Yer ostidan maktublar

"Biz noteng dunyoda yashaymiz. Mamlakatlar orasidagi tafovutlar xuddi Nogalesning ikkala qismi oʻrtasidagi farklarga oʻxshaydi-yu, faqat koʻlami kattaroq. Badavlat mamlakatlarda odamlar sogʻlomroq, uzoqroq umr koʻradi va ancha yaxshiroq taʼlim oladi. Ular uchun kambagʻal mamlakatlar aholisi faqat orzu qila oladigan koʻplab qulaylik va imkoniyatlar, jumladan, dam olish taʼtillaridan tortib, karyera zinalari boʻylab koʻtarilish kabi imkoniyatlar eshigi ochiq. Badavlat oʻlkalarda aholi oʻydim-chuqurlari boʻlmagan ravon yoʻllarda yuradi, uylaridagi kanalizatsiya, elektr energiyasi va suv taʼminotidan baxramand boʻladi. Bu mamlakatlarda hukumat odamlarni asossiz hibsga ham olmaydi, tajovuz ham qilmaydi, aksincha, hukumat aholiga taʼlim, sogʻliqni saqlash, yoʻllar va tartibni saqlash kabi xizmatlarni koʻrsatadi. Eʼtiborga molik yana bir jihat - fuqarolar saylovlarda ovoz beradi va mamlakatda olib borilajak siyosat yo'nalishini belgilashda qatnashish huquqiga ega boʻladi.
Dunyo mamlakatlari oʻrtasidagi tengsizlikni namoyon qiluvchi ulkan tafovutlar barchaga, xatto qashshoq mamlakatlarning televideniye va internetdan mahrum axolisiga xam yaxshi maʼlum. Ana oʻsha tafovutlardan xabarlik insonlarni yaxshi turmush sharoitlari va imkoniyatlarga ega boʻlish ilinjida Rio-Grande yoki Oʻrtayer dengizini noqonuniy kesib oʻtishga majbur qiladi."