O'zbekiston ichki bozorini himoya qilish va milliy qadriyatlarni asrash

So'nggi vaqtlarda ijtimoiy tarmoqlarda va jamiyatimizda o'zbek bozorlarining Xitoy mahsulotlariga qaram bo'lib qolayotgani, mahalliy tadbirkorlarga qiyin bo'layotgani haqida vediolar ko'paymoqda. Bu xavotirlar bejiz emas. Albatta, xalqaro savdo aloqalari, jumladan, Xitoy bilan hamkorlik iqtisodiyotimizga foyda keltirishi mumkin. Ammo biz bu jarayonda milliy manfaatlarimizni, o'z ishlab chiqaruvchilarimizni himoya qilishimiz shart!
Nega ichki bozorni himoya qilish kerak?

Mahalliy ishlab chiqaruvchilarni qo'llab-quvvatlash orqali biz yangi ish o'rinlarini yaratamiz, soliq tushumlarini oshiramiz va shu orqali mamlakatimiz iqtisodiyotini mustahkamlaymiz.
Importga qaramlikni kamaytirish: O'zimizda kerakli mahsulotlarni ishlab chiqarish orqali biz boshqa davlatlarga qaram bo'lib qolish xavfini kamaytiramiz. Bu esa iqtisodiy mustaqilligimizni ta'minlaydi.
Raqobatbardosh muhitni yaratish: Mahalliy tadbirkorlar o'sishi uchun sharoit yaratib, biz raqobatbardosh muhitni yaratamiz. Raqobat esa mahsulotlar sifatini oshiradi va narxlarini arzonlashtiradi.
Tadbirkorlarimizni qo'llab-quvvatlash: Mahalliy tadbirkorlarimizga kreditlar berish, soliq imtiyozlari yaratish, ularning mahsulotlarini xarid qilish orqali ularga yordam berishimiz kerak.
Milliy qadriyatlarni asrash masalasi:
Shuningdek, biz milliy qadriyatlarimizni asrashimiz, o'zbek tilining ustunligini ta'minlashimiz kerak. Ko'chalarda, do'konlarda o'zbek tilida yozuvlar ko'payishi kerak. Xitoy yoki boshqa tillardagi yozuvlar o'zbek tilidagi yozuvlardan ustun bo'lmasligi kerak. Chet elliklarni hisobga olgan holda ingliz tilidagi yozuvlarini bo'lishi normal.
Biz "Halol" degan yozuv yoki boshqa islomiy nomlarga ruxsat bermagan joyda, Xitoy yozuvlariga ham yo'l qo'ymasligimiz kerak. Bu – adolatdan emas. O'z dinimiz, tilimiz va madaniyatimizni o'z vatanimizda mustahkamlashimiz kerak.

@tarixchini_kundaligi