Hiberfil.sys faylini o'chirish yoki hajmini kamaytirish
#tavsiya / ©️@pcteapot

ℹ️ Hiberfil.sys — bu kompyuterning xotira (RAM) ma'lumotlarini diskka saqlash uchun ishlatiladigan fayl. Ushbu fayl asosan kompyuterning "Gibernatsiya" (Hibernate) rejimida ishlaydi. Agar siz bu rejimdan foydalanmasangiz, uni o'chirib qo'yish orqali ushbu faylni diskdan butunlay yo'q qilishingiz mumkin.

🗑 Hiberfil.sys faylini o'chirish
Agar "Gibernatsiya" rejimidan foydalanmasangiz va diskda joyni tejamoqchi bo'lsangiz, quyidagi amallarni bajaring:
1. Buyruqlar satri (Command Prompt) ni administrator huquqlari bilan oching (buning uchun Windows tugmasini bosing, cmd deb yozing va Запуск от имени администратора'ni tanlang.)
2. Unga quyidagi buyruqni yozing va Enter tugmasini bosing:

powercfg -h off

Ushbu buyruq gibernatsiya rejimini o'chiradi va hiberfil.sys faylini avtomatik ravishda o'chirib tashlaydi.

🔽 Hiberfil.sys faylining hajmini kamaytirish
Agar gibernatsiya rejimidan foydalanishni davom ettirishni istasangiz, lekin hiberfil.sys faylining diskda egallaydigan hajmini kamaytirmoqchi bo'lsangiz, quyidagilarni bajaring:
1. Buyruqlar satri ni administrator huquqlari bilan oching.
2. Quyidagi buyruqni kiriting va Enter tugmasini bosing:

powercfg /h /size 50

Bu buyruq fayl hajmini operatsion tizim ruxsat bergan minimum qiymatga (40%) yoki siz ko'rsatgan foizga (masalan, 50%) qisqartiradi.

Eslatma: 50 — bu fayl hajmining foiz ko'rsatkichi. Minimal qiymat 40% bo'lishi mumkin.

⚠️ Nima uchun bu muhim?
Hiberfil.sys fayli odatda xotira hajmiga teng bo‘ladi. Agar sizda, masalan, 8 GB RAM bo‘lsa, fayl hajmi ham taxminan 8 GB bo‘lishi mumkin. Faylni o'chirib yoki hajmini kamaytirib, diskda ko'p joyni bo'shatishingiz mumkin.

Agar kompyuteringizni "uyqu rejimidan" foydalanishga moslashtirgan bo'lsangiz, bu sozlamalar ishga ta'sir qilmasligini unutmang, chunki uyqu rejimi (Sleep) va gibernatsiya (Hibernate) o'rtasida farq bor.

😎 V.M.: Rasmda esa ushbu mohirlik yordamida o'zimdagi faylni o'chirganimni ko'rsatganman.

@ka_rasmiy