Yoshlar va milliylik: Milliy libos – millat iftixori

Bugungi kunda mamlakatimizda milliylikni targ‘ib etish, milliy madaniyatimiz va qadriyatlarimizni asrashga qaratilgan qator tashabbuslar ilgari surilmoqda. Bu tashabbuslar yoshlarda milliy o‘zlikni shakllantirish, tarixiy an’analarga sodiq qolish va ularni zamonaviy hayot bilan uyg‘unlashtirishga qaratilgani bilan ahamiyatlidir.

Milliy libos – bu shunchaki kiyim emas, balki xalqimizning ruhiyati, tarixi va madaniyatining yorqin aksidir. U ajdodlarimizning hayot tarzi, go‘zallik haqidagi tasavvurlari va san’atidan darak berib turadi. Milliy libosni kiyish – bu millatga hurmat, o‘zligimizga sadoqat va qadriyatlarimizga e’tibor demakdir.

Kosonsoy tumani yoshlar yetakchilari bu borada chin ma’noda na’muna bo‘lib, milliy libosni keng targ‘ib etishda yetakchilik qilishlari lozim. Yoshlar o‘rtasida milliy kiyimlar madaniyatini ommalashtirish, uni faxr bilan kiyish va turli tadbirlarda faol targ‘ib qilish bugungi kunda dolzarb masalalardan biridir.

Keling, milliyligimizni asrab-avaylab, uning nafosatini avlodlarga yetkazaylik!

🇺🇿 @KosonsoyYIA | Yoshlar ishlari Kosonsoy tuman boʻlimi