Mubaşşir Ahmad

Қадрдон синглим!
Ҳижоб қулоқ, бўйин, тўпиқ, амакининг ўғли ва инстаграмни ҳам ўз ичига олади.

Анас Солиҳ

@MubashshirAhmad

Бир марта бўлса ҳам "билмаслик ҳузури"ни синаб кўринг, эй биродар!

Айман Ёғий

@MubashshirAhmad

Абдуллоҳ ибн Муборак олдиларида ғийбат ҳақида гапиришганда: "Агар бировни ғийбат қилувчи бўлганимда ота-онамни ғийбат қилган бўлардим. Чунки менинг яхшиликларимга энг ҳақли инсонлар улардир", дедилар

"Рисалатул қушайрийя"дан

@MubashshirAhmad

Дин илмга қарши дейишади..
Динимиз Қуръондан нозил бўлган биринчи оятдаёқ "Ўқи!", деб илмга буюради. Самовий таълимотимиз нозил бўлган илк ҳарфдаёқ ўқиш ва ўрганишга очиқ амр этган.

Бизнинг наздимизда уламолар пайғамбарларнинг меросхўрларидир. Қуръонда эса аҳли илм фаришталар билан баробар кўрилади:

"Аллоҳ адолат ила туриб, албатта, Ундан ўзга илоҳ йўқлигига шоҳидлик берди. Фаришталар ва илм эгалари ҳам" (Оли Имрон сураси, 18-оят).

Дин ва илм ўртасида зиддият кўрган киши, дин нима ва илм нима эканини билмайдиган кишидир.

Мустафо Маҳмуд, "Шайтон ҳукмрон" китобидан

@MubashshirAhmad

Сизни “Тепада бир танишингиз борми?”

Одамлар билан суҳбатлашганда тез-тез учрайдиган иборалардан бири — шу. Оддий қилиб айтганда, бирор киши қандайдир ишни тезроқ ва осонроқ ҳал қилиш учун таниш-билишларини ишга солишга уринганини эшитиб қоламиз.

“Юқорироқда танишинг бўлса ишинг битади” ёки “қўли узунроқ қариндошинг бўлса, фойдаси тегади” каби сўзлар жамиятимизда одатий ҳолатга айланган.
Бироқ, бу сафарги мавзумиз бу ҳақда эмас.

Гап шундаки, баъзи одамлар жиддий ва муҳим ишларни бошламоқчи бўлганларида, авваламбор уларга ёрдам бериладиган бирор таянч бўлишини исташади.

Бошқача айтганда, уларга ишонч берувчи “юқорида танишлари” ёки “қўли узун” қариндошлари борлигини ҳис қилиш керак бўлади.

Сиз буни ўқиб, “Ҳа, бундай одамлар бор”, деб ўйлаб, ўзингизга алоқаси йўқ деб ўйлаб ўтиб кетишингиз мумкин.

Лекин, чуқурроқ назар ташласак, биз ўзимизда ҳам шундай тушунчанинг шаклланганини кўрамиз: қандайдир ишни бошлаш учун, гўёки, орқангда биров бўлиши керак, танишинг бўлиши керак.

Нима иш қилмайлик, кўпинча биринчи қадамимиз — “таниш” қидириш бўлади. Бу эса, назаримда, бизга сингиб кетган ҳолат.

Энди асосий савол: нега?

Мени қизиқтирган савол шу бўлди: нега одамлар шундай йўл тутишади? Нега бевосита ҳаракат қилиш ўрнига, биров орқали ҳал қилишни устун қўйишади?

Бир қарашда жавоб оддий: чунки бу ишни тезроқ, осонроқ ва камроқ қаршилик билан битиради.

Лекин мен изланишларим жараёнида бутунлай бошқа — ички жавобни топдим.

Бу жавоб — инсон фитрати билан боғлиқ эди.

Қандай қилиб? Қани айтаман.

Инсон фитратида — яъни, унинг табиий ички тузилишида — ўзида мавжуд бўлмаган кучга таяниш, ундан ёрдам сўраш ва орқали турли масалаларни ҳал қилиш истаги бор. Бу юқори куч — Худо.

Инсон табиатан ўзидан юқоридаги Кучга юзланади, Ундан сўрайди, Унга талпинади. Бу — ёзилган, синаб кўрилган ва бошқача бўлиши мумкин бўлмаган ҳақиқат.

Фитратни ўзгартириб бўлмайди
Аллоҳ инсонни шундай яратган: Унга сиғиниш ва Унга боғланиш инсон табиатининг бир қисми.

Лекин, масалан, собиқ Иттифоқ давридаги каби Худосизлик ҳукм сурган шароитларда, одамлар Аллоҳни унутдилар.

Аммо фитратларидан қоча олишмади. Натижада — раҳбарларга сиғиниш, уларни илоҳийлаштириш каби ҳолатлар вужудга келди.

Бир шахсга сиғинишни нормал деб қабул қилиш — фитратнинг бурилиши эмас, балки йўналишини алмаштириш холос эди.
Имон сусайса, таянадиган куч ҳам ўзгаради

Шундай экан, инсон фитрати — ўзидан юқори Кучдан ёрдам сўраш, Унга боғланишдир. Лекин агар иймон сусайса, ақийда сустлашса, инсон ўша фитрати асосида, Аллоҳ ўрнига таниш-билишлар, мансабдорлар ёки "қўли узун" қариндошлар орқали ишни битиришга ҳаракат қилади. Чунки у талпиниш ҳиссини қолдиролмайди — фақат йўналиши ўзгаради.

Демак, таниш-билишчиликка барҳам бериш учун фитратга, яъни Аллоҳга қайтиш керак.

© Bekzod Azizov

@MubashshirAhmad

Абу Юсуф Парпиевнинг бошларига келган синовдан қайғудамиз. Аллоҳ у кишининг мушкулларини осон қилсин ва тез фурсатда оилалари бағрига қайтишларини насиб этсин! Яқинларига Яратгандан сабр сўраймиз.

Ҳодиса атрофидаги гап-сўзларни, то масала аниқ бўлмагунча, муҳокама қилмасдан, Фазлиддин ҳақларида дуода бўлишни сўрар эдик.

@MubashshirAhmad

Ҳазрати Умар розияллоҳу анҳу Амр ибн Ос розияллоҳу анҳуни Мисрга ҳоким қилиб жўнатаётган пайтларида ўрталарида шундай суҳбат бўлиб ўтди:
- Агар олдингга ўғри келса, нима қиласан?!
- Унинг қўлини кесаман!
- Агар менинг олдимга қорни оч келса, сенинг қўлингни кесаман!!

@MubashshirAhmad

Расулимиз соллаллоҳу алайҳи васаллам бир кишининг: "Қиёмат қачон?" деган саволига жуда тўғри жавоб берганлар. Расулуллоҳ соллаллоҳу алайҳи ва саллам: "Мендан буни сўрама! Балки ўзингдан унга нима ҳозирлаганингни сўра!".

Тўғри айтдингиз ё Расулаллоҳ! Унинг саволи-ку фойдали нарса тўғрисида эди. Ошиқча сўзларга ғарқ бўлиш, қандай, қачон ва қаерда каби саволлар, натижага олиб бормайди, ниҳояни ўзгартирмайди. Ҳаммасини фақат амалингиз ўзгартиради.

Мустафо Маҳмуд, "Дўзах йўли устида" китобидан

@MubashshirAhmad

Хотинбоз амаки анави дўзахга йўллайдиган соқолсиз, бузуқи амакининг соқолли версияси экан. Миллатни бузишда икковиси ҳам бир гўр, икковиси бир жойдан таълимот олади.

@MubashshirAhmad

Биз илмни Аллоҳдан бошқа учун олгандик. У эса Аллоҳ учун бўлишдан ўзгасига кўнмади.

Ҳужжатул-ислом имом Абу Ҳомид Ғаззолий

@MubashshirAhmad

Кишилар халифа Муовиянинг олдида гапиришарди, Аҳнаф ибн Қайс эса сукутда эди.

- "Сенга нима бўлди, эй Абу Баҳр, гапирмаяпсан? - дейишди.

Аҳнаф жавоб қилдилар: - "Ёлғон гапиришга Аллоҳдан қўрқаман. Рост гапиришга эса сизлардан".

Имом Абул-Фараж ибн Жавзий, "Сифатус-софва, 607-бет.

@MubashshirAhmad

Араб дунёсида давлат раҳбари уч ҳолда ҳокимиятдан кетади:

1. Инқилоб бўлса.
2. Жанозаси ўқилса.
3. Жаҳон Банки фатво берса.

Интернетдан

@MubashshirAhmad