"MILLIY TIKLANISH" QARAQALPAQSTAN RÁSMIY BETI

Ҳәзирети Әлишер Наўайыға

Саҳра гүллерин шашайын үстиңе,
Наўайыны сүйген қарақалпақ болып
Ибрайым дер,Уллы руўхың алдында,
Бас ийейин  шәкиртиң Бердақ болып.
                                     И. Юсупов

Қолына қәлем алғанлар
                  өзиңди еслеп,яд етер,
Маржанлар дизип зибаннан
                    қапа кеўилди шад етер,
Мәсләҳат  зәрүр болғанда
                    мине,мен деген ерлер де,
Өзиңдей дана излеп-ақ
                   Аллаға мың пәряд етер

Инсаныйлығын адамның
                  сөзинен аңлар адамлар,
Жақсыға жолдас болсам деп
                 дос яран таңлар адамлар,
Ҳақыйқатлық излесе,ақтарып
                          китапларыңды,
Илаҳий шайыр қәлбинен
                      бир мәлҳам табар адамлар.

Әжинияз шайырым
                         Сизлик жолды таңлаған,
Бердақ бабам үлги алып
                       бүлбүл болып сайраған,
Тәжим етип ҳүрметте
                      талантыңа бас ийип,
Даңқлы шайыр Ибрайым
                        жүрек сөзин арнаған.

Бәйтерексең,халықлар
                    ләззет алған саяңда,
Зия нурын шашарсаң,
                      өзиң ҳәр бир заманда,
Ғәзеллериң сөйлейди
                       муҳаббатты тәрийплеп,
Сөз ғәзийнең булақдур,
                       шөлиркеген адамға.

Урпақларың дөреткен
                       әдебий бағды гезермен,
Ҳәр қәдемде жаныма
                       руўхый күш бар, сезермен,
Айқулақтай қулпырған
                        әлўан реңли әлемиң,
Өзиңнен мен де күш алып
                       мың да бир дәртке төзермен.

Әсирлер бойы өшпеген
                    излериңизден айландым,
Ғәззел болып дизилген
                     сөзлериңизден айландым,
Патшаға ақыл қосқанда
                     Жүзикке қастай жарасқан,
Сөз мүлкиниң султаны-
                       шайырым- Сизден айландым!

Сөз мүлкине султан болмақ
                        несип етпес ҳәр кимге,
Шайыр ким ол?- танытқан
                        жүйели сөзден айландым.

            Алтынгул Утениязова
Қарақалпақстан Республикасына мийнети сиңген мәденият хызметкери, Өзбекстан Республикасына хызмет көрсеткен журналист, шайыра