni xohlaysiz?

➖ Sizni mazza qilib kulishiyizga sabab boʻlgan oxirgi voqea yoki narsa nima?

➖ Dam olish uchun qayerga borishni xohlaysiz?

➖ Siz olgan eng yaxshi sovg'a nima?

➖ Agar siz superqahramon bo'lganingizda, qanday super kuchlarga ega bo'lishni xohlar edingiz?

➖ Agar siz hayvon bo'lganingizda, qaysi hayvon bo'lishni boʻlardingiz?

➖ Qaysi uchta narsasiz yashay olmaysiz?

➖ Agar siz bir kun qirol / malika bo'lsangiz, nima qilgan bo'lar edingiz?

➖ Sizningcha, yaxshi o'qituvchi qanday bo'ladi?

➖ Agar sizda vaqt mashinasi bo'lsa, qaysi davrga sayohat qilgan bo'lardingiz?

➖ Bo'sh vaqtingiz bo'lganda nima qilasiz?

Savollarni oʻzingiz va sinfingiz uchun moslab tuzishingiz ham mumkin. Bu sizning qay darajada kreativ ekanligingizga bogʻliq.

✔️ @Ochiqdarsim - Kreativ oʻqituvchilar kanali!

💧 "ENERGIYA" metodi

Bu o'yin juda qiziqarli boʻlib, koʻproq yuqori sinf o'quvchilari uchun mosdir. Ushbu oʻyinga tayyorgarlik ko'rish uchun siz bir qancha savollar tayyorlashingiz kerak bo'ladi. Siz har qanday savoldan foydalanishingiz mumkin, ular xoh mavzuga oid boʻlsin, xoh oʻquvchilarning oʻziga.

📝 Oʻyin uchun tayyorgarlik. Savollaringiz roʻyxatini yozib oling va ularni har bir satrga alohida joylashtirib A4 formatdagi qog'ozga chop eting. Keyin, qaychi bilan har bir savol orasidagi chiziqni kesib chiqing. Lekin qogʻozning oxirigacha kesmang, savollar bir - biriga bogʻlangan boʻlishi kerak. Oxirida savollarni doskaga mahkam yopishtiring va yaqinroqqa axlat qutisini ham joylashtirib qoʻying.

🔥 Oʻyinni oʻtkazish. Ikkita jamoa tuzing va ular sinfning eng oxirida ikki qator turishlari kerak. O'qituvchi “Boring!” deganida, har bir jamoadan bitta oʻquvchi doskaga yugurib chiqib, qog'ozdan birini yirtib oladi. Bunda ular qog'ozdagi savolni ovoz chiqarib o'qishlari va savolga imkon qadar tezroq javob berishlari kerak.

🔖 Bu oʻyin qiziqarli davom etishi koʻproq savollarga bogʻliq. Savollar qanchalik qiziqarli va kutilmagan boʻlsa, oʻyin ham yuqori kayfiyatga boy tarzda oʻtadi. Agar sizda oʻyin uchun savollar boʻlmasa keyingi postda keltirilgan savollardan foydalanishingiz mumkin:👇

✔️@Ochiqdarsim - Kreativ oʻqituvchilar kanali!

⚡️ Oʻquvchilarni yoshiga qarab qanday oʻqitish usullaridan foydalanish mumkin?

👬 Boshlang'ich sinf o'quvchilari

Boshlang'ich sinf o'quvchilari hali bir tonna energiyaga ega bolalardir. Shu sababli bu yoshda bolalarga turli rolli oʻyinlar o'ynash orqali oʻrganish samarali bo'ladi, chunki o'quvchilar o'zlarini kichik "kattalar" sifatida ko'rishni yaxshi ko'radilar. Darsingizga energiyaga boy boʻlgan va koʻproq harakatlarni oʻz ichiga olgan metodlar qoʻshishingiz kerak. Chunki bu yoshds bolalar bitta joyda uzoq oʻtirishni yoqtirmaydi.

🧑‍💼 Oʻrta yoshli maktab oʻquvchilari

Bu yosh guruhini o'qitishning o'ziga xos qiyinchiliklari bor. O'smir bo'lish oson ish emas va ularning hayotida va tanasida juda ko'p o'zgarishlar ro'y berayotgani sababli, ularning ishonchi bir yuqoriga koʻtarilsa, bir pastga tushadi. Shu sababli oʻsmirlar uchun ushbu darslarni ishlashning eng yaxshi usuli ularni o'zaro bog'lashdir.  Avvalo ularning qiziqishlarini bilib oling (buni dastlabki darslaringizda amalga oshirgan yaxshiroq), soʻng esa darsingizni aynan ular qiziqadigan ma'lumotlar bilan bogʻlang. Bu ularni darsga jalb qilishning yaxshi usulidir.

👨‍🎓 Yuqori sinf oʻquvchilari

Ko'pgina o'qituvchilar yuqori sinflarini o'qitishdan qo'rqishadi. Lekin bu xatodir, chunki qoʻrquv bilan hech samaraga erishib boʻlmaydi. Siz bu oʻquvchilarni psixologik metodlar bilan darsga jalb qilishingiz mumkin. Sinfdagi muhit koʻproq doʻstlar uchrashuvi, bir-biridan oʻrganish va yordam berish joyi kabi boʻlishi kerak. Ularga kichik oʻquvchilardek maqtov soʻzlarni ishlatmang, chunki bu ularga kamsitidh boʻlib tuyulishi mumkin. Sizning ushbu oʻquvchilarga bo'lgan munosabatingiz kattalarga boʻlgani kabi shaffof, ochiq va halol bo'lishi kerak.

Xoʻsh, siz oʻquvchilaringiz yoshiga qarab qanday oʻqitish usullaridan foydalanasiz?

✔️ @Ochiqdarsim - Kreativ oʻqituvchilar kanali!

#mulohaza

Maktab tizimiga kadrlar tayyorlash keskin ko'paymoqda! Sezdingizmi?

🤔 Siz ham sezgan bo'lsangiz kerak, o'tgan 4-5 yilda Universitatlarda qabul hajmi oshdi. Sirtqli, kechgi va endi mana masofaviy tizimlari joriy etilmoqda. Superkontrakt so'zi ham ta'lim sohasiga kirib kelganiga ko'p bo'lmadi. Bugungi kunga kelib yosh talabalar o'qishni bitirishmoqda va ilk boradigan joyi maktab bo'lmoqda

🧐 Siz ham sezgan bo'lsangiz kerak, avvallari o'rta maxsus o'qituvchilar maktabda "bemalol" ishlashgan bo'lsa, endi ular o'z o'rnini oliyga bo'shatishi kerak yoki sirtqli shaklda o'qib olishi lozim

😉 Hammasi borib borib, kadrlarning kuchli raqobatiga sabab bo'lmoqda. Endi o'z o'rningizni saqlab qolish uchun har yili, har oy va har kuni kurashishingiz kerak. Masalan, attestatsiyadan o'tishingiz, o'quvchingiz olimpiadada yaxshi natija olishi, sifatli dars o'tish mahoratiga ega bo'lishingiz kerak va hokazo

💬 Nima deb o'ylaysiz, bugun siz o'z o'rningizni kreativ yosh mahoratli kadrlarga bo'shatib qo'ymaslik uchun nimalar qilmoqdasiz?👇

✔️ @Ochiqdarsim - Kreativ o'qituvchilar kanali!

⚡️ Dars qanday tashkil etilishi kerak? Eng e'tiborli jihatlar:

1. O‘quvchilarni faol jalb qilish;

lloji boricha har bitta o'quvchi darsdagi savol-javob mashg'ulotlarida qatnashishini nazorat qilish kerak. O'qituvchining nutqi jonli va lo'nda bo'lishi ham o'quvchilar e'tiborini saqlab turish uchun juda muhim.

2. O'quvchilar tushunganligiga ishonch hosil qilish;

O'quvchilardan qanday "Tushundinglarmi?" deb so'rash yetarli emas, o'qituvchi o'zi tushuntirgan mavzuga savollar berib ko'rishi, mashqlar bajartirib ko'rishi zarur. Ana shunda o'quvchilar nimani yaxshi o'zlashtirgan-u, nimani tushunmaganligini bilib olish mumkin.

3. Ko'nikma shakllantirish;

O'tilgan mavzudagi ma'lumotlarni o'quvchilar amalda ko'rishlari kerak. Masalan, Geometriya darsida Pifagor teoremasi o'tilgan bo'lsa, shu teoremaga doir masalalarni o'quvchilar bir emas, bir nechtasini ishlab ko'rishlari kerak.

4. Zeriktirib qo'ymaslik;

Topshiriqlarning o'ta sodda va o'ta murakkab bo'Imasligi, lo'nda va tushunarli gapirish, darsning mazmunini boyitish, o'quvchilarning kundaligiga bog'lash kabi ishlar bolalarni qiziqtirishga xizmat qiladi.

5. Tez-tez takrorlash;

"Bilim takrorlash mevasi" degan naql bejiz emas. O'tgan darsni qisqa bo'Isa ham takrorlash, bugun o'tgan darsni takrorlab o'tish ham o'quvchilarning o'zlashtirishiga yaxshi tasir qiladi. Takrorlash turli shakllarda bo'lishi mumkin: o'qituvchi o'zi qisqacha mavzuni qaytadan bayon qilishi mumkin, o'quvchilardan asosiy narsalarni so'rab chiqishi mumkin yoki kichikroq yozma sinovni o'tkazishi ham mumkin.

6. Fikrlashga chorlash;

Tushunchalarni quruq yodlab olish emas, ular ustida bosh qotirish mavzuni yaxshilashga va eslab qolishga yordam beradi. Buning uchun o'qituvchi o'quvchilarni o'ylashga undaydigan savollarni o'rtaga tashlab turishi kerak.

7. "Feedback" berib turish;

O'qish ishlari to'g'rimi, darslarni yaxshi o'zlashtiryaptimi - bularni bilib turishi kerak. Shu sabab o'qituvchi muntazam ravishda "feedback" berib tursa yaxshi bo'ladi.

Manba: Internetdan olindi

✔️ @Ochiqdarsim - Kreativ oʻqituvchilar kanali!