Маҳбуба Баҳодир қизи

Шунча югур -югур билан тўй ҳам ўтиб кетди. Қуда томон келин-куёвни тўй саёҳатига юбориш учун Малдив оролларига йўлланма олишган экан. Кутилмаган "совға" дан Шоҳистанинг фиғони фалакка чиқдику, ўзиям. Хайрлашгани кирган ўғлига бир ўқрайиб қаради, бола бечора: "Ойи бормай қўяқолайлик, ўзимни боргим келмаяпти" -деди. Шоҳиста мулоҳаза қилди шекилли: "Бўпти, бор гап кўпаймасин"-деди-ю, аммо хонасидан чиқмади.
Миразиз хонага кирганида Шоҳиста кўзойнак тақиб олган, калкулятор қўлида, хисоб -китоб билан овора эди. Эрига салом ҳам бермай, кўзойнак устидан бир қараб, гоҳ пичирлаб , гоҳ
" уҳ " тортиб яна алланималарни қораларди. Миразиз туришини ҳам чиқиб кетишини ҳам билмай турган эди. Шоҳиста; "Эссиз, шунча қилган тўёналарим, биттаси ҳам қайтмаган, номардлар, -деб энсасини қотириб- Нима қилиб қаққайиб турибсиз? Мана ҳаммаёқ расво, тўёналарга ишониб тўй қилган мен ахмоқ, буёқда бозор ҳам ўлди. Оддий одамда тиллага пул қаёқда, оладигани Туркия, Дубай қилиб ўзи ғизиллаб бориб олиб келаяпти. Маза, маза сизга маза тўй қиляпман, деб керилиб одам кутишни ўрнига қўйдиз, энди ҳисоб -китобни кўриб мен шўрликни қон босимим ошиб ўтирипти. Миразиз одати бўйича хотинига индамай термулиб тураверди.
Кичик ўғли эшикдан учиб кирди.
" Ойи, бизнинг тўйни видеоси тоса тарқаб кетибди, ўзиям, ҳамма каналда фақат
шу. " Шоҳиста аввалига хурсанд бўлиб телефонни қўлига олди-ю, тагига ёзилган изоҳлардан пешонаси тиришди.

Реакция ва фикрларингиз илҳом беради, унутманг😊

https://t.me/Mahbuba_Bahodir_qizi

***
Фотима ишга кеч қолмаслик учун қадамини тезлатди. Сумкасида турган телефонига хабар келди чоғи таниш оҳанг эшитилди. Унинг телефонга қарашга вақти йўқ, деярли югуриб борарди. "Хоним" келгунича хоналарни тартибга солиши керак. Тўйлар ўтиб, бугундан дўкон эгалари ишга чиқишади.
Зиналардан кийимини алмаштириш хонасига шошилиб чиқиб кетаётганида қўриқчи йигитга урилиб кетди. Яна ўша қаттиқ нигоҳлар. Тезгина кўзини олиб қочиб, кўнгли ғаш бўлиб хонага кирди.
Хона иссиққина экан, қани энди ҳеч ким индамаса, бир зумгина мизғиб олса эди. Кечаси ухламагани учунми, боши қизиб кўнгли озди. Шунда ҳатто нонушта ҳам қилмагани эсига тушди.
Кечгача қўли сувдан чиқмади. Иш вақти тугаб кетишга ошиқди. Ҳаммаёғи қақшаб оғрирди.
Автобуснинг муздек ойнасига бошини қўяркан кўз ёшлари билан бирга хотиралар қуюлиб кела бошлади. Мана бир йилдан буён аъзойи бадани қақшаб оғрийди. Ўтган йили эрта баҳор пайтлари эди, қўшниси бир табиб борлигини, илоннинг ёғидан тайёрланган укол қилишини ва кўпчилик шу муолажадан сўнг ўғил фарзанд кўраётганини айтди. Қариндошларидан мисоллар келтирди ва табибнинг рақамини берди. Эр-хотин бирга бордилар. Табиб аёл киши экан.
Уларнинг иккаласига ҳам бирдек муолажа зарурлигини айтиб ўша уколдан қилди. Шундан сўнггина бу укол таъсирида баланд иситма чиқиши ва кучли оғриқ бўлишини айтди. Нархи ҳам қимматгина экан. Муолажа уч кун ўтказилиши шартлигини таъкидлади.
Йўлда қора терга тушиб, уйга зўрға кириб келишди. Иситма қирққа чиқди. Фотима-ку тишини -тишига қўйиб чидади. Эри чидолмади, дод деб сўкиниб, хотинини айблаб, тонг оттирди. Эртаси куни нима қилсанг ҳам бормайман, деб туриб олди. Фотима яна икки кун қатнаб шу азобларни бошидан кечирди. Шундан буён ҳамма ёғи қақшаб оғрийди. Турмуш ўртоғимга ўғил туғиб берай шу азобларга ҳам дош берибди-я, у номард бўлса... Кўз ёшларини артиб, эрталабдан буён қўлига олмаган телефонига қаради. Ҳайрон бўлиб қолди.
Эридан смс келибди. "Қизларимни соғиндим."

https://t.me/Mahbuba_Bahodir_qizi

Давоми

***
Эшик қўнғироғининг устма -уст жиринглашидан уйғонган Сабура кўзини очиб, қаерда эканлигини тушунолмай ётди. Кейин илкис ўрнидан туриб эшик очди.
Фотима оёқ кийимини ҳам ечмай: "Тезроқ бўл, машина пойлаб турибди, ҳали ишга етиб боришим керак"-деди.
Сабура кийимини кийиб индамай холасининг ортидан эргашди.
Фотима йўл -йўлакай тушунтириб борарди:" Меваларнинг устини артиб, яхшилаб териб қўйгин, харидорларга чиройли муомала қилгин... " Сабура оғир қадамлар билан ич-ичидан хўрсиниб холасига эргашарди. Тўғриси, нарса сотиб ўтиришини ҳали ҳам тасаввурига сиғдира олмаяпти.
Бироқ... Фотима холаси бир ўзи қийналяпти. У холасини ҳар куни кўришни истайди, чунки жудаям онасига ўхшайди фақат сал озғинроқ, онасининг юзлари лўппи эди. Улар ёш пайти ўқитувчилари ажрата олмас экан. Зуҳра яъни Собуранинг онаси ҳам ёшлигида нимжон бўлган эканда.
Машина катта йўлда, Чирчиқдан Ғазалкент томонларга кетиш томонда трассада тўхтади. Холаси билан бирга юкларни туширдилар. Бозорчиларникига ўхшаб барсетка осиб олган Фотима шофёрга пулни тўлаб, яшикларни ерга қўйиб ўзига ўзи гапиргандай: " Стол керак эканку, -кейин Сабурага қараб -Майли бугунча ерга қўйиб турамиз"-деди ва картонларга ручка билан ёзилган нархларни қўйиб чиқди. "Бўпти, кечга ишдан чиқиб келаман, мана бу термосда чой ва нон- пон бор, омадингни берсин, пулга эҳтиёт бўл,"-деди-ю узоқдан кўринган маршруткага қўл кўтариб кета бошлади.
Совуқданми, ҳаяжонданми Сабуранинг эти увишди. Катта йўл бўйи жуда ҳам совуқ бўлар экан, машиналар тезлик билан ғизиллаб ўтар, ҳар ўтганда изғирин қизгинани учириб юборадигандай бўлар эди. У устига, айниқса оёғига иссиқ кийим киймаганини сезди. Ҳаво жуда ҳам совуқ эди. Мана битта машина тўхтаб, ўрта ёшлардаги аёл ва эркак у томонга кела бошлади. Сабура курткасининг ёқасини юзининг ярмигача кўтариб, ўзи ер чизиб турарди.
" Қизи, олма қанчадан "-деди эркак, чўккалаб ўтириб битта олмани олиб негадир ҳидлаб кўриб.
Сабура картон қоғозидаги ёзувга ишора қилди. Аёл:" Ками борми, "-деди. Қиз индамай тураверди.
Эркак яшик устидаги целлофан халтага олмаларнинг энг чиройли, йирик -йирикларини териб сола бошлади, аёл ҳам ёрдамлашди. Кейин санаб пулни ташлаб кетишди.
Йўловчи маршрутка илкис тўхтади, шекилли, чийиллаган овоз тутди. Сабура беихтиёр овоз чиққан томонга қараб қотиб қолди. Маршруткадан тушган Сардор ҳайратдан бошини бир томонга оғиб кўзларини катта -катта очиб у томонга келарди.


https://t.me/Mahbuba_Bahodir_qizi

Сакийна каналида Сабрием ижросидаги ҳикояларни эшитиш жуда ёқарди. Кейин билсам 10-синф ўқувчиларим ҳам севиб эшитишар экан.
Ушбу каналда ҳикоямни эшитиб, рости қувондим. Мендан ҳам кўпроқ Сабриемнинг мухлисаси ўқувчим Розиябону қувонди🥰
Сиз яхшиларга ҳам илиндим.

https://t.me/Mahbuba_Bahodir_qizi

***
Фотима "Хоним" берган пулни, ишқилиб, йўқотиб қўмай-да, деб жони ҳалак. Ҳар бир қаватни тозалаганда, бир марта хонага келиб сумкасидан хабар олиб қўяди.
Ҳеч қўлига шунча пул ушламаган. Бу пул учун ҳали беш ой ишлаб беради . Балки бозори юришиб кетса эртароқ тўлаб қутилар. Ўзининг ўйидан, ич -ичидан хурсанд бўлди.
Ишларини тезроқ битириб уйига ошиқди. Йўл -йўлакай Сабурага тезроқ келишини тайинлади.
Саҳар соат тўрт бўлишига қарамай,қиш кунлари тонг ёришишидан дарак йўқ. Фотима иссиқ кийимларини кийди ва Сабурага қизларга кўз -қулоқ бўлиб туришини ва эшикни қулфлаб олишини тайинлаб зиналардан деярли югуриб тушди. Кеча Чирчиқ тарафлардан Қўйлиққа юрадиган(улгуржи савдогарлар учун) Дамаслар борлигини ва юриш вақтини аниқлаган эди. Йўллар ҳам қоронғу ва сирпанчиқ экан. Ишқилиб кеч қолмаса бўлгани.
Йўловчилар аксарияти аёллар, ўзлари билан 12-13 ёшлар атрофидаги болаларини ҳамроҳ қилиб олишган. Болажонларга қараб Фотиманинг юраги алланечук бўлиб кетди. Кўзлари юмилиб -юмилиб кетаётган дўмбоққина болакай онасининг елкасига бошини қўйиб олди.
Эҳҳе, бозорда тонг саҳардан ҳаёт қайнар эканку.
Бошланишига уч яшикдан олма, мандарин ва анор олди.Банан олишга қўрқди, қорайиб қолсачи.
Зумда атрофида аравакашлар пайдо бўлди. Нархини эшитиб капалаги учиб кетди. Ахир улар айтган сумма йўлкирадан ҳам қиммат эди. Йўқ, яхшиси, ўзи кўтариб жойлайди, таксига. Такси ҳам фалон пул ҳали. У битта яшикни олиб бориб машинага жойлагунча силласи қуриди, масофa ҳам анча узоқ .Камига шофёр одам тўлганини айтиб шоширди. Иккита яшик қолган эди, амаллаб бор кучини тўплаб устма -уст жойлаштириб кўтарди-ю, белининг оғриғи оёғи билан бирга азоб берди. Машинага етиб келгунча оёқлари қалтираб кетди. Юкхонага меваларни бир амаллаб қўяр экан, оғриқданми, аламданми кўзларидан аччиқ ёшлар думалади.

Реакция -илҳом .Босиб ўтинг

Давоми бор...

https://t.me/Mahbuba_Bahodir_qizi

***
Тўй учун ҳамма нарса тахт. Мирислом қуда бўлмишнинг бу қадар обрўли инсон эканини билмаган экан. Келин топиш-у, учрашувми-ей, фотиҳа тўйи ҳаммасини хотини қойиллатди. Тўғри, Шоҳиста бир -икки марта эркак қудани жуда катта мансабдор деб таъкидлаб қўярди.
Мирислом бошданоқ оила тизгинини аёлининг қўлига топширган, ўзига ҳам шу қулай. Ортиқча бош қотириб ўтирмайди. Иккала ўғли ҳам ҳамма масалани онаси билан маслаҳат қилади. Шу сафар катта ўғлига биринчи марта ота бўлиб: "Ўзи қиз ёқдими, яшайдиган сен"- деган эди. Боласи: " Билмасам, ойим яхши деяптилар-ку "-деди елка қисиб.
Дунё дунё бўлиб бундай тўйни кўрмагандир. Дастурхондаги нози-неъматларнинг турфа хиллиги майлику-я, балиқли таомларнинг ҳар бирининг ёнида мўжаз идишчаларда майда, ранг -баранг тирик балиқчалар қўйилган. Йиғилганлар битта таомни еб улгурмасларидан кейингиси келтириляпти. Хонандалар ҳам таомлар сингари навбат кутишмоқда. Чет элдан келган эстрада юлдузлари ҳам шўх,тўйбоп қўшиқлар билан даврани қиздиришмоқда. Тўйхонанинг пойгакроғидан жой олган аксарият меҳмонлар кадрларни телефонга муҳрлаш билан овора.
Қўли -қўлига тегмай хизмат қилаётган Пўлат дастурхондаги исрофгарчилигу йиғилган кибор меҳмонларга қараб туриб бобосининг:" Дунёдаги энг ёмон зиёфат, қорни тўқларга бериладиган зиёфат "деганининг мағзини чаққандай бўлди. Ҳа, бобоси жуда кўп ҳадис ва ривоятлар айтиб берарди, раҳматли .
Бошқа официантлар келган қўшиқчиларга қизиқиш билан тикилиб -тикилиб иш қилаётган бир паллада у уч кундан бери ишлаган пулидан орттириб синглисига этик олиб бера олмаётганини ўйларди.


https://t.me/Mahbuba_Bahodir_qizi