Лайло Ҳайитова✍️

Кимдир сени ўзидан узоқ тутяптими, ҳеч қачон ўзингни унга яқин тутма!

Чунки бундай кимарсалар 102 хил, тоис, бир юзи икки хил бўлади))

@Leyla_Tun_Qizi

Бужи қўшним ўйламай ёлғон гапириб қўяди. Махпи эса аввал ўйлаб, кейин ёлғон гапиради🤣

@Leyla_Tun_Qizi

Мен: Тухумлар қанчадан?

Сотувчи: 1 500 дан.

Мен: Бунча қиммат🤨

Сотувчи: Истасангиз, мана, бироз ёрилганлари 700 сўмдан, банкага солиб қўйилганлари эса 400 сўмдан.

Мен: Унда менга 50 дона тухумни синдириб, банкага солиб беринг🤦🏻‍♀️

@Leyla_Tun_Qizi

#Бу_кулги_эмас_аммо_кулгили

“Яндекс”га ўтирдим. Ҳайдовчининг ёши катта. Сочи ва хийла қўйилган соқоллари оқарган. Бошида дўппи. Машинаси олд салони устига тасбеҳ қўйилган. Ойнасига диний оятлар битилган митти китобчалар… Таниқли домла томонидан ўқилган суралардан бирини тинглаб кетяпмиз. Одам руҳи ором олгандек, тозаргандек ҳис қиласан ўзингни… Айни манзилга етар-етмас, овоз “ширқ-ширқ” қилиб ўчиб қолди.

- Мириқиб тинглаб келаётгандик,- дедим.

- Шуни айтаман-да, билмадим нимадан бўлди б….т, ўчди н….й,-деди ҳалиги ҳайдовчи…

@Leyla_Tun_Qizi

Бужи қўшним: ўўў, кўп нервимга тегма, ман керак бўлса, иккита аёл билан яшай оламан😡

Махпи: аллооо, онажон, келинг, бундан кейин биз билан яшайсиз. Куёвийз шунақа деяптила😅😆

@Leyla_Tun_Qizi

Йигит-қиз тўйдан олдин тиббий кўрикка боришди. Дўхтирни чўнтагига пул солишди.

Йигит-қиз ФХДЁга боришди. Никоҳ хати учун бошқарув хонимнинг чўнтагига пул солишди.

Орадан вақт ўтди. Йигит-қиз келин-куёв бўлишди. Дўхтирга боришди. Келин ҳомиладор экан. Суюнчисига дўхтирни чўнтагига пул қистиришди…

Бу бутун жамиятга вабодек тарқалди.

Коррупцияга ҳомиладор бўлган жамият, барибир, коррупционерни туғади…

@Leyla_Tun_Qizi

Гулга қанча кўп сув қуйсанг, чириши шунча тезлашади:

одамга қанча кўп эътибор бераверсанг, ўзини шунча худо, деб ўйларкан…

@Leyla_Tun_Qizi

Короче, бу халқ тилидаги - болаликдаги шеърлар. Акам ва опам йиғишда кўмаклашди. Ўқинг, маза қилинг😂

Аппон экан, таппон экан,
Шохи тагал байтал экан.
Амон ўғли қайга кетди,
Тузга кетди.
Қачон келар?
Ёз келар.
Палам пус,
кўзингни қис.
***
Маттихоним “ҳув” дейди,
Чинни косада сув дейди.
Қўтонда қўйим, дейди,
Бухорода тўйим дейди.

***
Икки хотин ош пиширар,
Вағирлашиб хом пиширар,
Ичига пашша туширар,
Ичсанг қорнингни шиширар.
***
Ўрдан учди бедонам,
Бердан учди бедонам,
Сабзига қўнди бедонам,
Сону-саноқсиз бедонам,
Думбаси ёғлик бедонам.
***
Гитлер билан Геринг,
Тошингизни теринг.
Даф бўлинг, тез нари,
Бу советлар ери.
***
Гитлер чўчка ўқ отди,
Ўқлари лойга ботди.
Унинг севган қизини,
Будёнов олиб қочди.
***
Бу кимнинг қизи,
Юрий Гагаринни қизи.
Қўлларида тилла соат,
Ўзи қилолмайди тоқат.
***
Бундай бордим Работалак,
Қозонида олти барак.
Гусала боғлар мадонига,
Бошин тиқар қозонига.
***
Бундай бордим Гўспанжалоб,
Бозор Рўзи қилди дўлоп.
Югуриб чиқди Ҳасанчаси,
Қўлтиғида бедоначаси.
***
Қишлокка келди аттор,
Атторни қувди Саттор.
***
Менинг отам раис,
Олиб беради майиз.
Олиб бермаса майиз,
“Ну покади заяц”.
***
Қатор-қатор оқ уйлар,
Биринчиси бизники.
Келин бўлиб келганда,
Уйнинг тўри сизники.
***
Ассалому алайкум янга,
Бошийзга тилло танга.
Шўрвони шўр қилибсиз,
Бобомни кўр қилибсиз.

***
Янгамсизу янгамсиз,
Кўйлак бичиб билмайсиз.
Қирк игнани синдириб,
Ҳолиям сонга кирмайсиз.
***
Маттихоним қалайсиз,
Чакка берсам ялайсиз,
Идорага борганда,
Ялмоғиз бўлиб талайсиз.
***
Бибичаю бибича,
Тагларида кўрпача.
Кўрпачани олайлик,
Сандиқчага солайлик.
Сандиқчани бир тепдим,
Тилло бодом тўкилди.
Тилло бодом тергунга,
Қанотларим букилди.
Қанот беринг учайлик,
Карманага тушайлик.
Кармананинг қизлари,
Қип-қизилдир юзлари.
Олма берсам олмайди,
Сақич берсам қар-қурс чайнайди.

Давом эттиринглар😀

@Leyla_Tun_Qizi