🪐

#ruboiy #71

"Ilohiyot ilmini o'rgat", dedi dil,
Agar o'zing bilsang menga bayon qil.
"Alif" degan edim "bas" dedi menga,
"Bir xarf ham yetadi" kim bo'lsa oqil.

#74

Xarobat ahlidir insoniy inson,
Ulardan birovga yetmaydi ziyon.
Madrasadan chiqar barcha yomonlik,
Qo'limdan kelsaydi, qilardim vayron.

#75

Yo rab, sen Karimsen, karimi karam,
Nechun osiylarga berk bog'i Eram.
Sig'insam, kechirsang — bu karam emas,
Gunohim kechirsang — karamdir, karam.

#80

May ichib quvonmoq o'yinim mening,
Kufru din bilmaslik sof dinim mening.
Dunyo kelinidan qalinin so'rdim,
Dedi: shod dilingdir qalinim mening.

#85

Bir qultum may mulki Qobusdan yaxshi,
Qubod poytaxti — u Tusdan yaxshi.
Oshiqlar sahar payt chekkan har bir oh
Zohiddagi soxta tovushdan yaxshi.

#87

Xayyom, gunohim, deb motam nechun, xo'sh?
Foydasiz, ko'pmi-oz bu g'am nechun, xo'sh?
Gunohni kechishga karami bor-ku,
Hech gunoh bo'lmasa, karam nechun, xo'sh?

#93
Sening isbotingga yetmaydi aqlim,
Noming takroridan bo'shamas tilim,
Zotingni men qanday bila olamen,
Uni bilur sendan o'zga yana kim?

#98

Kimdaki aqldan biron satr bor,
Umrini bir lahzasin o'tkazmas bekor.
Yo xudo karamin istab o'tadi,
Yo rohatni ko'zlab, may ichar bisyor.

#99

Urindim qo'yay deb suv uzra g'ishtni,
Butxona istamas bu xil xohishni.
E Xayyom, kim aytar do'zaxiysan deb,
Kim borib ko'ribdi do'zax-behishtni?

#102

Bilmadim, qorilgan chog'ida loyim,
Jannatmi, do'zahdan atalgan joyim.
Menga naqd bo'lsa bas yor, cholg'u, sharob,
Nasiya jannat senga bo'lsin har doim.

#103

Bahor ayyomida go'zal parizod —
Bir kosa may berib, dilim etsa shod,
Kishilar nazdida xunuk bo'lsa ham,
It bo'lay, jannatni bir bor qilsam yod.

(c) Umar Xayyom

@N1zom1dd1novs

#malumot #narsist
Nartsist — so‘zining kelib chiqishi yunon mifologiyasiga borib taqaladi. Bu tushuncha "Narcissus" nomi bilan bog‘liq bo‘lib, o‘z-o‘zini haddan tashqari sevishni anglatadi. Narcissus haqidagi afsona qadimiy Yunoniston madaniyatida o‘ziga xos ramz va saboq sifatida saqlangan.

Narcissus— go‘zalligi bilan mashhur bo‘lgan yigit edi. Uni ko‘rgan har qanday inson uning chiroyiga oshiq bo‘lar edi. Ammo Narcissusjuda mag‘rur va o‘zini boshqa hamma odamdan ustun deb bilardi. U o‘ziga oshiq bo‘lganlarni mensimasdi va ularning sevgisini rad etardi.

Bir kuni Narcissussuv havzasi yoniga keladi va suvda o‘z aksini ko‘radi. U o‘zining go‘zalligiga mahliyo bo‘lib qoladi va shu aksga oshiq bo‘ladi. U suvda aksini quchoqlashga harakat qiladi, ammo suv uni aksni qaytaradi, uni o’pay deb suvga egiladi, ammo lablari soyning muzdek suvlariga tegadi xolosi. Bu sevgining imkonsizligini tushunib, u qayg‘uga botadi. Narcissus oxir-oqibat o‘z go‘zalligi bilan ovora bo‘lib, umrini yo‘q qiladi.

U o‘layotgan joyda bir gul o‘sib chiqadi — bu gul keyinchalik "nargis guli" deb nomlangan.

#ruboiy #8

Tur, go'zal, ochilsin bahri dilimiz,
Jamoling hal qilsin har mushkulimiz,
Tuprog'imiz ko'za bo'lmasdan burun
Bir ko'za ichaylik jo'ysin ko'nglimiz

#9

Sahar sado berdi bizning mayxona,
Ki, e mayxonamiz randi — devona,
Turgil, paymonani to'ldir sharobga,
Hali to'lmay turib bizning paymona.

#10
O'rdak baliqqa der: "Oqib ketgan ob—
Qaytib, ariq yana bo'lurmu kulob?"
Ul deydi: "Men-u sen bo'lurmiz kabob,
So'ng ne foyda, dunyo daryomi, sarob?!"

#11

Harobada men-u may, ma'shuq uchov
Ust-bosh, jonu dil sharobga garov.
Lutf umidi, azob vahmi pisandmas,
Bizga bedahl shamol, tuproq, suv, olov.

#12

Shunday ichayinki, o'lsam ul sharob —
Hidi mozorimdan chiqsin gurkirab.
Xumori o'tarsa qabrim boshidan
Isi elitsinu aylasin xarob.

#13

Besh kunlik hayotda ichgil mayi nob,
Besh kunlik umringni o'tkazgil shodob.
Xarob etmak erur jahonning ishi,
Sen ham kecha-kunduz bo'l mastu xarob.

#14

Muhtojlik kuyida ko'ngilin ovla,
Yurakka yaqinu ma'qulni ovla.
Bir dilcha turmas yuz loyxona Ka'ba,
Ka'bada nima bor, bir dilin ovla.

(c) Umar Xayyom

@N1zom1dd1novs

Oshkora shafqatsizlik ayollarga har narsadan ko'proq xush yoqadi: ularda ibtidoiy instinktlar hayron qoladigan darajada kuchli bo'ladi. Biz ularga ozodlik berdik, ular bo'lsa o'zlariga xo'ja izlovchi kanizaklar sifatida qolib kelmoqdalar. Ular bo'ysunishni yaxshi ko'rishadi.

(c) Oscar Wilde

@N1zom1dd1novs

#ruboiy #7

Dunyoda ulug' so'z —Quron o'qilur,
U ham mudom emas, ahyon o'qilur.
Piyola chetida bir oyat borki,
Har joyda, hamisha, hamon o'qilur

(c) Umar Xayyom

@N1zom1dd1novs

#ruboiy #5

Men o'lsam may birla yuvishni ko'zlang,
Yo'qlovda jom birla sharobdan so'zlang,
Qiyomat kunida topmoq bo'lsangiz
Mayxona tuprog'in tubidan izlang.

(c) Umar Xayyom

@N1zom1dd1novs

- Albatta, birov seni jondan ortiq yaxshi ko'rganidan ko'ra o'zing birovni jondan ortiq yaxshi ko'rganing ma'qul, - dedi lord Genri. Birovning yaxshi ko'rganiga toqat qilib turish juda zerikarli va malol keladigan narsa. Insoniyat o'z xudolariga qanday munosabatda bo'lsa, xotinlar ham biz erkaklarga shunaqa munosabatda bo'lishadi, - ular bizga topinishadi, topinishadi-yu, doimo nimalarnidur talab qilib jonga tegishadi.

(c) Oscar Wilde

@N1zom1dd1novs

#ruboiy #4

Har qancha bo'lsa ham yuzginam go'zal,
Qomatim sarv kabi tikka, mukammal,
Tushuna olmadim, nega bunchalik
Oro bergan ekan naqqoshi azal.

(c) Umar Xayyom

@N1zom1dd1novs

#ruboiy #3

Kimsani ranjitma, ranjitma hayhot,
G'azabing birovga sochmagil, ey zot.
O'zing ranj cheku hech kimni ranjitma,
Rohat desang agar o'zing g'amga bot.

(c) Umar Xayyom

@N1zom1dd1novs

#ruboiy #2

Tongla uhdasidan chiqolmas kishi,
Ne hojat savdoli diling tashvishi!
Oydinda may ichgin, ey oy, bizdan so'ng,
Oy bizni topolmas, kezib yoz-qishi.

(c) Umar Xayyom

@N1zom1dd1novs

#ruboiy
Oshiq bo'lsang bo'lgil shaydo-yu maston,
Devona, sho'riyda, rasvoyi jahon.
Hushyorlikda tashvish hamma narsa ham,
Mast bo'lgach to'piqdan kelmaydi tufon.

(c) Umar Xayyom

@N1zom1dd1novs

Shuning uchun mening nazarimda, odamlarni haqiqat yo'liga faqat ilmgina boshlay oladigandek bo'lib ko'rinadi. Tuygularning yaxshiligi shundaki, ular bizni bu yo'ldan toydiradi, ilmning yaxshiligi shundaki, u tuyg'uni bilmaydi.

(c)Oscar Wilde

Hayot bo'ysunmagach bizning tilakka,
Xayol-u g'ayrating chiqar puchakka.
Erta-kech hasratin chekamiz payvast,
Kech keldik, tez yetdi vaqt ham ketmakka

Umar Xayyom

Yangi yil bilan.

2024-yil
Kitoblar
1. Mening hayotim Gandi
2. Martin Iden - Jak London
3. Jinoyat va Jazo
4. Evrilish
5. Savollarga javoblar
6. Mazahchini o'ldirish
7. Bir kunlik Qo'nalg'a (hikoyalar)
8. Begona
9. Yolg'izlikning yuz yili
10. Graf Monte Kristo
11. Alkimyogar

Seriallar
- Game of thrones
- Arcane
- The Lord of the Rings: The Rings of Power