MILLIY GVARDIYA

👮‍♂️Harbiy xizmatni oʻtash bilan bogʻliq cheklovlar

❌ Harbiy xizmatchilar quyidagilarga haqli emas:

▪️oʻzaro yaqin qarindoshlikda yoki quda tomondan qarindosh boʻlgan shaxslar bilan (ota-onalar, aka-ukalar, opa-singillar, oʻgʻillar, qizlar, er-xotinlar, shuningdek, er-xotinlarning ota-onalari, aka-ukalari, opa-singillari va farzandlari) aynan bitta harbiy qismda (aynan bitta boshqaruv organi, harbiy xizmat nazarda tutilgan vazirlik yoki idoraning harbiy tuzilmasi) birga xizmat qilishga, agar ularning birga xizmat qilishi ulardan birining ikkinchisiga bevosita boʻysunishiga olib kelsa;

▪️ilmiy, ijodiy va pedagogik faoliyatdan tashqari haq toʻlanadigan boshqa faoliyat bilan shugʻullanishga;

▪️tadbirkorlik faoliyati bilan shugʻullanishga;

▪️tadbirkorlik faoliyati subyektlarini tashkil etishga, ularning muassisi (ishtirokchisi) boʻlishga, tadbirkorlik faoliyati subyektida tashkiliy-boshqaruv, maʼmuriy-xoʻjalik vazifalarini bajarishga;

▪️oʻz xizmat vakolatlarini jismoniy va yuridik shaxslarning manfaatlarini koʻzlab bajarish yoki bajarmaslik evaziga ulardan biron-bir mukofot, foyda yoki sovgʻalar olishga;

▪️qonunchilikda nazarda tutilmagan imtiyozlardan, preferensiyalar yoki afzalliklardan oʻz xizmat mavqei bilan bogʻliq holda foydalanishga;

▪️qimor va tavakkalchilikka asoslangan boshqa oʻyinlarda, shu jumladan axborot-kommunikatsiya texnologiyalaridan foydalangan holda ishtirok etishga;

▪️chet davlat fuqaroligini yoki chet davlatda doimiy yashash huquqini beruvchi hujjatni olish maqsadida murojaat qilishga;

▪️Oʻzbekiston Respublikasi hududidan tashqarida hisobvaraqlar ochishga va ularga ega boʻlishga, koʻchmas mulkka va boshqa mol-mulkka egalik qilishga, bundan chet davlatda taʼlim olish, stajirovka oʻtash va tibbiy xizmatlardan foydalanish maqsadida ochilgan hisobvaraqlar mustasno;

▪️oʻzining vakolatlarini siyosiy partiyalarning, boshqa jamoat birlashmalarining va ular organlarining manfaatlarini koʻzlab amalga oshirishga, xizmat majburiyatlarini amalga oshirish bilan bogʻliq hollar bundan mustasno;

▪️xizmatni oʻtash vaqtida diniy rasm-rusumlar va marosimlarni bajarishga, qonunchilik hujjatlarida nazarda tutilgan alohida hollar bundan mustasno;

▪️harbiy xizmat nazarda tutilgan vazirlik yoki idoraning harbiy qismi, boshqaruv organi, muassasasining binolarida va hududida diniy rasm-rusumlar va marosimlarni tashkil etishga, diniy mazmundagi materiallar va buyumlarni saqlashga, xizmat majburiyatlarini amalga oshirish bilan bogʻliq hollar bundan mustasno;

▪️Internet jahon axborot tarmogʻiga harbiy xizmatga oid maʼlumot va materiallarni, shuningdek harbiy qism, boshqaruv organi, harbiy xizmat nazarda tutilgan vazirlik yoki idoraning harbiy tuzilmasiga mansubligini oshkor etuvchi axborotni (foto, video, matn va boshqalar) joylashtirishga, matbuot xizmatlari tomonidan chop etilgan materiallar bundan mustasno.

🚫Ushbu moddaning birinchi qismida nazarda tutilgan cheklovlarga rioya etmaganlik harbiy xizmatchilarni qonunga muvofiq javobgarlikka tortish uchun asos boʻladi.

📖Asos - OʻR-1008-son Qonuni 45-moddasi

👮 @Milliy_gvardiyada 👮

2024/2025-o'quv yili uchun Oliy harbiy taʼlim muassasalari o'tish ballari (bu yil topshirmoqchi bo'lganlar uchun)

Chirchiq oliy tank qo'mondonlik-muhandislik bilim yurtiga - 104.7 ball

Qurolli Kuchlar Akademiyasining Umumqo‘shin fakulteti - 127.4 ball

Harbiy aviatsiya institutining "Harbiy havo kuchlari taktik qo'mondonligi (taktik aviatsiyasi, vertolyot aviatsiyasi, uchuvchisiz uchish apparatlari, havo harakatini boshqarish)" mutaxassisligi - 120.9 ball

Harbiy aviatsiya institutining "Uchish apparatlari ekspluatatsiyasi taktik qo'mondonligi (muhandislar)" mutaxassisligi -  131.1 ball

👮 @Milliy_gvardiyada 👮

Jamoat xavfsizligi universitetiga 2025/2026-o‘quv yili uchun bakalavriat ta’lim yо‘nalishlariga o‘qishga qabul qilish joriy yilning 1-fevral kunidan boshlandi va 20-mаrt kunigа qаdаr dаvom etаdi.

🫂 Nomzodlarning yoshi – 17 yoshdan 23 yoshgacha bо‘lgan, shu jumladan о‘qishga qabul qilingan yili 17 yoshga tо‘ladigan fuqarolar, shuningdek 18 yoshdan 25 yoshgacha bо‘lgan, shu jumladan о‘qishga qabul qilingan yili 18 yoshga tо‘ladigan, ofitserlar tarkibi harbiy unvonlariga ega bо‘lmagan harbiy xizmatchilar va harbiy xizmatga majburlar bo'lishi talab etiladi.

Ariza va hujjatlar qayerda qabul qilinadi?

✍️ Universitetga o‘qishga kirish istagini bildirgan fuqarolar ta’lim yo‘nalishlaridan kelib chiqqan holda o‘zlarining yashash joyidagi mudofaa ishlari bo‘yicha bo‘limlariga yoki Ichki ishlar vazirligi hududiy bo‘linmalariga ariza bilan, harbiy xizmatchilar (xodimlar) o‘zlari xizmat o‘tayotgan harbiy qismga bildirgi bilan murojaat qiladilar.

Hujjatlarni rasmiylashtirish ta’lim yo‘nalishlari bo‘yicha quyidagi tartibda amalga oshiriladi:

🔸Mudofaa ishlari bo‘yicha bo‘limlar orqali:

▪️Maxsus vazifalarni bajarish qo‘shinlarining qo‘mondonlik-taktik faoliyati;
▪️Xizmat faoliyatini tarbiyaviy-psixologik ta’minlash;
▪️Xavfsizlikni huquqiy ta’minlash;
▪️Xalqaro harbiy hamkorlikni huquqiy ta’minlash;
▪️Iqtisodiy xavfsizlik;
▪️Aniqlash va qo‘riqlash tizimlardan foydalanish bo‘yicha qo‘mondonlik-muhandislik faoliyati;
▪️Qo‘riqlash bo‘linmalarining qo‘mondonlik-taktik faoliyati.

🔸Ichki ishlar vazirligi hududiy bo‘linmalari orqali:

▪️Yо‘l harakati xavfsizligi faoliyati;
▪️Jamoat tartibini saqlash faoliyati;
▪️Migratsiya va fuqarolikni rasmiylashtirish faoliyati.

👮 @Milliy_gvardiyada 👮

Киберхавфсизлик бўйича давлат университети ташкил этилади

“Cyber university” давлат университетини ташкил этиш тўғрисида”ги Президент қарори (ПҚ-14-сон, 20.01.2025 й.) қабул қилинди

🔰Қарорга кўра, “Cyber university” давлат университети ташкил этилади.

✔️ Ахборотни ҳимоялаш, ахборот ва киберхавфсизлик, рақамли технологиялар ва рақамли иқтисодиёт, сунъий интеллектга асосланган автоматлаштирилган ахборот-таҳлилий тизимларни яратиш, робототехника ва бошқа турдош соҳалар бўйича кадрлар тайёрлаш Университетнинг асосий вазифаларидан бири этиб белгиланди.

📕 Университет тўлиқ академик, молиявий ва ташкилий-бошқарув жиҳатдан мустақил бўлган давлат олий таълим муассасаси ҳисобланади ва битирувчиларга давлат намунасидаги диплом берилади.

📜 Унда талабаларни ўқитиш давлат гранти ва тўлов-контракт асосида олиб борилади.

🌐 Университет таркибида IT-кластер (ахборот технологиялар парки, технопарк) ташкил этилади ва илғор хорижий тажрибага асосланган технологик ва инновацион ғояларга йўналтирилган стартап лойиҳаларни яратиш ҳамда амалиётга жорий этиш унинг асосий фаолият йўналишларидан бири этиб белгиланди.

🎓 2025/2026 ўқув йили учун Университетга бакалаврлар тайёрлаш бўйича кундузги таълим шаклига 100 та давлат гранти ажратилади. Бунда:

🔹ажратиладиган давлат грантлари таълим йўналишлари кесимида тақсимланади;
🔹навбатдаги ўқув йилидан бошлаб давлат гранти давлат олий таълим муассасаларига ўқишга қабул қилишнинг давлат буюртмаси параметрлари асосида ажратилади;

🗓 Университетда ўқув жараёни 2025 йил сентябрь ойида бошланади.

👮 @Milliy_gvardiyada 👮